[تشريد] ادارة منتديات ياللا يا شباب والحقيقه المره

[Shetos 2]

ا ه ه ه ه ه ه ه ه ه ه

سيرتى جات فى الموضوع

 

ربنا يستر

 

بس كده اعلنت الحرب

فإنتظرنى يا عرابك

[عاشق الصداقه 525]

دورك جاى يا عارف متستعجلش .. انا بس بجمعلك الـ Data ..

.. لازم اكرمك برضه هو هيبقى تشريد كده وخلاص !!

 

اما الان سيكون احمد سيف على قائمة التشريد .. وكما وعدتكم .. سأقوم بتشريد عاشق الصداقه (شفته حد يشرد نفسه ؟؟) بستهبل صح !!

 

نبدأ بأحمد سيف .. ومشهد حدث أول امس .. ولكم التفاصيل

 

احمد سيف عزم واحد صاحبه على عزومه كبيره فى مطعم فاخر عندنا .. طبعاً من غير ما حد يعرف حاجه (لكن على مين ) ..

لحظات .. وانطلقت انفى وانف الحاقدين تشمشم الى ان عرفنا الخبر .. واثناء لقاء احمد سيف بصديقه المعزوم فوجىء بثلاثه معاً

انا وصديق اخر لى وصديقه المعزوم .. (حب يهرب وعمل نفسه مش شايفنا ومش على طول من قدام المطعم) .. لكن مسكناه .. ودخلناه اغلى مطعم فى البلد عندنا

QueckDoor واوعوا تفتكرونى كاتب الاسم غلط (ده كوك دوور الصعيدى .. عندنا اسمه كده والله) .. ومرضيناش نفترى عليه فى الطلبات ..

لأنه ممكن يقوم يعمل تليفون ومنشفهوش تانى ونلمع المحل ونمسح البلاط كمان .. بس .. واخدت الفاتوره علشان ارفقها مع ردى هنا .. انتظروا بس اسحبها سكانر ..

انا حبيت بس اجيبلكم الخبر وهو لسه سخن .. على العموم الفاتوره فى ايدى اهى ومكتوب فيها 43.39 جنيه مصرى فقط لا غير

 

=================================================

 

الان ميعادنا مع اللحظه الحاسمه والتى سأشرد فيها نفسى (هذا هو الجديد) ..

كان نفسى تكونوا معايا الاسبوع اللى فات ..

رحت بيتنا (مدينة الالومنيوم .. لأنى اعيش يمدينة قنا) والدى قاللى تعالى معايا للبيت الجديد بتاعنا .. قلتله خير ؟؟ قاللى هتعرف هناك

فوجئت هناك .. ان والدى مجهز عدة الحفر .. لأنه عاوز يزرع حوالين البيت بعد ما حوطه بسور (انا نسيت الحته دى .. والا كنت ندلت معاه ) .. نسيت كمان ان والدى بيحب يعمل كل حاجه بايده وبنفسه

قال ايه قال .. بيحس بمتعه فى كده .. لما يبقى بياكل من حاجه زرعها بايده (ايه ذنب اهلى انا ؟؟ ) .. قلتله انا بحس بمتعه يا بابا لما اكل من ايد حد تالت .. قاللى ولد !!

 

عرفت ان مفيش فايده .. رحت لابس العفريته ومسكت الـ كريك (آداة حفر) وحفرت لـ 4 شجرات منجه .. الحفره الواحه فيهم والله متر ونص وحاجه بسيطه

فى منظر فى الحوار ده عاوز اجسدهولكم وياريت يوصلكم ..

وانا بحفر .. تعبت .. كنت جوا الحفره وبحفر واطلع التراب ده بالكريك ارميه بره الحفره .. بمعنى ان التراب اللى بطلعه حوالين الحفره كان مغطينى واللى واقف على الارض نفسها مش هيشوفنى من ارتفاعه .. ما بالكم بقى .. وانا قاعد جوه الحفره !!!!

