مصطفى بهجت فى الدستور

[الجندى المجهول]

 

 

مصطفى بهجت فى جريده الدستور

 

 

شن أنس دنقل الشقيق الأصغر للشاعر الراحل أمل دنقل انتقادات حادة لهيئة قصور الثقافة ومحافظ قنا مؤكدا تجاهل الطرفين الاحتفال بشقيقه في مسقط رأسه في وقت يحتفل به العالم العربي بأسره بأمل دنقل وأشعاره ودوره وتأثيره الذي خلفه في الحياة الأدبية والثقافية المصرية.

 

وقال إن أمل دنقل لم يشهد مهرجانا لتكريمه والاحتفال به إلا في عهد اللواء صفوت شاكر الذي كان يواظب ويحرص علي إقامة مهرجان سنوي لتكريمه ولمدة ثلاثة أيام، ولكن بعد رحيل صفوت شاكر عن المحافظة لم يحدث أن تم تنظيم مهرجان بالمعني المعروف، بل تم اختصار الأمر علي مجرد احتفالية باهتة تحمل اسم أمل لا يدعي إليها أهله ولا يذكر فيها اسمه إلا علي اللافتة المرفوعة في إشارة إلي أن هذه مجرد احتفالية لموظفي المحليات وموظفي الثقافة يتم تسخيرها سنويا لتبادل التكريم والدروع بين محافظ قنا ورئيس هيئة قصور الثقافة ولاعلاقة لها علي الإطلاق بأمل دنقل وبشعره.

 

وقال أنس: إن بيت ثقافة أمل دنقل الموجود بمدينة قفط منذ عام 1985 هو عبارة عن شقتين دور أرضي بهما رطوبة وطفح مجاري علي مساحة 120 مترًا تقريباً، ومكدسين بالموظفين حيث إنه أبعد ما يكون عن الثقافة ولا يصلح لأي غرض ولاتوجد أي أعمال أدبية أو شعرية بداخله تخص أمل مؤكدا أن المحافظ يرفض تخصيص أي أرض تخصص لقصر ثقافة أمل علي الرغم من أن فاروق حسني وزيــــر الثقافة قــد أبدي استعداده أكثر من مرة للمساهمة في تجهيز هذا البيت الثقافي، والمفارقة أن الدولة أقامت بيت ثقافة في منطقة منعزلة بنجع طور رماش بحاجر الجبل.

 

كما أشار إلي أن شقيقه كان دائما يرفض السفر خارج مصر لشعوره أنه أغني من رئيس الجمهورية بل يمتلك كل شوارع مصر حيث إنه رفض عروضا كثيرة من بعض الدول العربية الخليجية للعمل والكتابة فيها مفضلا البقاء في مصر والعيش فيها رغم أنه كان ممنوعاً من النشر ومطروداً من العمل.

 

وعن أصدقاء أمل الحقيقيين أشار أنس إلي أنهم كانوا نوعية غريبة من صعاليك المدينة الذين لم يعرفوا له صنعة سوي أنه واحد منهم ولم يعرف هو لهم صنعة سوي أنهم رفاق السهر والصعلكة في شوارع القاهرة أما عن أصدقائه من الوسط الأدبي والفني فلم يكونوا عادة من الشعراء ربما للحساسية الرومانسية المفرطة لدي الشعراء كان أصدقاؤه من الوسط الفني رسامين ونحاتين أمثال النحات عوني هيكل وسينمائيين أمثال خيري بشارة وقصاصين أمثال يوسف إدريس ونقاد أمثال الدكتور لويس عوض ربما لأنهم يقبلونه علي ما هو عليه من نزق طفولي جميل.

