zoro_hf قام بنشر February 10, 2008 قام بنشر February 10, 2008 - أنا ميهمنيش أى حاجة ولافلوس ولا حاجة فى الدنيا المهم أنت وبس أنا راضية بجحر المهم أكون معاك (وبعد اسبوع واحد اتفرج يامعلم) 2-لو فضلت زعلان منى كده انا حموت نفسى (ابقى قابلنى..ال اموت نفسى ال) 3-حستناك طول العمر يا حبيبى مهما حصل (والواحد يسافر وهوا مطمن يرجع يلاقيها متجوزة وعندها عيلين) 4-انا جيلى عريس ومش عارفة اعمل ايه حيلى معهم فى البيت خلصت (وهيا أساسا ماحدش معبرها غيرك) 5-النهاردة أسعد يوم فى حياتى (يوم ماعرفته , يوم ماخطبها , يوم.... على اساس ان حياتها كلها يوم واحد) 6-أنا روحى بتتسحب منى لما بفكر أننا ممكن نسيب بعض (معظمهم بيسيبوا بعض ومسمعناش عن حد منهم مات) 7-ماتصلتيش بيا ليه ياحببتى ...ماعيش رصيد (بتلمحله علشان يشحنلها) 8-ماردتيش عالتليفون ليه ياحببتى..كنت قاعده مع ماما ( اكيد منفضاله ومش عاوزه تكلمه هاتغلب يعنى لو قامت من حنبها وردت عليه) 9-هاتتقدملى امتى (بتتقال بمعدل 19 مرة فى الدقيقه) 10-انا بغير عليك (تخنقه وتكره فى حياته وفى الاخر بحبك وبغير عليك) 11--كنت مع مين انا كلمتك وماردتش (ممكن يكون فى الحمام او ماسمعش بس وش انت كنت مع واحده تانيه) 12-ايه رأيك فيا النهارده (سؤال كل يوم) 13-انا هاقفل الموبايل بقى علشان دخله انام (تشغل الشريحه التانيه وتكلم الواد الجديد الى اتعرفت عليه) 14-طب الموبايل هايفصل شحن سورى ياحبيبى سلام دلوقتى (اقفل بقى غرمتنى ..دى كلها مكالمه) 15- طب سلام دلوقتى اخويا جيه (افف ايه الرغى ده خرمتلى ودانى) 16-على فكرة .. انت اول ولد اعرفه و اديله تليفونى و اخرج معاه .. انا عمرى ما عملت كده ابدا (ياراجل...أشمعنى) 17-انا مش فاهمة ليه الولاد بتبص للشكل و الجسم بتاع البنت ؟؟ بجد الولاد دول عينيهم زايغة اوى و سطحيين موت (وهيا تلاقيها 24 ساعة متنحه فى صورة احمد عز) 18 - انا لما اتجوز لازم اشتغل .. مش بحب قعدت البيت (علشان ماتطبخش ياريس)
ديدو قام بنشر February 11, 2008 قام بنشر February 11, 2008 4-انا جيلى عريس ومش عارفة اعمل ايه حيلى معهم فى البيت خلصت (وهيا أساسا ماحدش معبرها غيرك) -هاتتقدملى امتى (بتتقال بمعدل 19 مرة فى الدقيقه) 10-انا بغير عليك (تخنقه وتكره فى حياته وفى الاخر بحبك وبغير عليك) 12-ايه رأيك فيا النهارده (سؤال كل يوم) هههههههههههههههههههههههههههههههه صح هو دة اللى بيحصل فعلا بس على مين حلو اوى يازورو
Shetos قام بنشر February 11, 2008 قام بنشر February 11, 2008 الله عليك يا زورو هو ده الكلام ولا بلاش أسال مجرب ولا تسالش طبيب المشكلة عندهم مفيش ابتكار الحجج هى هى
