احنا الي خرمنا الربع جنيه.. واحنا الي سدينا الخرم ...

[ali desoky]

احنا الي خرمنا الربع جنيه..

واحنا الي سدينا الخرم ...

 

 

 

اية الاخباار يا شباب

 

اولا: انا عجبني الموضوع ده رحت نقلته وغيرت فيه شويه

 

ثانيا : علشان اوريكو ان مصر بلد العجائب ومافيش زيها

(مش سخرية ولا استهزاء) بس افتخار حتى ولو فى شئى بسيط

بص يا عم انت وهي

 

 

احكيلكم حكاية سريعة كدة

 

 

في قديم قديم الزمان ......... يجي من عشرين سنة كده

 

كانت توجد عملة تسمي ربع الجنية

 

وكانت تتم صناعتها من الورق مع اضافة زخارف ليها

وكانت الورقة ماشاء الله قد كف اليد لعيل عنده 15 سنة

وكبار برضو عديها

 

 

 

 

 

وكان الناس بتتبسط بيها وبيستعملوها في شراء مناديل فاين

او شراء مصاصتين او مستيكة تشكلتس

وكان في اطفال تجمعها في العيد عشان بتبقي لسه جديده

ومترضاش تصرفه

ا

 

وبعدين كشئ طبيعي ومنطقي حصل تغيير في الشعب

( وليس في النظام )

ونتيجة لده ظهر في قديم الزمان الي بعده ربع جنية لكن معدن

 

 

 

وابتدا الناس تتجاهله في الاول ومترضاش تاخده

 

ومنهم الي يتعارك مع السواق لو اداله الباقي فيه ربع جنيه مخروم

لكن كان في ناس بتاخده وتحب تحطه في الميداليه لغايه لما تتملي

ويبقي مبلغ محترم

 

وناس ابتدت تجمع اتنين منه وتشتري مناديل فاين

( بقيت 50 قرش )

 

او يجمعو 4 منه ويشتروا مصاصة ( بقت 1 جنيه )

 

وطبعا مننساش السمكرية الي كان بيستعملوه بدل الوردة في المسامير

 

 

المهم دوام الحال من المحال وحسب التطور الطبيعي للحاجة الساقعة

 

 

ناس اتشالت وناس اتحطت

 

 

ناس اتخرجت من الكليات وناس لسه

 

 

ناس بتشرب شاي وناس بتشرب ينسون وواحد هناك بيشرب بيريل

 

 

كل الظروف دي ادت لظهور

 

الربع جنيه بدون خرم

 

 

ربع جنيه ظريف كده تبصله تبقي عايز تضحك

 

المهم دلوقتي هما منزلينه يتجاب بيه ايه ؟

 

وبعدين من غير خرم مش هيتحط في ميدالية او وردة مسمار؟

 

لكن كل ده مش مهم

 

المهم الفاريتي الي موجود عندنا

 

الثلات انواع موجودين في الاسواق وبيتم التعامل بيهم حاليا

ومن الممكن الحصول عليهم من اي تاجر او محل عصير

او سواق ميكروباص

 

 

وبكده كملت العيلة

 

الجنيه المعدن / النصف جنية المعدن / الربع جنيه بدون خرم المعدن / الربع جنيه بخرم المعدن / العشرة قروش المعدن / او الشلن المعدن

 

 

 

وقريبا الخمسة جنيه المعدن

 

 

 

وان شاء الله في اول السنة ولا حاجة العشرة جنيه والخمسين المعدن

 

وهنمشي كلنا بجراب للموبيل وجراب للدنانير قصدي الفلوس

 

والي يروح البنك يروح بشوال او كيس قماش زي بتاع الخضار

 

 

وهنا يجيلي سؤال في غاية اللذاذة والظرافة واللطافة

 

 

هل في بلد غيرنا

فيها تداول لعملة واحدة ليها ثلاث اشكال في نفس ذات الوقت ؟

 

 

سؤال يطرح نفسه

 

 

شوفتو مصر بلد العجائب ولا لاء!!

 

 

 

 

 

 

 

 

[شهد 2010]

وهنمشي كلنا بجراب للموبيل وجراب للدنانير قصدي الفلوس

 

والي يروح البنك يروح بشوال او كيس قماش زي بتاع الخضار

 

 

هههههههه والله عندك حق اخى على

بجد بقى موضوع غريب كل الفلوس بقت عباره عن دنانير

بحس ان احنا رجعنا لايام زمان ايام الدراهم والدنانير

ربنا يصلح الاحوال

جزاك الله خيرا اخى على ...على الموضوع الجميل

فعلا احنا بلد العجايب

[حسن رمضان]

احنا اللي خرمنا الربع جنيه

ههههههههههههههههههههه

 

انا جهزت كيس الدنانير من دلوقتي

يعني عملت حسابي