[عاشق الصداقه]

جزاك الله خيراً حبيبى الجندى المجهول ،،

والف مبروك لحبيبى "مصطفى بهجت" ،، أخبرنى برساله وإشتريت الجرنال وفرحت به كثيراً

الف مليون مبروك ، ويارب موفق دايماً ،،

[El-Saher Fantasy]

هو صطفى بهجت اللي كتب الكلام ده يعني؟؟

ربنا يكرمك يا "صافي" ومن نجاح لنجاح يا حبيبي

وعقبال يارب ماشوفك بتكتب في الأهرام

وان كنت اعتقد ان الاهرام حكومية وانت مش هترتاح هناك

ربنا ييسرلك أمرك ويوفقك إلى ما يحبه ويرضاه ويهديك إلى ما فيه الير والصلا

استاذي الكريم... تقبل تحيتي

[حياتى من اجل ربى]

ماشاء الله اخى مصطفى

متميز داااااائما

ويارب من نجاح الى نجاح يارب

جزاك الله خيرا اخى شاعر المنتدى على نقل الخبر

ربنا يجعل كل ما تقدمونه فى ميزان حسناتكم

ويوفقكم الى ما يحب ويرضى

كل احترامى وتقديرى لكم

[نودي]

الف الف الف مليووووووووون مبرووووووووك لانضمام مصطفي بهجت لاسرة الدستور انا كنت بجيبه مواسم بس ان شاء الله نشتروه ع طول

وربنا يكرمك ان شاء الله

تقبل تحيتي

[Dr.A7MD]

ألف مبروك يا مصطفى

 

عقبال لما تبقى رئيس تحرير جريدة تأسسها بنفسك

 

تحياتى ليك

[مصطفى بهجت]

أخويا و حبيبي الغااااااالي ( الجندي المجهول ) أحمد يحيى ..

أنا بجد مش عارف أرد عليك أقولك إيه ولا إيه ولا أشكرك إزاااااي !!

فؤجئت دلوقتي حالا بالموضوع ده اللي إنت كاتبه عني ده ..

إنتوا بجد كل يوم بتخلوني أعجز عن الشكر والكلام ..

 

أخواتي :

 

- ( عاشق الصداقة ) متشكر جدا لاهتمامك واتصالك بيا .. الله يبارك فيك يا جميل ..

- ( الساهر ) ههههههه فعلا معاك حق مش حرتاح في الجرايد الحكومية يا بطل .. بس ما يضرش برضه ..

- ( حياتي من أجل ربي ) بارك الله فيكي .. ومتشكر جدا جدا على كل كلمة طيبة قولتيها في حقي ..

- ( نودي ) الله يبارك فيكي .. بس خلي بالك أنا حنشر شغلي كل يوم أحد فقط على صفحات الدستور ..

- ( دكتور أحمد ) ربنا يسمع منك و تكون جريدة باسم ياللاياشباب ..

 

انتظروني على صفحات جريدة الدستور ( يوم الأحد من كل أسبوع ) ..

 

دعوااااتكم ..

[مهندسة المنصورة]

 

مبـــــــــروك كتير لحضرتك

ما شاااااااااااء الله

ربنا يحقق لحضرتك كل طموحاتك ويكون كل حرف حضرتك تكتبه يكون في ميزان حسناتك

وتوصل لافضل مستوي حضرتك تتمناه وتكون راضي عنه

 

 

 

[الجندى المجهول]

ياباشا الف الف مبروك ويارب اشوفك رئيس تحرير اكبر جريده فى مصر والوطن العربى يارب

يارب افرح بيك قريب علشان تريح قلبى

[ali desoky]

صحفي يللا ياشباب الاول ( عقبال ما تبقي صحفي مصر الاول)

اخي وحبيبي ( مصطفي بهجت)

 

الف مبروك علي انضمامك الي جريدة الدستور

اعتقد انهم كسبوا صحفيا صاحب قلم مفكر وعبقري وذو نظرة ثاقبه

 

ربنا يكرمك يا اخي ويزيدك ان شاء الله

 

 

اسف لعدم مقدرتي علي شراء العدد الماضي بسبب ظروف مرضيه

ولكن ان شاء الله تتعوض كل احد ان شاء الله

 

 

واخيرا اشكر اخي وحبيبي الجندي المجهول علي نقل وكتابة الموضوع الجميل

 

بارك الله فيكم اخوتي

وزادكم من فضله

[شهد 2010]

الف مبروك ليك اخونا مصطفى

وربنا يوفقك ان شاء الله فى اى مكان

[مصطفى بهجت]

بسم الله الرحمن الرحيم

 

أخواني .. أخواتي .. الأفاااااضل

 

- ( مهندسة المنصورة ) اللهم آمين .. ربنا يتقبل منك يا بشمهندسة كل دعوة دعيتهالي ..