المهم تعبت رحت قاعد جوه الحفره (ملحوظه .. اتساع الحفره يدخل برميل بالظبط) .. فقعدت جواها .. بمعنى ان ركبى على صدرى وقاعد جوه

والدى لاحظ انى مش بتحرك .. جه يبص عليا من فوق (يمكن توفيت) .. لقينى ميت تعب وقاعد جوه الحفرا بالعفريته

وسألنى سؤال لذيذ جداً وهو بيضحك:-

ده اسهل ولا الكمبيوتر والبرمجه ؟؟ .. رديت بسرعة البرق قلتله (والله العظيم الكمبيوتر ده احلى حاجه فى الدنيا) .. يقطع المنجه واللى ياكلها

وضحك جداً وفضل باصصلى ..

هنا بالظبط .. اتحسرت على نفسى (كرينكل .. عاشق الصداقه .. مجموعة ياللا يا شباب .. يحصل فيه كل ده ؟؟) رحت والله افتكرتكم

بصيت لوالدى وقلتله : عارف لو اخدتلى صوره بالموبايل وانا كده وماسك الكريك وقاعد فى الحفرا كده .. (والله .. عمر "ابوتسنيم" .. والعارف وشيتوس .. يشتروها منك بـ 60 جنيه) .. فوالدى انهار ضحك

رحت نويت احكيلكم الموقف ده واشرد نفسى

 

انتظروا الجديد :)

[سمر 1]

السلام عليكم ورحمة الله وبركاته،،

 

موضوع حلو كتير

 

الله يزيد المحبة يارب ويبعد عنكم التشرد

[Shetos 2]

بصيت لوالدى وقلتله : عارف لو اخدتلى صوره بالموبايل وانا كده وماسك الكريك وقاعد فى الحفرا كده .. (والله .. عمر "ابوتسنيم" .. والعارف وشيتوس .. يشتروها منك بـ 60 جنيه) .. فوالدى انهار ضحك

 

والله كنت اشتريتها ب6000 جنيه حظك حلو انى مكنتش موجود

 

:angry:

[zoro_hf 8]

هههههههههههههههههههههههههههههههههههههههههههههههههه

اية التشريد ده كله هايل يا عمر خد بتارك يا رجل

وانتى يا حنان شكلك مش هتدخلى الجامعة تانى ىىىىىىىىىىىىىىى

[بنت مصرية 66]

ايه ه ياأعضاء منتديات يلا ياشباب

فين باقي حلقات التشريد احنا مستنين تاني

احنا عذرينكم لان الوقت بتع الأمتحنات خلاص

لكن اول حاجة تعملوها بعد الأمتحنات انكم تكملوا حلقات التشريد

مفهوم ولا لا

[عاشق الصداقه 525]

شكراً لكل من مر بالموضوع

 

هناك جديد حتى فى الإمتحانات .. للأسف التشريد هذه المره خاص بى .. ولكن الأمانه فى كتابة الموضوع تحتم علىّ التشريد

 

حتى لنفسى

 

 

.

.

.

.

.

.

 

بالأمس ذهبت لمنزل أخى العارف .. ومكثت عنده طوال الليل حتى صباح اليوم .. (المفروض إنى بذاكر)

لأن لدى إمتحان صباح اليوم ..

قضيت الليل كله وانا افكر بأننى سأنتهى من الإمتحانات .. وأقولها كل ساعه أو نصف ساعه .. حتى صدعتهم

 

(باقى 4 ساعات وأخلص الامتحانات وقرفها .. باقى 3 ساعات واخلص .......)

 

الآن ذهبت الى الجامعه .. ودعى لى العارف بالنجاح صباحاً وإتصلت والدتى بى وأخبرتنى الا اتوتر ودعت لى وأخبرتها أنها اخر ماده ..

