zoro_hf قام بنشر February 28, 2008 قام بنشر February 28, 2008 (تعديل) مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! طيب لو كان الحب اعمى ..ليه واكلين دماغنا بالحب من اول نظرة؟ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ الأخرس بيكلم نفسه إزاى؟ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! ليه البنات بتفتح بقها وهيا بتحط (ماسكرا) ؟ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! ليه الناس مابتقولش (الرياضة فايز ومهزوم) غير لمّا تتغلب؟ ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟ ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! ))))))))))))) ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! لما تيجي تتصل بواحد.. ليه الأرقام اللي بترد غلط.. ما بتكونش مشغولة؟! جملة مخالفة تم التعديل بواسطة الأدارة إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟! ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟! هل حصل فعلا فى يوم من الايام أن فيه واحد (ضرب عصفورين بحجر)؟ ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!). ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟! ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟! بيقولوا (لكل قاعدة استثناء)..طيب ايه الأستثناء بتاع القاعدة دى؟ ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت)! ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟! طيب ليه المذيعة بتقول أعزائي أفراد الأسرة.. وهى ما تعرفش حد فينا؟! ليه الشخص اللي يسألك "الساعة كام" لازم يرفع لك دراعه الشمال تم تعديل July 29, 2008 بواسطه بنت مصرية
Shetos قام بنشر February 28, 2008 قام بنشر February 28, 2008 ههههههههههههههههههههه خطير يا زورو بس الرد على كل الاستفسارات دى هيحتاج موااااااااااااااااااال كبير اوى ارجو الاتصال على خدمة عملاء المنتدى وهنكون إن شاء الله قادرين على الرد على استفسارات حضراتكم شكرا على الموضوع الجميل يا زورو
zoro_hf قام بنشر February 29, 2008 الكاتب قام بنشر February 29, 2008 لا فى حل تانى بسيط الولاد ترد على اللى ليه واللى بتشوفه فى الشارع والبنات ترد على اللية وشوف الردود فى المنتدى هتكون اية
أحمد سيف قام بنشر February 29, 2008 قام بنشر February 29, 2008 ليه احنا بنشارك في منتدى يللا يا شباب على الرغم ان ماحدش قابل الأخ يللا يا شباب قبل كده
EL3aref قام بنشر March 1, 2008 قام بنشر March 1, 2008 ههههههههههههههههههههههههههههههههههههههههههههههههههههه جميل يا زورو وانا كمان مش فاهم
حنان القلب قام بنشر March 22, 2008 قام بنشر March 22, 2008 اما بجد مذهوووله بس عندي سؤال ليه انا مذهوله رغم انها فعلا اسئله وارده وليه انا بعد ما مذهوله بكتب واقولكم انا مذهوله؟ وليه كل حاجه في حياتنا نسبقها بكلمة ليه؟ليه ؟
zoro_hf قام بنشر March 29, 2008 الكاتب قام بنشر March 29, 2008 لا ده بقا يا ست حنان تروحى تدورى على نفسك وتكشفى عند دكتور احسن لك لاحسن انتى فاضلك شوية كده وتكونى فى الباباى ههههههههههههههههههههههههههههههههههه حنان ههههههههههههههههههههههههههههههههحنان
الخيديوي* قام بنشر April 3, 2008 قام بنشر April 3, 2008 ان استثناء القاعدة التي تقول (لكل قاعدة استثناء) هو ان هناك قاعدة ليس لها اسثناء يا اخي اعلم تبين الخيديوي*
semsem111 قام بنشر April 4, 2008 قام بنشر April 4, 2008 (تعديل) ليه تدفع اكتر لما ممكن تدفع اقل ليه نرد على اسالتك لما ممكن نريح دماغنا ومنجاوبش عليها ليه انت اصلا سالت الاسالة دى لما انت عارف ان احنا زينا زيك على العموم اليك بعض الردود كما اجتهدت فيها (لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ ) احسن بكتير لما يكون نصيبك ان اسمك (مبارك ) ============= الأخرس بيكلم نفسه إزاى؟ بيشاور لنفسه علشان يفهم =========== ليه البنات بتفتح بقها وهيا بتحط (ماسكرا) ؟ نوع من انواع العبط البناتى ودا يختلف طبعا عن العنب البناتى لكن كله مندرج تحت دلع البنات ============= ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! لان الباشمهندس نظامه التمثيلي سمعي (يعنى بيشوف بودانه ) ================== الجملة مخالفة تم التعديل بواسطة الأدارة لانها بتستهبل وعاوزة طخها عيارين ========================= تم تعديل July 29, 2008 بواسطه بنت مصرية
zoro_hf قام بنشر April 6, 2008 الكاتب قام بنشر April 6, 2008 ههههههههههههههههههههههههههههههههههههههههههههههه هايل يا سماسم على الردودو الجميلة داى
Recommended Posts
انشئ حساب جديد او قم بتسجيل دخولك لتتمكن من اضافه تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديد♥ تسجيل دخول ♥
هل تمتلك حساب بالفعل ؟ سجل دخولك من هنا.
♥ سجل دخولك الان ♥