مين يعرف الأجابة؟؟؟؟

[بنت مصرية 66]

اخواني واصدقائي الأعزاء اعضاء مندتايات يلا ياشباب

راودتني فكرة اردت ان اشاركم بها واتمني من الله ان تعجبكم

الفكرة ببساطة شديدة هي ان يقوم عضو من الأعضاء بوضع سؤال معين

ويقوم العضو الذي ياتي بعده بالإأجابة علي السؤال ويقوم بوضع سؤال بدوره وهكذا

الفكرة يمكن ان تكون بسيطة وعادية ولكني احس بانها ستكون مكتبة في منتدي الحوار العام لاي شيء

نود ان نسأل عنه

ونجد الأجابة عليه واتمني من الله ان تنجح الفكرة

*********

وسأكون اول من يبدأ

اعزائي سمعنا عن المقولة الشهيرة التي قالها سيدنا عليكرم الله وجهه

وهي لو كان الفقر رجلا لقتلته

 

سؤالي هولماذا قال هذه المقولة ؟؟

اختكم بنت مصرية

تم تعديل December 28, 2007 بواسطه بنت مصرية

[فراس فراس 0]

أنتى متاكدة أن عمر بن الخطاب رضى الله عنه هو اللى قال كدة

 

انا اعرف انه على بن ابى طالب رضى الله عنه

[بنت مصرية 66]

اعذرني اخي فراس فراس علي هذا الخطيء

ولكن الأن هل اجد عندك الأجابة

[فراس فراس 0]

أنشاء الله

 

لكل سؤال ليه اجابة , ولكل مشكلة وليها حل

 

الأول للعلم

على رضى الله عنه ماكنشى غنى كان فقير

 

والثابت فى هذا

 

ان الرسول عليه الصلاة والسلام لما جه يجوزه بنته فاطمة

 

قالت له ألم تجد ألا أفقر رجل فى قريش فتزوجنى له

 

حتى تزوج أم المؤمنين فاطمة بخاتم من حديد

 

المهم هو قال المقولة دى والله اعلم

 

علشان الفقر ممكن يدفع الأنسان للسرقة , وحجات كتير غلط

 

والانسان قليل المورد بتلاقيه دايماً مشغول البال ومهموم وبيفكر كتير

 

أقل حاجة ممكن ينقم ويسخط على الله , اى لايرضى بما قسمه الله له

 

وده شئ خطير جدأ

 

فوالله اعلم

 

كان على رضى الله عنه

 

يود ان يقتله ويقتل ماقد ينتج عنه من سخط ونقمة وأنحراف فى الاخلاق

[MOSTAFA_SHA3RAWY 0]

ايه يا فراس المفروض انك بعد متجاوب علي السؤال تسال انته سؤال واللي بعدك يرد عليه اسال انته يالا علشان نرد

[بنت مصرية 66]

اشكرك علي الأجابة اخي فراس فراس ولكن

لماذا لم تضع السؤال كما تنص القوانين؟؟؟

شكرا لك واتمني منك وضع السؤال

واذا كان هناك موقف معين لهذه المقولة التي

قالها سيدنا علي بن ابي طالب فليفيدنا احد الأعضاء ان

كانت هناك اجابة اخري

شكرا مره اخري لاخي فراس فراس

[فراس فراس 0]

بالعفو أختى

 

واعذرونى انى ماسألتش سؤال

 

وده لأنى مفيش سؤال والحمد لله بيحيرنى

 

بس مفيش مشكلة نشارك بعض فى المعلومات

 

بس أنتم حرين

 

أنا كنت عايز حد غيرى يسأل علشان انا اسالتى صعبة

 

بس ده ممكن يكون سهل

 

أتنين واحد فيهم معاه 5 أطباق فول والتانى معاه 3 أطباق

 

المهم جه واحد وكل معاهم مقابل مبلغ من المال

 

فعطى لهم 8 جنيه

 

فكام نصيب كل واحد من اللى اتنين دول

[EL3aref 5]

الاولانى اللى معاه الفول هو اللى ياخد ال 8 جنيه ...

 

اما التانى اللى معاه الاطباق فقط .. ميخدش حاجه .. بالعكس ده ممكن يدفع مقابل اكله ..