 

- ( الجندي المجهول ) إنت اللي باشا .. إيه العمايل دي كلها والكلام ده كله ... بالراحة عليا يا أخي ..

 

- ( علي دسوقي ) ربنا يخليك يا صديقي .. كتييير عليا قوي الحلو ده كله .. حغرمك جنيه لز يوم أحد تشتري الجورنال .

 

- ( شهد ) جزاكي الله خير .. ووفقك الله إلى ما فيه الخير ويارب أشوفك في أحسن حال ..

[تقوى القلوب]

الف مبروك يا مصطفى

 

ربنا يكرمك

 

ومن نجاح لنجاح اكبر باذن الله

 

انت تستاهل كل خير

 

بس خلى بالك لازم تدينا مجال اننا نناقشك فى كتاباتك فى الدستور

[مصطفى بهجت]

الله يبارك فيكي يا ( تقوى القلوب ) ..

ربنا يكرم كل شباب المسلمين ويجعلهم من خيرة الشباب ..

أنا موافق تناقشوني في كل كتاباتي ..

أكيد حستفاد منكم ومن آرائكم كتييير .

جزاكم الله خيرا ..

[El-Saher Fantasy]

أنا موافق تناقشوني في كل كتاباتي ..

 

وأنا موافق اقرا جرايد علشان خاطرك

بس اللي يستحمل

رغم اني متأكد اني مش هالقالك غلطة ان شاء الله

مع حبي

[مصطفى بهجت]

متشكر جدا جدا يا ساهر ..

 

حتقرى الجرايد علشاني .. إيه الهنا اللي أنا فيه ده ؟

 

انا مستعد يللا للمناقشات للصبح ..

 

و لازم حتلقى غلطاااات كتيير ..

[الكروان الاصيل]

سبقتني ياجندي يامجهول

بس بجد بجد بشكرك كتيييييييير

 

 

وتعليقي ليك يامصطفي ياأغلي الاخوات

مش ممكن كلمات تعبر عنه ....

 

مبرووووووووووووك ياأصدق قلم

وصل للدستور

ومش بقلك انت مبروك يامصطفي

انا بقول للدستور مبروك عليكي اخويا مصطفي بهجت .

لولولولولولولولوللللللللللللللللي

ودي زغروطه من عندي

ربنا يوفقك وللامام دايما

[مصطفى بهجت]

أختي الفاضلة ( الكروان الأصيل ) .

كل الشكر والتقدير والاحترام للتهنئة الجميلة دي ..

أنا اللي كسبت والله كل اخواتي ف المنتدى ..

الكلمات قليلة جدا علشان تعبر عن تقديري و احترامي ليكم كلكم ..

قلمي بسيط و متواضع .. أنا بتعلم منيكم والله .

يارب أشوفك في أحسن حال ..

[صناع الحياه]

ولسه يا صديقي القادم افضل

انت تستاهل كل خير

[مصطفى بهجت]

أخويا و صديقي الغاااالي قوي ( صناع الحياة ) ..

 

صديقي صاحب الموضوعات القوية قوي قوي قوي ..

 

يااارب يسمع منك ..

 

إنت اللي تستاهل كل خيييير ..

[NADA]

باسم الله ما شاء الله

 

و الله فرحت جداً من أول ما قريت الخبر ده,,

 

تصدق أحلى من أخبار الجرايد!!

 

ربنا يوفقك ويكرمك يارب وتحقق كل اللى بتتمناه..