 

وخرجت وذهبت للجامعه .. وانتظرت حتى قبل الامتحان بربع ساعه ... والغريب ان لا أحد موجود إطلاقاً

 

صعدت لمبنى الكليه ونظرت فى الجدول (ربما امتحنوا بالأمس)

 

ودهشت حينما اكتشفت أن امتحانى يوم الخميس وليس الثلاثاء ...

 

الآن أحدثكم من قاعة انترنت بالجامعه بعد اكتشاف الواقعه مباشرةً

 

(وحياتكم تقولولى أقول لوالتى ايه !!! مكنتش عارف امتحانى امتى ؟؟ .. وكمان العارف هيضربنى وشيتوس هيغيظ فيا لأنى مخلصتش زى ما كنت فاكر )

[eng_alaa 114]

ودهشت حينما اكتشفت أن امتحانى يوم الخميس وليس الثلاثاء ...

والله فكرتني بواحد صاحبي ايام الكليه خليته راح بالعافيه الامتحان ومن حظه كان جمبه لجنه المعيدين ونجح .. ارجو منك التركيز لانك بالفعل تهمنا كلنا يا احمد .. ... وكفاااااااية تشريد

[حنان القلب 1]

الموقف نفسه يا عاشق الصداقه حصل معايا بعدك بيومين هو بغباوته

 

واول حاجه سمعتها انهم ضربولي المثل بيك وبعدين قالوا الطلبه مخهم اتلحس من الامتحانات

 

وكل لي يشوفني ويسالني انا ليه في الجامعه اقول كنت بسلم بحث وافضل اضحك بيني ما بين نفسي

[رجل من الصحراء 36]

لالالا الموضوع ده ياكرينكل لازم يتجدد

جميييييييييييييييييييل

[تقوى القلوب 12]

قضيت الليل كله وانا افكر بأننى سأنتهى من الإمتحانات .. وأقولها كل ساعه أو نصف ساعه .. حتى صدعتهم

 

الغريب يا احمد انك بتعد اللى فاضل ومش مهم انت هتعمل ايه فى الامتحان

 

طول عمرك غريب

[ali desoky 391]

موضوع فظيييييييييييييييييع

 

ونعم التشريد والله يا شباب

خللي الاعضاء الجدد يعرفوا كل كل كل حاجه

هههههههههههههههه

 

[الرّام 173]

يللا .. مولاها ربي

[عاشقة الفردوس 161]

:wink: :cry: :wink: :wink: :wink:

 

والله بناتي أسرعوا إليا يستفسرون الأمر من كثرت الضحك والدموع التي نزلت يعني صوتي وصل .....

 

جازاك الله خيرا ياعلي أنت رائع والله عمري ما كنت اتصور أنني سأقرأ في المنتدى مثل هذا الموضوع

 

لالا هوما لازم يكملول تشريد ولكن في النهاية هم أحلى ناس واحلى أصحاب يارب يخليكم لبعضكم ويخليكم لينا يا احلى شباب في احلى اسرة

 

أحبكم جيعا في الله

[dr_mido 53]

ههههههههههههههههههههههههههههههههههههههههههههههههههههههههههههههههههههههههههههههههههههه

 

أول مره أشوف حد بيسيح لنفسه يا عم الحاج

 

بس بجد جزاكم الله كل خير ع أدخال البسمة ع وجوهنا

 

وأوعي أشوف حاجة هنا ليا يا بشمهندس يا أدمن يا حبيب قلبي يا كرينكل

[نونا19 28]

لااله الا الله

بصراحة انا من كتر الضحك دمعت

 

اية التشريد العلني دة

 

علي فكرة لازم نسميها يوميات الفريق الاداري

 

وليس تشريد الفريق الاداري

 

بجد موضوع حلو اوى اخي عاشق الصداقة

 

وتحياتي لكل ممثلي هذه اليوميات ( المتشردين يعني )

 

مستنين باقي الحلقات ( باقي التشريد )