زغروطه

[الجندى المجهول]

زغروطه يا ولاد البلد

 

لجل القمر على باب بلدنا .. بيتولد

 

قوموا انهضوا

 

ورّولُه ف حدود المكان

 

سكة هوانا .. وحبنا

 

وقولوله يا نجم الهوى

 

كل السما دى .. ملكنا

 

● ○ ●

 

زغروطة يا ولاد البلد

 

لجل القمر على باب بلدنا .. بيتولد

 

يلّا انهضوا

 

قوموا وضَّبوا سكة حنان

 

أو جهزوله ألف مطرح للبيات

 

لفلف يا ليل

 

إيدك ف إيد بنت وولد

 

زِفوّله أجمل لؤلؤة .. زينة البنات

 

لجل اما يفضل ف السما بتاعتنا دية .. سنوات

 

مبسوطة يا .. سكر نبات

 

ياللى انبدر ف عنيكى م الفرحْ .. السكات

 

شارة وعلامة للرضا

 

وأهو لمَّا جالك بالندا

 

قلبك بدا

 

يعزف له أجمل أغنيات .

 

 

 

لكل بنات المنتدى اللى فرحهم قريب

 

===

للكاتب : وليد رافت محمد

 

 

شعر _ شعر عامى _ شعراء _ اشعار _ قصائد شعر _ قصائد _ قصيده زغروطه _ زغروطه _ شعر زغروطه

[El-Saher Fantasy]

عقبال أولادك

 

متميز حبيبي

كمل ربنا يوفقك

تقبل تحيتي

[الجندى المجهول]

حبيبىالساهر بارك الله لك

نورت الموضوع والله

ربنا يسعدك ويكرمك ويرزقك الجنه ويحققلك كل ماتتمنى

[شهد 2010]

جميله جدا

نقولها بقى لاختنا ندا

جزاك الله كل خير

[ali desoky]

جميله يا شاعر المنتدي

الف الف الف مبروووك لكل اللي ربنا كرمه او ربنا كرمها

 

 

وعقبال اللي لسه ما لقاش نصه التاني