عاوز تبقا رخم وتنح ادخل بسرعة

[zoro_hf]

إزاى تبقى رخم وتنح ( مضمونه 100% ) وابقي ادعيلي ...!!

 

•قول نكته طويلة أوى وتعالى عند أخرها وأعمل نفسك نسيتها

 

• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول

 

• لما حد يشكى لك من حاجه قوله أنا عندى مشاكل أكتر منك

 

•فى مطعم بص للناس اللى على التربيزة اللى جنبك وهى بتاكل ودقق أوى

 

• كل ما حد يقولك حاجه عيدها بس على هيئة سؤال مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله الشهر اللى فات؟!" ..... و هكذا

 

• و انت بتتكلم مع واحد متبصش فى وشه خالص

 

• واحد تانى بقى دقق فى ملامحه بص لودانه وشعره وكده

 

• و أنت فى المول ماتمشيش عادى لأ أفضل نط لحد ماتوصل للمكان اللى رايحه

 

• مش كده وبس أى حاجة تقابلك فى سكتك طبل عليها

 

• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنان و أنت بتقرا معاه طبعا

 

• أعزم ناس تعرفها ملهاش علاقة بمناسبة عيد ميلاد حد تعرفه وياسلام لو معزوم على الفطار لازم تاخدلك مش أقل من أتنين فى إيدك

 

 

لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية

 

• سيب إاشارة العربية الشمال شغاله لمده 5 كيلو متر من غير ماتلف و بعدين اطفيها و كمل طوالى

 

•ألبس جراب زى الجراب اللى بيتحط فيه المسدس بس حط فيه الريموت كنترول وكل ماتقابل حد طلعه فى وشه قالى يعنى هتضربه بالنار

 

 

أول ماتشوف كيس كاتشب على الأرض دوس عليه برجلك طرطشه على بنطلون اللى جنبك وقوله كنت بشوفه فاضى و لا مليان

 

• لو فى مناسبة فيها دى جى أستلم بتاع الدى جى بأغنية يشغلهالك ولوشغلهالك أستلمه يكررهالك علطول عشان بتحبها

 

• لو واقف جنب حد بيعد فلوس و فى وسط ما هو بيعد قول اى رقم عشوائى زى 423

 

ملحوظة صغيرة : لو اتضربت أنا مليش دعوة ههههههههههه

[EL3aref]

رهيب يا زوروا بس على فكره فى حاجات تانيه كتير علشان الواحد يبقى رخم وانا كنت داخل مخصوص علشان اقولها بس لاقيتك كاتب حاجات كتير قولت لما اعضاء المنتدى يخلصوها الاول ابقى ادخل اكتب غيرهم :)

[عاشق الصداقه]

هههههههههههههههههههههههههههه

تصدق بعد ما قريت الكلام ده يا زورو اكتشفت انى رخم جداً لأن فى كتير من الحاجات دى وأنيل منها بعملها مع صحابى لما اغلس عليهم

[EL3aref]

انت هتقلى يا كرينكل

[حنان القلب]

وانا اقول ليه كل مره بقعد فيها مع حد ياما بضرب ياما بتهزأ لغاية ما بقي مزاج عندي اتاريني رخمه وانا مش حاسه لو عايز اكتر من كده فيه يعني لو حد بيتكلم في التليفون شد الفيشه واجري او اعمل دوشه ويحلالك الغنا كله او وقف تاكس لصاحبك وسيبه مع نفسه واجري برضه الجري كل الجدعنه عندي او اعزم حد عالعشا ووقت الحساب ولا كانك تعرفه وحاجات تانيه كتيييييييييييييييييييييييييييييييييييييييييير

[zoro_hf]

هايل يا حنان والله داى الرحمة على حق

[NADA]

• و انت بتتكلم مع واحد متبصش فى وشه خالص

 

على فكرة بجد حقيقى أحلى حاجه ف الدنيا انك تعمل نفسك

 

مش عارف ولا سامع ولا شايف ولا فاهم أى حاجه

 

حتى لو كنت عارف وشايف وفاهم وسامع

 

من الآخر اعمل عبده العبيط

 

 

 

ابقوا قابلونى لو نفعتوووووووووو

 

 

 

 

..................................

[eng_alaa]

• و انت بتتكلم مع واحد متبصش فى وشه خالص

 

شكراً للنصائح الغاليه زورو .. إنت كده هتفتح عنيهم علي الرخامه

-------

------

-----

----

---

--

-

 

ولا أقوللك مش هكمل الرد ....... ههههههههههه ....... رخامه بقي