باراه جديدة بين فريق المبسوطين وخميرة العكننة نقلتها لكم / zoro_hf

[zoro_hf]

ساء الخير اعزائى المشاهدين

 

النهاردة وزى ما عودناكم على كل شئ جديد

 

فى فريقين جماد جدا هيكون

اللقاء بينهم النهاردة

فريق المبسوطين وفريق خميرة العكننة

 

النهاردة الماتش بيتذاع فى القرافة

على أرض خميرة العكننة

بنقولهم شيدوا حيلكم يا ولاد عاوزين

التكشيرة دى تجيب نتيجة

معانا الحكام نازلين الماتش ولابسين اللون الاسود بتاعهم

فريق انبساط بيحتج وبيقول

ان الحكام منحازين لفريق خميرة العكننة

 

والله عندهم حق بس الحكام شاوروا وحلوها وقالوا هنغير ونخليه ابيض واسود عشان نحايد

فريق خميرة العكننة مكون من

1- نصيبى كدة

2- عايش شحاتة

3- عقدة

4- خميرة

خط الفقر

5- تعيس

6- نكدو

خط قسمة الضهر

7- عكننة

8- قرفان

9- مخنوق منه

10- عطلان

11- يائس

اما فريق المبسوطين فكان كالاتى

1- النزيه

2- الاليط

3- كويس

4- فرحان

5- روش طحن

6- كسيب

7- مزجانجى

8- مبسوط

9- رايق

10- سعيد ابو السعد

11- تمام أوى

الحكام :-

فريق خميرة العكننة طبيعى قاعدين ف الارض

بينعوا حظهم لابسين الاطقم السودا

وضاربين تكشيرتهم المعروفة

فريق المبسوطين لابسين الاطقم الملونة

والانسيالات والخواتم مالية ايديهم

على وشهم بهجة محصلتش

ودة الطبيعى بتاعهم

 

القرعة اتعملت وفريق العكننة هو اللى هيبدأ اللعب

 

عايش شحاتة واخد الكورة بعصبية وبضيق ..... قداها

لمخنوق منه ... مخنوق منه باصاها لنكدو طولت حبه منه

راحت لتمام أوى ... تمام بيطنطط ف الملعب

وبيتشقلب ودة الطبيعى للروح اللى ف الفريق

 

تمام أوى خد الكورة على صدره اداها لكسيب ، كسيب

ماشى بيها وبالمناسبة كسيب دة عنده 37 سنة

وفاتح مكتب استيراد وتصدير ومشارك جمال جاره

فى مبنى طلع بيه 12 دور وعمله حزب

 

صورة لتعيس من قلب الماتش

 

ماشى بالكورة ماشى خبط ف عكننة وعكننة

مخنوق شايفاه واقع ع الارض وبيلطم الحكم بيقرب لقاه

كويس (وكويس دى صفة مش كويس اللى ف فريق

المبسوطين منعا للبس ) اما اللطم دة فدة من

طقوس فريق العكننة ودة الطبيعى بتاعهم .

 

 

عكننة قام مضايق وواقف عند خط الفقر هو

واصحابه واتلعبت الكرة وخدها الاليط باصاها

سعيد ابو السعد و ماشى بيها ماشى بيها اداها

لروش طحن وردوش عنده 26 سنة وبيلعب

فى شعره كثير وكل يوم له تمارين هز وسط فى

ديسكوا الهرم المهم ادى الكورة لمبسوط مبسوط

رن ضحكة عالية اوى اوى الحكم وقف المباراه

وبيدى انذار وف الاخر عرف ان دة العادى من

مبسوط عشان مبسوط فسحب الانذار

واعتذر لمبسوط ، خميرة مخنوق قعد ف

الارض وقعد ياكل فى النجيلة ، ام خميرة

واقفة فى المدرجات بتهتف لأبنها

(وحياه خالتك منيرة اعمل حاجة يا خميرة)

الكورة اتلعبت وخدها قرفان ...

قرفان اداها لعطلان ....

باصاها لعكننة عكننة ماشى بالكورة

ماشى بالكورة اخوات عكننة عمالين يهتفوا

(اعمل حاجة يا عكننة ركز نكد على أمنا )

وعند خط الفقر ماشى عكننة

ماشى هو والجون هو والجون هو والجوووون

 

وشاطها شوطة جامدة اوى اوى وجووووووووووووووووون

الجون الاول لفريق خميرة العكننة يجيبوا عكننة

 

صورة لعكننة بعد الجون

 

انا شايفة الفريق اتلم وعمال يصوت ويلطم

وشايفة دموع واهات وتقطيع ف الفانلات من فرحتهم

 

فريق المبسوطين تقبل الهدف بأبتسامة

وتصقيفة ورقصة الحجالة من الجول كيبر الاليط ....

 

نقره على هذا الشريط لعرض الصورة بالمقاس الحقيقي

 

صورة لرايق من قلب الماتش

 

رايق وكويس بيناقشوا الأليط ملحقتش

الكورة ولا ايه رد وقال ان الاليط ميجريش

على حاجة ماما علمته كدة

عكننة وياس ومحروم قاعدين متحفزين

لفريق المبسوطين ام يائس رمت لأبنها فنجان

قهوة سادة واما محروم رمت لأبنها

قرص بتاعة القرافة وبلح ابريمى وبتقوله

(شد حيلك – كلنا لها)

 

الهتافات اشتغلت والماتش بقى نار

وفريق خميرة العكننة اعلامه السودة مالية الاستاد

 

وصَوت الحكم بالصوت الحيانى

 

على انتهاء الشوط الاول

 

 

سيداتى سادتى استراحة قصيرة لمعاودة

 

نقل الشوط الثانى من القرافة ابقوا معنا

 

كانت معكم من الوحدة العاشرة

 

محمد القناوى

 

 

ادونا الرحمة بقى يا ابنى

تم تعديل March 1, 2008 بواسطه zoro_hf

[سبرتو]

لا بجد عجبتنى قوى قوى

صورة جميلة قوى قوى وحية لنقل المباراة

 

فكرتنى بالتعليق زمان وايام زماااان