أسوأ ما فى شخصيتك ؟؟

[Shetos]

شمراً لمروركم جميعاً أحبائى

 

وربنا يصلح احوالنا ويفرج همومنا

[حنان القلب]

الشيء ان زاد عن حده اتقلب لضده

انا مشكلتي هي حسن النيه المفرط فيه والثقه العمياء في الناس وللاسف دايما بتصدم في كتير من اللي حواليا بحاول احد من الموضوع دا والحمد لله في تقدم لاني بحاول اتحرى الحزر من اللي حواليا بدون ما ابالغ ودا العيب اللي كل اللي يعرفوني اجمعوا عليه بس دعواتكم معانا

[Shetos]

أختى حنان كان زمان الانسان فى بداية تعارفه بأى شخص كان بيفترض النية الحسنة

 

ولكن

 

 

بعض المواقف اللى بنعرضلها من ناس بنكون فاكرين انهم أقرب الينا من أنفسنا

 

 

أنصحك ورغم انها نصيحة تعتبر سيئه

 

لا تثقى فى أحد الا بعد معاشرته فعلاً

 

ومعرفة ردود أفعاله فى مختلف المواقف

 

شكراً لمرورك

[حنان القلب]

شكرا على النصيحه الغاليه دي شيتوس واوعدك اني احاول اعمل بيها

[Shetos]

أنا للاسف إكتشفت حديثاً بعد تجربة مريرة جداً مريت بيها إنى شخص عاطفى زيادة عن اللزوم ... وبقدس علاقاتى بالناس لدرجة مبالغ فيها .... و وكنت فاكر نفسى زمان بعرف اقرأ الناس صح .....طلعت غلطـــــــــــــــــــــــــــــــــــــان لأبعد درجة

[Shetos]

وددت أن يكون الموضوع مرآة لنا لنرى عيوبنا..

 

على الجميع المشاركة..

 

طبعاً من أجل تحسين أنفسنا لعل وعسى..

[بنت مصرية]

انا اصابتني الدهشة عندما وجدت اني لم ارد علي الموضوع ....كيف يكون الموضوع موجود ولا ارد عليه

انا في قمة اسفي ..

******

الموضوع رائع جدا واعجبتني فكرته

أسوء ما فى شخصيتك ؟؟

اني للاسف مش بعرف اتعامل مع انواع معينة من الناس

لاني انا بحب اتعامل مع الناس اللي هي مش بتتبع طريقة معينة في التفكير ...بمعني

انا علاقتي مع البنات مافيهاش اي مشكة ممكن اتعرف علي اي بنت مهما كانت شخصيتها لان فيه فرق بين الزمالة والصداقة فا مش مشكل حتي اللي بيختلفوا معايا في الراي الحمد لله في احيان كتيرة بنجح في اقناعهم براي

لكن المشكلة في الجنس الاخر علاقتي معاهم محدودة جدا(اللي انا علي علاقة كويسة معاهم معدودين علي الأصابع ) انا مسؤلة متطوعين في جمعية ...وبحكم ده فانا اللي مسؤلة عن استقبال المتطوعين واني اكلمهم عن الجمعية باختصار انا مسؤلة المتطوعين وطبعا مش هينفهع اقول البنات اه والولاد لا ....لكن الحمد للله بنجح في تحديد علاقتي بيهم وجعلها في نطاق الشغل في اضيق الحدود كمان انا حصلت اني حصل بيني وبين احد وزملاءي في العمل خلاف لاني للاسف عندي مشكلة مع اي حد ممكن بيكون مش عارف ربنا الاول لما كنت احب احط حدود بيني وبين حد كان الموضو ممكن يقلب بخناقة في الأخر ...لكن انا مع الوقت والحمد لله بتعلم اني اعمل كل اللي اما عايزاه بهدوء بس طبعا لسه ..

المشكلة اني انا بتهم اني احب الناس يكونوا علي مزاجي واني مغرورة ودماغي مقفلة وللأسف ده مش حقيقي انا فاهم كويس مبدأ اخلتاف الناس لكن زي ماقولت اي شخصية مستهترة ومش مع ربنا وكمان منافقة انا لااستطيع التعامل معاها بتاتا ..

[Shetos]

أعتقد إن الشخصيات التى تتحدثى عنها بنت مصرية يكون التعامل معها فى نطاق ضيق جداً ولظروف حتمية..