حنان القلب قام بنشر February 28, 2008 قام بنشر February 28, 2008 هههههههههههههههههههه ياناصح يا مفتح منك ليه واللي يدور عليكم يضحك ويقول "انظروا من يتحدث" ماهو دا كلام البنات بس ممكن يكون متنوع اصمله على اسطواناتكم الفاضيه والافلام الهندي بتاعتكم اللي مش حذكرها لان اكيد كل المنتدى ولاد وبنات حافظينها وعارفينها من ايام الابيض والاسود بس اهدى كده وقول هديت وبعدين دا كلام البنات اللي مخها فاضي ياعم الحج وبتجيب وجع القلب والدماغ لنفسها ويستاهلوا كل اللي يجرالهم. سواء ولاد او بنات
zoro_hf قام بنشر February 29, 2008 الكاتب قام بنشر February 29, 2008 مالك يا حنان ما كنتى كويسه يا بنتى صعبانه عليه مالك يا بنتى اصبرى يا بنتى :wink_smile: يومين وربنا يكرمنا ويهدى كل الشباب والبنات
bassant قام بنشر February 29, 2008 قام بنشر February 29, 2008 (تعديل) هو مش كل البنات ممكن ترد كده بس لو كان اصدك ان البنا ت كلها ((((((((((((((هايفه كده ))))))))))))) فأنا اعتقد عكس رأيك ولكن سبنا من ده الان هو يعنى الاولاد مش بيقولوا كلام زى ده ول اه تم تعديل February 29, 2008 بواسطه bassant
حنان القلب قام بنشر February 29, 2008 قام بنشر February 29, 2008 بس اللي يفطس من الضحك في الموضوع دا ان رغم انكم عارفين اني البنات الهايفه دي بتشتغلكم الا انكوا برضه بتقعوا ودا لان اللي بيعمل كده اصلا انسان سطحي وهايف
zoro_hf قام بنشر March 1, 2008 الكاتب قام بنشر March 1, 2008 اولا برحب بيكى يا بسنت فى منتداكى وبيتك التانى منتديات يلا يا شباب ثانيا معاكى حق والله يا حنان وفعلا الولد اللى يستنه البنت تعلم فيه كده يبقا هايف
EL3aref قام بنشر March 1, 2008 قام بنشر March 1, 2008 ايه يا زورو انت بقالك كام يوم كه نازل سخن على الجنس الناعم .. خف شوية يا عم .. لحسن حنان ممكن تفجر المنتدى بعد كده وعلى فكره يا حنان انا مبثقش فى حد غير امى ولو ابويا طلقها مش هثق فيها
zoro_hf قام بنشر March 1, 2008 الكاتب قام بنشر March 1, 2008 هههههههههههههههههههههههههههههههههه هايل يا عارف
مشرفي الأقسام NADA قام بنشر March 2, 2008 مشرفي الأقسام قام بنشر March 2, 2008 وعلى فكره يا حنان انا مبثقش فى حد غير امى ولو ابويا طلقها مش هثق فيها لا تعليق
قمر الزمان قام بنشر June 10, 2008 قام بنشر June 10, 2008 ههههههههههههههههههههههههههههههههههههههه لا بجد معلم طب والله كويس ان انت فاهم اوعى تقع فى الفخ
جمانة المصرية قام بنشر June 11, 2008 قام بنشر June 11, 2008 بقى كل البنات بتقول كدة على كدة انت مش هتتجوز ابدا فين البنات بتوعنا مفيش حد هيرود ويقول الاسطوانات بتاعت الولاد الى بقت قديمة ومع ذلك مفيش فايدة
بسمة المحبه قام بنشر June 12, 2008 قام بنشر June 12, 2008 حلوه اوى وعجبتنى جدا 13-انا هاقفل الموبايل بقى علشان دخله انام(تشغل الشريحه التانيه وتكلم الواد الجديد الى اتعرفت عليه) اه ياعم حرام عليك بئه احنا بنعمل كده بس ضحكة اوى شكرا على الموضوع الذيذ
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