هيحصل إيه في البروفايل بتاعك إن مت ؟؟؟

[ali desoky 391]

هيحصل إيه في البروفايل بتاعك إن مت ؟؟؟

السلام عليكم و رحمة الله و بركاته

 

 

 

 

الموضوع ده انا قريته في احدالمواقع

وشدني جدا

و ربنا يهدينا جميعا و يغفر لينا جميعا

 

*****************

 

الملائكة بيكتبوا أعمالنا في الدنيا ..

بيكتبوا "صحيفة الأعمال" لكل واحد ،

يعني كل واحد له

file او بروفايل

فوق كدة فيه كل حاجة

بيعملها عشان يتحاسب عليها في الأخرة،

 

طب الواحد يعمل إيه لو صحيفة أعماله إتنشرت قدام كل الناس اللي يعرفها، و في الدنيا،...؟؟

تخيل إنك مت .. و كتاب أعمالك خلاص .. إكتمل .. و تم نشره!

 

شئ مرعب مش كدة؟

 

و لكنك واعي له تماماَ، بل إنك إنت اللي بتنشر الكتاب بنفسك قبل ما تموت،

البروفايل بتاعك علي المنتديات او علي فيس بوك .. مش بيموت .

 

 

الموضوع إن فيه إتنين أعرفهم توفوا في حادثين متفرقين،

الإتنين كنت أعرفهم معرفة سطحية و لكن عندي علي فيس بوك،

الأول توفي في حادث سيارة و عرفت من صديق لي،

 

و اما روحت البيت فتحت فيس بوك لقيت واحد صاحبنا عامله

tag

في

note

فيها أدعية له ..

 

و لكن المشكلة، إن المتوفي كان كغيره من الشباب، بيفتخر بحاجات كتير غلط بيعملها، و أخر

profile picture

كان حاططها ، صورة له و هو ماسك كانزاية بيرة ..

 

والموضوع كان محرج و غريب ..

أدعية و دعوات و صورة له ماسك بيرة ..

لا يستطيع تغييرها سواه هو ..

وهو مات!

مكنش يعرف إن الصورة دي هيبقي ال

comments

(التعليقات )اللي عليها "الله يرحمك و يغفرلك" و "اللهم إغفرله له خطاياه" و "اللهم أحسن خاتمتنا" ..

 

و بروفايل الفيس بوك بتاعه كان سبب إكتئاب لأخته تحديداَ و اللي أنقذت الموقف بإنها دخلت عالمسنجر بتاعه من

اللاب توب الخاص بيه و اللي معمول فيه المسنجر

auto sign in و قفلت من خلاله بروفايل الفيس بوك خالص .

........

 

 

الشخص التاني مكنتش أعرفه خالص و لكنه كان مشترك في جروب لمحبي السيارات، كان عنده 18 أو 19سنة

و كان بيسأل اسئلة تبين إنه بيحب السرعة، ..

دخلت عالبروفايل بتاعه أكتبله إيه الأخبار .. لقيت علي ال wall حاجات زي "هتوحشنا" و "الله يرحمك" و "يا رب إجعل مثواه الجنة" و موعد عزاء ..

عرفت إنه مات ..،

فضولي لم يمنعني من تصفح البروفايل بتاعته ..

لقيت

the last activity( اخر مشاركه)

و اللي هي كانت المفروض عملها يوم وفاته، كان

quiz

بعنوان

how many *** partners will you have before you die ?

( كم عدد الرفقاء لك قبل وفاتك؟؟)

 

الحقيقة مقدرتش أفكر في أي أفكار أو يمكن الأفكار في دماغي كانت كتير فا مقدرتش أركز في ولا واحدة فيهم، هل

الواحد ممكن ياخد

quiz

 

علي سبيل الهزار أخره جملة

before you die

، و هو ميعرفش إن

before you die

دي فترة قصيرة جداَ لا تتعدي الساعات

! و ياخد ال

quiz

و يموت و ينزل تحت الأرض و إحنا قاعدين قدام شاشة الكمبيوتر بنتفرج علي إن

دي كانت

his last activity .

 

 

و زي صورة كانز البيرة ..

دي و كل الحاجات اللي عالبروفايل بتاعه ..

غير قابلة للمحو ..

لأن الوحيد اللي يقدر يغير .. مات ..

و البروفايل تحول إلي مزار لأشياء تحولت إلي تاريخ !

و البروفايل

بيقول أخر حاجة كان بيفكر فيها عدد ال

*** partners

اللي هيكونوا في حياته!

 

 

الحقيقة زيارة بروفايل علي فيس بوك لشخص إنت عارف إنه مات شئ غريب جداَ و إحساس غريب، بتحس إنك بتكلم

شبح .. بتلاقي كلام هو كاتبه في

notes أو comments

 

عالصور .. تحس إنها مينفعش تكون

موجودة لأنه ميت !

بتلاقي لستة أصدقاء ..

لا يمكن في يوم من الأيام هيزيدوا واحد ..

و هتلاقي صور .. مش هيكون لها جديد .

 

الإنترنت و فيس بوك تحديداَ ..

خلي إن الواحد ممكن يعرض حياته كلها قدام الناس ..