 

لان أصحاب تلك الشخصيات لا يستمعون لأى شخص مهما كانت مكانته أو قدره او علمه..

 

فتلك الشخصيات يكون التعامل معها بحذر وفى نطاق معين..

 

وأتمنى منكى أختى بنت مصرية أن تنظرى فى مرآة نفسك من آن لآخر..

 

وكان الله فى عونك..

 

سعيد للغاية بمرورك..

[بنت مصرية]

شكرا علي ردك شيتوس

ولكن مالمقصود بان انظر في مرآة نفسي...

[Shetos]

شكرا علي ردك شيتوس

ولكن مالمقصود بان انظر في مرآة نفسي...

 

يعنى يومياً لابد من إنك تقعدى مع نفسك تماماً..

 

وتشوفى الناس بيتهموكى بإيه رغم إنه مش صح..

 

وتحاولى تعرفى إيه اللى خلاهم يصدرو هذا القرار الجائر..

 

يمكن يكون كلمة أو حتى نظرة..

 

 

صدقينى دى عادة صحية جداً..

 

وكان الله معك..

[ممدوح]

قطعتو قلبى ياجماعه

هههههههههههههه

اولا موضوعك جميل جدا يا شيتوس

ثانيا انا مشكلتى بجد انى لما بكون نفسى اعمل حاجه لازم بعملها حتى لو هتضرنى او تسببلى مشاكل كتير

رد يا شيتوس

[Shetos]

رد يا شيتوس

 

تحت أمرك يا دوحا..

 

مشكلتك دى صعبة شوية..

 

إنى أهوائك بتتغلب على المنطق عندك وده شئ الحل فيه إنك تكون صاحب إرادة..

 

وتحكم عقلك كويس جداً قبل التصرف..

 

ومتنساش إن النفس أمارة بالسوء..

 

وربنا يهديك يا غالى..

[المتحدية]

موضوع جميل والله يا شيتوس

 

بس مشكلتي حاليا اني مش عارفة ايه هي مشكلتي بالضبط

 

هل هي نقص في التركيز " في مشكلة في معادلة التركيز بتاعتي " , و لا هي الاتزان في المشاعر " الوزن عندي مضروب عالاخر "

 

و لا الوهم .... مش عارف والله بس عموما موضوعك جميل جدا و حسسني بتكاتف الاعضاء و قربهم من بعض اكتر و اكتر و ربنا ما يحرم حد ابدا من حد

[تويتي]

الموضوع راااااااااااااااااااااااااااااااااااااااااااااااااااااائع وجه عندي فوقته

انا والحمد لله عندي عده مشاكل اولا العنـــــــــــــــــــــــــــــــــــــــــــــــــــــاد ولابعد درجه ( دماغ صعيدي جزمه بجد )

ثانيا الناس دايما تفتكر اني مغروره لو مش كلمتهم لكن الفكره ان لو انا مش اعرف حد مش بتكلم معاه لان وببساطه مفيش موضوع مشترك نقدر نحكي فيه ( بس الحكايه دي بدأت تقل بسبب الجمعيه )

ثالثا مش عندي رمادي فالواني يا اما احب الشخص فعلا يا اما مقدرش اتعامل معاه

اما بقي اكبر مشاكلي فان الل جوايا بيبان علي وشي هواااااااااااااااااااااااااااااااااااااااااااااااااااااااااااااااااا ودا شي محرج جدا جدا جدا

سوري يا شيتوس طولت عليك

بس عالجني بقي يا دكتور

تم تعديل November 10, 2008 بواسطه تويتي

[Shetos]

أختى المتحدية..

 

أعتقد إن مشكلتك تكمن فى فقدان التركيز أو ما يعرف فى علم النفس بفقدان هوية الرغبة...

 

وسعيد للغاية بمرورك..

 

أهلاً أهلاً أهلاً تويتى..

 

 

انا والحمد لله عندي عده مشاكل اولا العنـــــــــــــــــــــــــــــــــــــــــــــــــــــاد ولابعد درجه ( دماغ صعيدي جزمه بجد )

 

مشكلة العناد دى مشكلة صعبة جداً وبتكون موجودة بكثرة عند البنات بالذات وحلها بسيط جداً..

 

طبعاً إنك تتعاملى من منطلق إنك إنسانه ناضجة وكبيرة والموضوع اللى إنتى بتعندى فيه إنتى أكبر من كده بكتير..

