مشرفي الأقسام الجندى المجهول قام بنشر April 20, 2010 مشرفي الأقسام قام بنشر April 20, 2010 شرق البلد كان عمنا عم اسماعيل بيلمنا نقعد معاه على المصطبه يحكيلنا عن ايام زمان ايام ما جاب عقله عنب وزرعها جنب المصطبه عملت جذور مسكت فى طين الارض كبرت فرعت شبت لفوق سنتين تلاته ورعرعت والضل غطه المصطبه والباقى ضلل على الحيطان ولا جبلها حفنه كيماوى طلعت بقدره ربنا وعنبها كان احسن عنب بيبيع وياكل منها ويهادى منها للقرايب والجيران كان عمنا عم اسماعيل يحكى ونسمع كلنا ويقولنا الشكر كله لربنا والزرعه دى صنعة ايديه بينبته ويكبره وعلينا بس احنا نراعيه عنده الخزاين كلها وكل ما يحتاج اليه الزرع والناس والشجر والدوده فى قلب الحجر وحاجات كتير معرفنهاش موصلش ليها عقل البشر والكون دا كله مبيعصاش عليه محتاجش حد وكل شى محتاج اليه الطيارات والغوصات والشمس والليل والقمر اقصد جميع المخلوقات والمصنوعات تحتاج اليه وان اقتدى من حكمته يمسك عن الناس نعمته ولا اى حد يقوله ليه سبحانه هو المبتدى والمنتهى ملهوش شبيه والاعتماد دايما عليه عم اسماعيل من حكمته الناس بتسمع كلمته والدين اساس تربيته وماكلش بالدين لقمته وكلامه دوغرى ومش حويط ولا عنده حب المريسه فلاح بسيط مرات كتيره يقولنا يامسلمين لازم تكونوا مسلمين انى الحياه والرزق دا من ربنا ولا اى مخلوق فى الوجود يقدر يقصر عمرنا ولا حتى يمنع رزقنا من خبرته ساعات يبص فى وشنا يقرا اللى شاغل فكرنا ويقول لزيد عبد الرحيم مهموم بايه ويرد مرسى يقوله ليه اشمعنى زيد عبد الرحيم مهو كل واحد مننا راكبو زاد عليه الارض قولى ازرعها ايه ؟ كل التقاوى مهببه قلت الطماطم زرعه حلوه قريبه بتجيب فلوس كان عندى عجلين بعتهم عجلين جاموس ومسكت ارضى حرتها وقلبتها وعملتها خطوط وبينهم مصطبه واحلف برحمة والدتى خالتك خديجه ومرحبه العود من الشتله بريال فى عشر تلاف شتله طماطم جبتهم وفى زرعهم كريت ( اجرت ) معايا وعلى العيال حوالى 16 نفر دا غير كمان اجر المشال وغير كمان اجر الغفر واصرف يا مرسى وهات كيماوى واصرف يا مرسى وهات مبيد واقول لنفسى هتستفيد وهيبقى يوم الجمع عيد وهبيع طماطم بالدولار قول باختصار كل الطماطم زهرت والزرعه حلوه ونورت ويفوت سليم عبد البصير ويقول يا مرسى الزرعه دى هتروقك وتفوقك وتعدى من الفقر بزمان رديت فى سرى وقلت الله اكبر من عنيك ياابن الشيطان يومين يادوب والدوده لعبت فى الجدور والزهره نشفت سقطت وببص القى الارض بور ومراتى بصت صوتت قالت يا مرسى حرقتها هملتها وجريت ورا المترشحين تهتف لهم وتقول ياعيش علشان هتاخد منهم حتة حشيش اشرب بقى واشبع من الناس تريقه وجريت وراها وقلت عينه الضيقه عنين سليم عبد البصير وقلت اروح واقلع عنيه ويقضى عمره يعيش ضرير لفيت عليه كل البلد وسالت اهله ماهمنى وسالت اهل المنطقه ولا اى واحد دلنى وقالولى عايز منه ايه؟ انا قلت اموت واقلع عنيه سالونى ايه المسائله؟ وحكتلهم كل اللى كان واللى جرى ساعه ما فات عبد البصير والزرعه حلوه منوره وقالولى لا هات من ورا انا قلت اشوفه ابن المره دا فقعنى عين وعينه صفره مدوره وقالولى بطل مسخره انت اشتريت تقاويك منين؟ انا قلت ليه؟ بقى دا سوال من الوزاره بنفسها قالوا البلاوى كلها من اسرائيل انا قلت ليه ؟ هى الطماطم زرعتى عملت مظاهره فى الجليل او وقعت منهم قتيل قالوا التقاوى كلها من عندها انا قلت لا متغلطونيش دى من الوزاره بنفسها هى الوزاره فى اسرائيل وزارتنا احنا بشحمها وبلحمها واحلف يامين العمله دى عملت نتين مبيختشيش ولابد افضح همته ويا اموت يا اعيش فى اللحظه دى دخل سلامه ابن ابراهيم وكان معاه جرنان قديم وزغدنى ذغده ابن اللئيم وقال يا مرسى لاسرائيل مليون عميل وقرا الدليل اصل الوزاره استوردت كل التقاوى من العدو انا قلتلو وقف هنا عاوز تقول انى العدو مبقاش عدو وانى العدو يديك تقاوى لارضنا ويشتروها المسئولين يا هل ترى المسئولين مش دريانين انى العدو هيعيش عدو ويموت عدو وانى العدو عاوز يبوظ ارضنا ويجيب لنا امراض خطيره فى زرعنا لا يابن زاهيه دا المسئولين عارفينهم اكتر مننا معقوله هيجيبوا التقاوى منهم دا المسئولين ذات نفسهم عارفين لاين الامريكان ولا اليهود ديما يخونوا عهدهم ولا يشتروش اى شى من عندهم متقولش ليه دى عين وصابت زرعتى يابن ابراهيم ولا انت مش عارف سليم ام رد زيد عبد الرحيم ام قال خلاص مسكوا العميل وقريتها فى كل الصحف وقدمت للمحكمه ومعاه دليل على انه جاب كل التقاوى من العدو حتى المحرم من المبيد واسال حسين عبد المجيد كاتب هناك فى المحكمه قرا القضيه كلها ولا تهمه ثابته ومحكمه على ناس بتاكل لحمنا وتغشنا وتضرنا من اجل متعة كام سنه ولا يخافوش من ربنا استغفر الله العظيم الناس هتاكل بعضها ولا القلوب اتحجرت ولا النفوس اتغيرت وبذمتك دول يسوا ايه جنب اللى لفت جسمها متفجرات واتفجرت ليه كل دا؟ هى الفلوس تعمل كدا؟ قطيعه تقطع دى الفلوس قام رد مرسى وقال يا ناس كل الكلام دا انا معرفوش انا زرعتى متكلفه عجلين جاموس مين اللى ضيع حقهم او عند مين عند الوزاره ولا حد فى اسرائيل نفسى اعرفه او من معه طلاق تلاته لاقطعه ام قال سلامه ياريتها توصل للفلوس او حتى 100 عجلين جاموس بصوا لاساس المشكله لاسرائيل مليون جاسوس والكل يعرف انهم فى العضم سوس وناس تمص فى دمكم وناس تسمم اكلكم ومن زمان حذرتكم قلتلكم انى الدود بيرعى فى جسمكم مسمعتونيش وطرقت باب المسئولين ولا همنيش نبهتهم علشان يفوقوا لنفسهم حذرتهم ميطبعوش قلت الصهاينه ميستروش وبلاش دراعنا ميلوهوش وشرحه كل المسائله قلت اليهود من قصدهم ناخد التقاوى منهم والهرمونات ويسمموا كل النبات ويطعموا كل الفواكه والخضاربالسم يبقى سلاح دمار ويجيب مرض اخطر مرض طول عمرنا معرفنهوش ويحذروا كل الدول من زرعنا من قصدهم منصدروش اصبحنا ناكل سمهم والمسئولين ولا همهم وانصبنا بالمرض اللعين وعشان كدا اصبح كبار المسئولين مش كلهم بيجيبوا معطم اكلهم بالطيارات اما احنا ناكل سمهم ولسنا فيه مر السكات وسكتنا واحنا مغفلين واللعبه بانت كلها لما انكشف واحد لعين وكان زعيم المرتشين والغشاشين واحلف يامين لا يطلعوه كالشعره تطلع من العجين والقهر يدخل قلبكم وتولولوا زى الحريم انا قلتلوا قوم من هنا قوم فز قوم يا ابن ابراهيم ما تسيبنا يابنى فى غلبنا قوم من هنا كل الحيطان فيها الودان والبصاصين ماليه المكان وهيمنعوك ترفع ادان وكلهم قايمين بخدمة اسرائيل واديك بنفسك قلتها لاسرائيل مليون عميل قوم من هنا قوم يابن زاهيه متوديناش وياك فى داهيه الشكوه بس لربنا وياريت نحاول كلنا ننسى اللى فات يمكن بقدرة ربنا يصحا الضمير اللى انقتل ولا اللى مات وساعتها يمكن كلنا طبليه وحده تلمنا وانا هبقى برضوا فى وسطكم وهقولكم قولوا ورايا كلكم ملعون ابوا خاش السكات ملعون ابوا خاش السكات ملعون ابوا خاش السكات
ali desoky قام بنشر April 20, 2010 قام بنشر April 20, 2010 ملعون ابوا خاش السكاتملعون ابوا خاش السكات ملعون ابوا خاش السكات جميل جميل جميل ايه الكلام الجامد ده يا عم انا بقول اللي ميردش علي القصيده دي هيخسر كتير
مشرفي الأقسام الجندى المجهول قام بنشر October 6, 2010 الكاتب مشرفي الأقسام قام بنشر October 6, 2010 جزاك الله خيرا يا حبيبى ربنا يكرمك والجنه يوعدك جعل الله كل ماتطتب فى ميزان حسناتك ربنا يسعدك يا استاذ المنتدى
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