ولو معهوش فلوس يغسلهم .. يعنى يعمل بلقمته

[أحمد سيف 3]

جميل

 

الاول ياخد 7

والثاني 1 فقط

[فراس فراس 0]

مية مية ياأحمد سيف

 

ومية مية ياعارف

 

الأجابتين صح

 

من ناحية الخدعة اللفظية العارف صح

 

ومن ناحية المسألة الحسابية

 

أحمد سيف صح

 

وتوضيح الإجابة هنا

 

 

يالا بقى حد فيكم يحط سؤال

[بنت مصرية 66]

جميل جدا منكم المشاركة

بس ليه محدش التزم بالقوانين ؟

اللي يرد لازم يحط سؤال

حتي لو كان هيجاوب علي سؤال

متجاوب عليه يجاوب علي السؤال

اللي هو عايزه ويجاوب علي اخر سؤال

موجود ويحط سؤال اللعبة بسيطة

ياجماعة

[BLACKDREAM 5]

 

 

بنت مصريه

 

و من غيرها صاحبه المواضيع الحلوه و المميزه

 

مشكوره على موضوعك دا و طبعا كلنا حنشارك فيه يا اختنا العزيزه

 

و سؤالي ؟

 

ما هو الشيء الذي كلما طول قصر ؟

 

[بنت مصرية 66]

عزيزي بلاك دريم كنت اتسال متي ساراك هنا في الموضوع

اعتقد انه العمر مارايك

سؤالي انا من هو اول من لبس الكعب العالي

ياريت تبقي اجابتي صح

[فراس فراس 0]

لأ سؤال دمه خفيف

 

أول من لبس الكعب العالى هو الملك لويس الرابع وده علشان كان قصير

 

وسؤالى ومش هانروح بعيد هما عشر ملوك بس

 

أول من لبس الباروكة

[فراس فراس 0]

أيه ياجماعة ماحدش عارف يجمع عشرة وأربعة...؟؟؟

[بنت مصرية 66]

هو لويس الرابع عشر برضوا لانه كان اقرع

شكرا فراس فراس انت اللي من منور الموضوع

سوائلي بقي

حد يعرف ايه هو يوم الطين؟؟؟

[EL3aref 5]

ليوم الطين قصة ظريفه ..

 

تزوج أحد أمراء الأندلس من فتاة ريفيّة و كان يغدق عليها الهدايا من ثياب و حلي و عطور و في أحد الأيام وجدهاجالسة في غرفتها حزينة فسألها: مابك قالت تذكرت عندما كنت صغيرة و كنت ألعب معإخوتي بالطين عندما كان والدي يسقي الأرض و قد اشتقت لتلك الأيام. فأمر على الفوررجاله فاشتروا كل ما في أسواق المدينة من مسك و عنبر و عطور ثم أمرهم فوضعوا كل مااشتروه في غرفة فارغة و قاموا بخلط المسك و العنبر بالعطور ثم نادى زوجته و قال لها :ها هو الطين فالعبي به كما تشائين.

ثم مضت الأيام حتى أتى يوم تشاجرت الزوجةمع زوجها الأمير فقالت غاضبة: و الله ما رأيت منك خيراً قط.. قال: و لا يوم الطين؟قالت: و لا يوم الطين.

 

 

هو ده يوم الطين ..

 

سؤالى : ما هى الارض التى لم ترى الشمس إلا مرة واحدة ؟

[بنت مصرية 66]

الارض التي لم ترى الشمس الا مرة واحدة هي ارض طور سيناء التي تضربها سيدنا موسى بالعصى فنفلق البحر قسمين ونجى سار فيها عندما لحقه فرعون وجندهم واغرقهم الله في هذا البحر ويقال ايضا بانه البحر الميت الموجود في اريحا في فلسطين

 

موضوع جميل اتاخرنا في الرد عليه

ياريت نكمله..

تم تعديل September 23, 2009 بواسطه بنت مصرية

[ali desoky 391]

موضوع جميل جدا

اسمحي لي اختي ( بنت مصريه)

ان اهنئك عليه

فهو كنز حيث سيجعلنا نحصل علي مكتبه من المعلومات العامه والمتنوعه

 

واسمحي لي ان اشارك في هذا الموضوع بسؤال

 

 

 

يقول المثل جنت على نفسها براقش وبراقش هذه............

 

 

من هي براقش؟

وما قصتها؟