 

 

ثانيا الناس دايما تفتكر اني مغروره لو مش كلمتهم لكن الفكره ان لو انا مش اعرف حد مش بتكلم معاه لان وببساطه مفيش موضوع مشترك نقدر نحكي فيه ( بس الحكايه دي بدأت تقل بسبب الجمعيه )

 

أعتقد إنى دى مش مشكلة..بل على العكس..ميزة

 

 

ثالثا مش عندي رمادي فالواني يا اما احب الشخص فعلا يا اما مقدرش اتعامل معاه

 

وبرده دى حاجة رائعة..إنك شخصية نقية لا تعرفى المجاملات..وأن كنت ممكن تتعبى شوية فى الأيام دى..

 

 

اما بقي اكبر مشاكلي فان الل جوايا بيبان علي وشي هواااااااااااااااااااااااااااااااااااااااااااااااااااااااااااااااااا ودا شي محرج جدا جدا جدا

 

أعتقد إنى ده جزء من موضوع نقاء الشخصية...وعدم جود خاصية المجاملة..

 

أنا مش قادر أحكم على الصفة دى وحشة ولا حلوة..

 

بس أعتقد إن الدين بيقول إنها صفة أكتر من رائعة..

 

صح هتتعبك شوية فى الحياة..

 

بس على الأقل إنتى كسبانة نفسك..

سوري يا شيتوس طولت عليك

بس عالجني بقي يا دكتور

 

ولا طولتى ولا حاجة..

 

بس إبقى هاتى عشة جنية

[تويتي]

مشكلة العناد دى مشكلة صعبة جداً وبتكون موجودة بكثرة عند البنات بالذات وحلها بسيط جداً..

 

طبعاً إنك تتعاملى من منطلق إنك إنسانه ناضجة وكبيرة والموضوع اللى إنتى بتعندى فيه إنتى أكبر من كده بكتير..

صدقني الحكايه بس ان محبش حد يفرض عليا حاجه بالعافيه يعني لو قعد كده بالزوق واقنعني ببقي عادي

 

أعتقد إنى دى مش مشكلة..بل على العكس..ميزة

بس دا بقي حتي فلبيت عندنا يعني لو مفيش جديد او بيتكلموا فحاجه متهمنيش بفضل ساكته برضه

وبرده دى حاجة رائعة..إنك شخصية نقية لا تعرفى المجاملات..وأن كنت ممكن تتعبى شوية فى الأيام دى..

بس هتعب اهه

 

صح هتتعبك شوية فى الحياة..

 

بس على الأقل إنتى كسبانة نفسك..

كويس اني هكسب فالاخر طمنتني

 

ولا طولتى ولا حاجة..

 

بس إبقى هاتى عشة جنية

 

هو انت كاتب التوبيك دا عشان تلم فلوس

قولتييييييييييييييييييييييييييييييييييييلي

تم تعديل November 11, 2008 بواسطه تويتي

[Shetos]

أمال عشان إيه إن شاء الله..

 

إيه الأعضاء اللى داخلة على طمع دى

[تويتي]

ههههههههههههههههههههههههههه

بس خلاص انت اديتني الاستشاره المره الجايه ابقي خد حقها قبل ما تديها بقي

[الحياه]

أكثر شئ بتمناه من ربنا أن أكف عن الثقة الزياده في الناس

 

أسألكم الدعاء

 

أختكم الحياه

[Shetos]

أكثر شئ بتمناه من ربنا أن أكف عن الثقة الزياده في الناس

 

 

أعتقد إن التجارب بتجعل الإنسان لا يفرط فى ثقته فى الأخرين..

 

أسألكم الدعاء

 

اسأل الله العظيم رب العرش أن يكتب لكى أختى فى كل خطوة الخير والهدى والراحة..

