مراتك...........ولا...........شغلك؟؟

[نودي 41]

سؤال أتمنى أن أسأله لكل المتزوجين وكل العزاب أيضا بالله عليك بتحب أو هاتحب مين {لغير المتزوجين} اكتر...؟؟؟ مراتك...........ولا...........شغلك ؟

 

 

 

 

تتهم كل نساء العالم الرجال بأنهم بيحبوا شغلهم اكتر مابيحبوهم كزوجات أو كخطيبات أو كحبيبات ........ ،

 

 

 

 

وأنا بالنيابة عنى أعترف بأن هذا صحيح..........صحيح......صحيح ليه....؟؟؟؟؟؟؟

 

 

 

 

لي أسبابي ومبرراتي التي أرجو منكم التفكير فيها بعين العقل :

 

 

 

أولا ..........الشغل بيصرف عليا.......بس أنا اللي بصرف عليها !!!

 

 

 

 

ثانيا ........في الشغل ممكن تزعق براحتك و زعيقك يجيب نتيجة

 

مع مراتك صعب انك تزعق براحتك ومهما زعقت مش هييجى بنتيجة ..........

 

 

 

 

ثالثا........ممكن تزوغ من الشغل ف ي أي وقت من غير ماحد ياخد باله أو حد من الزملاء يغطيك

أنما تزوغ من مراتك........هيهات.......أنسى يا عمرو

 

رابعا ........في الشغل عندك مدير ممكن ترضيه لو أشتغلت كويس ..... إنما

 

مراتك لو عملت قرد.........مش ممكن ترضيها !!! وإذا رضيت....... عندك حماتك عمرها ما ها ترضى أبد !!!!!!!

 

 

 

خامسا .......في الشغل من حقك تاخد أجازه.......عندك عارضه..و اعتيادي .....ومرضى دا غير يوم الجمعة....والعطلات الرسمية.....بصراحة الشغل ريحه خفيف ع القلب..... أنما

مع مراتك...مش ممكن تاخد أجازه......بالعكس دانت لازم تلزق فيها يوم الأجازة بتاعتك و إلا يبقى نهار اهلك مالوش ملامح.....

 

 

لك أجازه واحده فقط......و طويل ـــــــــــــــــــــ ة جداً !!!! ........

 

 

 

سادسا ........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ..... و فراش.....و سكرتيره خاصة..... والكل يضرب لك تعظيم سلام ..... إنما

 

 

 

في البيت هاتعيش زوج وتموت زوج......واللقب الوحيد اللي ممكن تاخده لما تنادى عليك مراتك وتقولك....يابو العيال....أو....... يا حاج ولما تعجز.....وتسلم النمر...تقولك...........يا بركه .........

 

سابعا .......الشغل لو زهقت منه ممكن تسيبه بدون مشاكل....وبسهوله ..... أنما

 

مع مراتك......لو روحك طلعت.....لازم تحط ف بقك كوتشى وتفكر مليون مره.....في المحاكم والمؤخر و النفقة....والعيال وتلاقى نفسك في الآخر بتغني.....أنا اللي أستاهل....كل اللي يجرى لي الغالي بعته رخيص........ولا أحسبوووووش غاااااالى ..{ العزوبية}طبعا .

 

 

ثامنا ........في الشغل...لو سبته أو سويت معاشك....أو بلغت سن المعاش بتاخد مكافأة كبيره.... ومعاش...وحفله تكريم.....، ..... أنما

 

مـع مراتك لو سبتها قبل ما تموت...أنت اللي هاتدفع مكافأة ومؤخر ونفقه......وشقه كمان.......و تتحبس لو مادفعتش ..........

 

 

 

 

تاسعا .........ممكن تغير شغلك وتتنقل لغيره لو لقيت شغل أحسن منه....... في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها.........ظلم

 

 

 

عا شرا ........في الشغل....متأمن عليك عشان لو حصل لك حاجه.......

 

 

وحتى لو حصل لك حاجه.....برضـه مراتك هي اللي هاتقبض التأمين

 

 

 

 

في النهاية....بتهوى مين أكتر...مراتك ولا شغلك ؟؟؟

تم تعديل February 21, 2010 بواسطه نودي

[El-Saher Fantasy 21]

موضوووووووووووووووع جامد جدا من عضوة مميزة جدا جدا

بس انا هاقولك رأي قولت من يومين بس لواحد صابي باتكلم معاه في اني (نفسي) اخطب

انا لو ماعديش بيت ومدام وأولاد هاشتغل ليه؟

ماهو الشغل وسيييييلة وسيلة بس يا جماعة والله

انما الجواز غاية (على الأقل بالنسبالي) غاية كبيييييييرة

يعني لازم اشتغل علشان اتجوز

انما مش لازم احب الشغل أتر من مراتي وأولادي لأني باشتغل علشانهم

وبعدين ماتفتكريش ان الراجل مهما كان مرتاح في شغله بيحن لبيته وهدوء البال

سيبك بقى من الوشة والداع والصراع والعيال والفواتير والنكد المتواصل وكل الحاجات اللي بتعكر الصفو

بس البيت ليه احساسه المريح

 

مووع هايل جدا

ربنا يكرمك ادعيلي اتجوز والاقي شغل أحسن علشان اصرف عليها