اللى ماينفعش تليفون ينفع كاميرا وMp٣

[ali desoky 391]

اللى ماينفعش تليفون ينفع كاميرا وMp٣

بعد قرار قطع الخدمة عن الموبيلات "الصينى"

خسائر كبيرة في سوق الموبايل الصيني التي كانت رائجة سببها قرار الجهاز القومى للاتصالات وقف الخدمة عنها

تجار شارع عبد العزيز أشهر مكان لبيع "الصيني" حاولوا اقناع الزبائن بأن القرار مجرد حبر على ورق ويحسب جريدة"المصري اليوم" فتجار عبد العزيز يروجون بضاعتهم اعتمادا على مميزات الاجهزة وصلاحيتها للعمل كاميرات أو حتى mp٣ في حال نفذ قرار قطع الخدمة..

أحمد سعيد، أحد هؤلاء الباعة، قال لزبونه: ماتخفش مش هاتخسر فيه حتى لو وقفولك الخط استعمله «إم بى ثرى» أو «كاميرا».. يعنى كده كده هاتستفيد بتمنه.

وتبنى وليد محمد الحيلة نفسها بإقناع زبائنه بأنها مجرد شائعات: أولاً الكلام ده إشاعة والموبايل الصينى مش هيوقف.

الأمر لم يكن بنفس البساطة لدى صلاح الفنان، فتحويل الموبايل الصينى لجهاز متكامل لم يكن أمراً مجدياً، خاصة أنه يعمل فى بيع الصينى والمستعمل فقط.. وغياب الصينى عن فاترينته يعنى كساد تجارته الوحيدة ويقول: قبل ما تكتبوا كده فى الجرايد كنا بنبيع ٥٠٠ جهاز يومياً لكن النهاردة بنبيع ٣ بالعافية فى اليوم.

يعنى مش بيكفى حتى تمن إيجار المحل لكن هنعمل إيه لو الكلام دا صحيح مش هيبقى قدامنا غير إننا ندور على موضة جديدة نشتغل فيها زى ما حصل فى الصينى.

صلاح يرى أن القرار الذى صدر بقطع الخدمة عن التليفونات «الصينى» سيضر باقتصاد البلد ككل ويبرر: لما يبقى كل بيت فيه ٥ موبايلات صينى ويتوقفوا يبقى الناس هتضطر تشترى من جديد ومش هتلاقى موبايل أرخص من الصينى.. لازم القرار ده يتراجع قبل ما بيوتنا تتخرب.

 

 

 

 

اللى ماينفعش تليفون ينفع كاميرا وMp٣

التليفون الصيني _ الصيني _ الموبايل الصيني

تم تعديل March 22, 2010 بواسطه alidesoky

[دعوه للجنه 457]

الحمد لله بقى هنعمل ايه

 

انا معايا عدتين منهم واحده صينى بحبها جدا شكلها جميل خالص

 

كل ما تيجى ليا رساله اقول اهى دى اكيد رساله التوقيف اهوو

وتطلع مش هى

بس على ايه حال انا منتظراها لانى ناس ياما جات لهم....

 

 

وبالنسبة انها كساد وخسارة اكيد هتكون خساره لاصحاب المحلات والتجار اللى ممكن تكون تجارتهم كده بس

وكمان محلات الموبيلات توا بقيت كتير اووى مش عارفه ليه؟؟

 

ربنا يرزقهم بالخير بقى ويعوضهم....

 

جزاك الله خيرا اخويا..

[Dr.A7MD 130]

المصرين مبيغلبوش فى حاجة أبداً

 

 

الحمد لله أننا بعاد عن المد الصينى خالص

 

شكراً علي على نقلك للأخبار

 

[El-Saher Fantasy 21]

الله يكرمك يا دسوقي

بس خلوني أقول حاجة

اللي اتوقف كان موديل واحد بس وهو T33

يعني الله أعلم بباقي الصيني

والمشكلة اللي اتوقف الموبايلات بسببها

ان كل الموبايلات واخدة نفس السيريال نمبر

انا مش فاهم تيجي ازاي بس أهي حصلت

وده مش كويس علشان الأمن العام

لان شرطة الاتصالات فيها خدمة تتبع

يعني اللي يتسرق منه موبايل يروح يقدم بلاغ

والمفروض ان الشرطة بتتبع السيريال بتاع موبايله وتجيبهوله

ولكن ده مابيحصلش

علشان كده كان لازم يوقفوا السيريالات المتشابهة

لان لو انت مشتري عدة جديدة وواحد مبلغ على نفس موديل العدة

ويصادف ان الاتنين بنفس السيريال يبقى انت حرامي والموبايل ده مش بتاعك

أه هو مش هيرجع للي قدم البلاغ بس هيروح عليك مسكين

تم تعديل March 22, 2010 بواسطه El-Saher Fantasy

[jooke_2010 0]