[كعبوره]

العـــصـــبــــيــــه

 

وبـــــــــــس

[غريبة الاطوار]

اولا انا بشكر شيتوس علي الموضوع الرائع

ثانيا انا عندي عيوب كتيرة ويمكن دي اللي مخليني احس اني غريبه الاطوار

مثلا انا عاطفيه جدا رغم اللي يشوفني يقول عكس كدة

شكاكه مش بثق في حد بسهوله رغم اني عندي اصدقاء كتير قوي بس مش كلهم بثق فيه

وعصبيه لابعد الحدود ودايما عند الدكتور بسبب القولون العصبي بتاعي

وطيبه لدرجه انو لو زعلت من حد وجيه كلمني واعتزر بنسي اي حاجه ممكن يكون عملها

بالمختصر انا كوكتيل غريب ممكن يخطر علي بال اي حد

وموضوعك رائع جدا جدا جدا ياشيتوس ونتمني منك المزيد

ربنا يوفقك

[lolo.dal3]

مرحبا يا جماعة

شكرا اخي تشييتوس علي الموضوع موضوعك كتير نايس وكل الناس عندها عيوب وعيوبي انا ما لها حدود بنوب مثلا يعني انا عندي ثقه بنفسي عاليه جدا وعندي العصبية كمان خطيرة من اي شي بعصب ما بحب حدا يعطيني اوامر او يطلب مني اي طلب بحب اي شي اخدوا علي الجاهز بحب الفت الانظار والكل يلتفتت ليا وهاد ولا شي من العيوب هاد جزء منها وربنا يقدرني ويقدرنا كلنا علي هالعيوب

[Shetos]

أختى الكريمة كعبورة..

 

أهلاً وسهلاً بك فى بيتك الثانى منتديات ياللاياشباب..

 

وأرجو أن نرى تفاعلك معنا

 

أما عن مشكلة العصبية..

 

كنت بعانى من نفس المشكلة بس لما سألت دكتور قاللى إنه الحل لها إنك لما تتعصبى تغمضى عينك وتاخدى نفس عميق ..

 

وبعدين قومى بالرد هتلاقى نظرتك للأمور إختلفت تماماً وأصبحت أكثر عقلانية..

 

 

أهلاً أهلاً أهلاً..

 

غريبة الأطوار..

 

مثلا انا عاطفيه جدا رغم اللي يشوفني يقول عكس كدة

 

الإنسان العاطفى محدش يقدر يعرف إنه عاطفى من شكله..

 

لابد إنه يتعامل معاه..

شكاكه مش بثق في حد بسهوله رغم اني عندي اصدقاء كتير قوي بس مش كلهم بثق فيه

 

واضح إنه شخص مقرب منك أذاكى قبل كده وكنتى واثقة فيه جداً فبتجدى صعوبة فى الثقة فى الناس بعد كده..وإن كان الناس الكويسة بتبان ..

 

 

وعصبيه لابعد الحدود ودايما عند الدكتور بسبب القولون العصبي بتاعي

 

 

موضوع العصبية ده رديت فيه على الأخت الكريمة كعبورة..

 

وطيبه لدرجه انو لو زعلت من حد وجيه كلمني واعتزر

بنسي اي حاجه ممكن يكون عملها

 

دى حاجة نسبية بين الناس فيه اللى بيشوفها كويسه واللى بيشوفها وحشة وأنا شايف إن المسامح كريم..

 

وبعدين فى حاجة مهمة جداً جداً أختى غريبة الأطوار إنتى بتقنعى نفسك إن غريبة الأطوار مع إن كتيييييييييير من الناس فيهم متناقضات فى شخصياتهم..

 

لازم تؤمنى إنك عادية جداً ولا غريبة ولا حاجة..

 

وشكراً جزيلاً لمرورك..

 

أختى الكريمة lolo.dal3 أهلاً وسهلاً بيكى فى المنتدى وأتمنى إن أرى مشاركاتك فى المنتدى وتفاعلك..

 

وموضوع العصبية قمت بالرد عليه للأخت الكريمة كعبورة وغريبة الأطوار..

 

سعيد للغاية بمروركم..

[NADA]

أسوأ حاجة فيا بجد إني مش عارفة,,

 

و ف ناس بقى رخمين بيقولوا إني سلبية مع إن المفروض هما فاهمني أكتر حد

 

ويمكن يكون ده السبب ففاهمني,, بس أنا مش شايفة نفسي سلبية لأني مش بحب الوش

 

و مش بحب حد يتدخل ف حياتي ويعرفني أوى فعلشان كده هما فاكرني سلبية,,

 

هى المشكلة إنى مش بهتم بحد وبنفض لأي حاجة مهما كانو شايفنها كبيرة,, ومش بدي حلول ولا أسباب مقنعة لأي حد

 

 

سيبهم كده,,