و يسيبها و يموت ..

و تفضل هي .. زي بالضبط ماتكون صحيفة أعمالك إتطبعت و بقت تتباع عند بتاع الجرايد ..

ممكن تدخل علي بروفايل حد مات و إنت مكنتش تعرفه أصلاَ ..

وتعرف كان بيحب مزيكا إيه و أفلام إيه و بيشجع أنهي فريق و كان مرتبط بأنهي بنت و ليه كانوا متخانقين قبل ما يموت و مين صحابه و حالته النفسية كانت عاملة إزاي و شخصيته كان شكلها إيه و كان شكله إيه يوم ما مات في الصور اللي إتاخدت بالصدفة من غير ما يعرفوا اللي لسة هيحصل،

و كمان تعرف إيه أخر حاجة كان بيفكر فيها قبل ما يموت ..

 

قاعد تقلب في حياة واحد راقد علي ظهره في مكان مظلم و عاري من كل شئ في الدنيا عدا قماشة بيضاء ملفوف فيها!

 

بل و تعرف معلومة زيادة هو نفسه مكنش يعرفها ..!!

إنه كان هيموت بعد ما يعمل الحاجات دي مباشرة!

و مكنش هيبقي فيه أي طريقة لتغييرها ..

و هتفضل قدام الكل بعد ما كتبها بمزاجه .

 

 

ده كان جانب انا مشفتوش في فيس بوك و الإنترنت إلا من خلال الموقفين دول ..

و مش عارف هل إحنا فعلاَ عايزين كدة ولا لأ ؟

 

هل الإنترنت ممكن يتحول لمقبرة أكبر من الهرم الأكبر و أقوي من النقوش الفرعونية علي جدرانه..!!

 

لأنه ببساطة .. لا هيتمسح ولا هيتغير إلا من خلال اللي كتبه ..!!

 

هل حد فينا يتخيل إن البروفايل بتاعه ممكن يتحول ل"نصب تذكاري"!

 

رد فعلك ممكن يكون إيه لو تقدر تقدم الوقت و تشوف صفحة بروفايلك بتاعة بكرة

و لقيت مكتوب فيها الله يرحمك و هتوحشنا و هندعيلك في كل صلاة .. و صورتك هي صورة جروب عنوانه

rest in peace !

 

 

************************

 

أكيد معظمنا له صديق أو زميل مات وهو شاب

أو شاف حد أو سمع عن شاب مات فى حادثة

أو مات بمرض أو مات بأى حال من الأحوال

 

 

 

اللهم احسن خاتمتنا

واسترنا و اغفر لنا

و ارحمنا من عذاب القبر والنار

يا رب العالمين

 

 

 

مــــــــــــــــــــنـــــــــــــقـــــــــــول

تم تعديل February 14, 2010 بواسطه alidesoky

[دعوه للجنه 457]

اللهم احسن خاتمتنا

واسترنا و اغفر لنا

و ارحمنا من عذاب القبر والنار

يا رب العالمين

 

اللهم امين

جزاك الله خيرا M..على

كلمات اكثر من ممتازة ربنا يجعل النقل هذا فى ميزان حسناتك...

 

انا اعتبرت الموضوع ده فعلا بالنسبة ليا

دعوة لتغير بروفايلى....

 

ربنا يوفقك اخويا الوقور...

[عاشق الصداقه 525]

جزاك الله كل الخير حبيبى "على دسوقى" ،،

والله الموضوع رائع ومؤثر فعلاً ،، وربنا يهدى شبابنا ع الفيس بوك وغيره ،، والناس تعتبر وتفكر مره واحده صح فى حياتها ،، وتفكر بجد .. فى موقف زى ده .. ممكن ده يغير حياتهم كلها للأفضل ..

بل و تعرف معلومة زيادة هو نفسه مكنش يعرفها ..!!

إنه كان هيموت بعد ما يعمل الحاجات دي مباشرة!

و مكنش هيبقي فيه أي طريقة لتغييرها ..

و هتفضل قدام الكل بعد ما كتبها بمزاجه .

 

اللهم إجعل خير أعمالنا خواتيمها

اللهم أحسن خاتمتنا ,, وحسن خلقنا .. وتقبلنا بقبول حسن

امين

 

جزاك الله كل الخير حبيبى

[الرّام 173]

اللهم احسن خاتمتنا

واسترنا و اغفر لنا

و ارحمنا من عذاب القبر والنار

يا رب العالمين

 

اللهم اااااامين

 

 

****

 

الله يجزيك بالخير

 

و بالحق الموضوع مؤثر لأقصى درجة

 

الله يهدي

 

و ربي يقدر الخير

 

ان شاء الله

[تقوى القلوب 12]

اللهم احنا خاتمتنا

 

 

يارب

 

جزاك الله كل خير اخى المتميز دوما

[شهد 2010 4]

اللهم احسن خاتمتنا

واسترنا و اغفر لنا

و ارحمنا من عذاب القبر والنار

يا رب العالمين

 

اللهم امين

شكرا لك اخى على

موضوع بجد ممتاز

ربنا يجعله فى ميزان حسناتك ان شاء الله

اللهم اجعلنا ممن يستمعون القول فيتبعون احسنه