يا جماعه انا عايز اقول

ان الهاكر ماسبوش حاجه

دلواتى فى خدعه لبعض العدد ان هو ممكن تغير السريال بتاع العدة لاى عدة تانيه

وبكدة الشبكه مش هتكتشف ان العدة دى صينى وبالتالى مش هتتوقف

صاحب العقل يميز

بس هو م على كل الموديلات الصراحه

تقبلوا فائق احترامى وجزاكم الله خير

[el-motaheda 0]

علي فكرة مش كل المحمول الصيني هتتقفل

في هواتف صينية معتمدة واصلى بضمان من الشركة المتحدةو كمان معتمدة من الجهاز القومي للاتصالات الاني كول والجي تايد

Anycool & G-TIDE

 

 

وبجد يا جماعة هواتف الشركة المتحدة مش هتتقفل ومعهاها ضمان 12 شهر

والجهاز القومي للاتصالات بتعتمد تليفوناتنا ودة صورة الفاكس اللى بيأكد الكلام دة

[eng_alaa 114]

والمشكلة اللي اتوقف الموبايلات بسببها

ان كل الموبايلات واخدة نفس السيريال نمبر

انا مش فاهم تيجي ازاي بس أهي حصلت

وده مش كويس علشان الأمن العام

لان شرطة الاتصالات فيها خدمة تتبع

 

أعتقد ان هو ده الكلام المظبوط بصراحة لأني قريته قبل ما يبدأو في تنفيذ الحوار ده اصلاً ..

وكمان مش كل العدد وصلها رساله ..

 

=======

 

معلومة تاني سمعتها

 

إضغط

 

#06#*

نجمة شباك زيرو سته شباك

 

إن ظهر لك سيريال نمبر يبقي العده مظبوطة وإن ما ظهرش يبقي العده مش تمام ..

 

والله أعلم ..

[حياتى من اجل ربى 22]

تصدق انى اخويا كان قايلى على الموضوع ده وانا مش مصدقه

واقولو مش ممكن يا ابنى

اخس عليا

 

المصرين مبيغلبوش فى حاجة أبداً

 

فعلالالالالالالالالالالالالالا

 

 

جزاك الله خيرا اخى على

شكرا لك صاحب قضايا الشعب الغلبان

ربنا يستر ان شاء الله

[دعوه للجنه 457]

 

 

 

الرسالة وصلت ليا بالسلامة الحمد لله

 

 

بس غير اللى بسمع انها بتوصل للناس

 

وصلت بيقولولى من فضلك ارسل الاسم والرقم القومى حتى تتجنب قطع الخدمة على 8090...

 

 

بعتلهم اللى عاوزينه وشكرونى

 

وقالوا

 

تم ارسال بياناتك

شكرا لتعاونك

 

 

 

ربنا يستر ليهم 3 ايام .....

[دعوه للجنه 457]

الموضوع فى حاجه مش مفهومة

 

لانى خطى اتوقف يوم كامل

 

لكن كان بيستقبل بس

وكل ما اطلب يقولى جارى تحويل مكالمتك لخدمة العملاء برجاء الانتظار

 

وبعدين جميع الخطوط مشغولة الان ويقفل فى وشى

 

 

 

المهم راحو اخيرا ردو عليا وسالتهم طيب اللى اتوقف عدة ولا خط قالوا قرار المجلس ده مش ليه د

عوة بالعدد احنا بس بنملى بينات الخط

 

المهم اخدو بيناتى كاملة ورجعولى الخدمة فى خلال ساعة. .

 

لكن الغريب انى وحده صحبتى عملو معاها كده بس هى مش اتصلت بيهم راحو حرقوا لها الشريحة لانها كل ما تدخلها يقول

تم رفض البطاقة...

 

 

اما نشوف اخرهم بس..