كله بيستهبل على كله مع ان كله عارف انه بيستهبل على كله

[بسمة الاقصى]

الســــــلام عليكم

 

بصوا يا جماعة أنا أخويا فى الثانوية الغـامة طبعاً معروفة إنهم ما بيروحوش المدرسة

 

الأيام دى ومن قبلها وأخويا قالوله أصحابه إنه فى كبسة جاية على المدرسة وإنهم لازم

 

يروحوا المدرسة لأن جالهم موجه يوم الخميس اللى فات فالمدير وزع عيال اولى

 

ثانوى على فصول تانيات أكنهم يعنى قاعدين المهم أخويا راح النهاردة المدرسة

 

وبصيت لقيته جه الساعة 10 طبعاً بعد ما الأمن استتب مشوا العيال

 

مع إنهم فى الوزارة عارفين ومتأكدين مليون فى المية إن العيال ما بتروحش المدرسة

 

من شهر 2

 

أنا بقى حكاييتى إنى لما جيت أعمل الخدمة العامة قالولنا اعملوا نحو أمية قصدى محو أمية

 

ل 10 عشان نبقى كده عملنا خدمة عامة

 

واللى بيحصل كالتالى أننا بنجمع ستات غالباً بيكونوا متعلمين ومعاهم إعدادية أو ابتدائية

 

مش أميين ولا حاجة وبندخلهم الامتحان وبيغششوهم فى الإمتحان هما المراقبين

 

مش احنا لا سمح الله مع انهم عارفين ومتأكدين مليون فى المية إن الناس دى اللى

 

احنا جايبنهم مش أميين والأمر والأتعس أنهم ممكن يكونوا دخلوا الإمتحان قبل كده 5 مرات وبيمتحنوا تانى عادى جداااااااااً لأن البنات لما بتدور على ناس تدخل معاها الامتحان

 

غالباً بيبقوا هما هما

 

وبعد ما ينحجوا بنقبض الفلوس هى كانت على أيامنا 50 جنيه على الراس

 

مكافأة ما محينا أميتهم يعنى

 

طبعاً الفلوس دى حرام وأنا عن نفسى اتبرعت بجزء كبير منها أول ما دخلت البيت

 

وباقيها غيرت بيها النضارة بتاعتى

 

بس طبعاً كل البنات أخدت الفلوس ما عدااااااااا واحدة

 

رفضت إنها حتى تستلم الفلوس وقالت دى فلوس حرام وقلنالها اتبرعى بيها قالت

 

إن الله طيب لايقبل إلا طيب وسابتهم للحكومة

 

وتوتة توتة فرغت الحدوتة

 

حلوة ولا ملتوتة

 

وعمرنا ما هنقدم خطوة طول ما احنا عايشين فى نظام الاستهبال ده

 

وكله بيستهبل على كله

[حياتى من اجل ربى]

يااااااااااااااااااااااااااااااه

 

بتفكرينى بالابحاث بتاعتنا فى الجامعه

بعد ما تطلع عنينا ونكتب البحث ونطبعه وحوارات

نلاقيه تانى يوم فى الزباله بتاعت الجامعه

طيب بتخلونا تكتبو ليه

 

 

 

ماااااااااااااااعلينا

 

 

المهم يا حبيبتى

انى شايفه ان الحل فى الموضوع ده

ان كل واحد يكون عندو ضمير فى شغله

حتى لو كان هو الوحيييد

 

((كن انت التغيير الذى تريد ان تراه فى هذا العالم))

 

بس كده

وربنا معانا

ويصلح الاحوال يارب

 

 

ربنا مع اخوكى ان شاء الله ويزيح عنه الغمه دى

ومع اختى كمان ماهى فى نفس الغمه

 

 

ربنا يكرمك يا حبيبتى

 

شكراااا جزيييييييلا لك

[بسمة الاقصى]

انتى عارفة يا حياتى أنا فى مرة كنت بسأل الدكتور اسمه عبد الموجود على حاجة بعد ما خلصنا الكلية يعنى قالى تلاقيها فى مذكرة من المذكرات اللى كنا بنجبركم تشتروها قلتله بتعترف يعنى فضحك ضحكة طويلــــــة ومعنا ها يعنى أيوة كنا بنجبركم

 

لأنه كان آخر ورقة فى المذكرة كان بيخليها ملونة ويقولنا دى بتاعت البروجيكت اللى هيتكتب فيها

بتاع السنة دى وطبعا اللى مش هيعمل بروجيكت يبقى مش اشترى الكتاب مش محتاجة ذكاء

 

وطبعاً الأبحاث دى معروفة مصيرها بيروح فين

 

ربنا يزيل عنا وعنكم الغمة يـــــــارب

 

[Mr Hamdy Ahmad]

الأدهى من كدة

 

النهاردة أنا كنت في الادارة بتاعتنا

 

ومفيش داعي اقول أيه هيا

 

والكلام على المركز الرئيسي اللي في المحافظة

 

 

لقيت المبنى كله رأسا على عقب

 

والورق اللي كانوا بيطلعوا عنينا عشان نعمله

 

واختمه من فلان

 

ولازم فلان يمضي علبه

 

والختم مع فلان

 

أروح أدور على فلان ألاقيه في خبر كاااااااااااااااااااان

 

زوغ كالعادة وفوت علينا بكرة

 

 

النهاردة بس عرفت مصير الدوسيه المكون من عشرطاشر ورقة وصورة

 

مصيره كان في الارض حتى مفيش سلة تلمه

 

 

والى الله المشتكى

[بسمة الاقصى]

الأدهى من كدة

 

النهاردة أنا كنت في الادارة بتاعتنا

 

ومفيش داعي اقول أيه هيا

 

والكلام على المركز الرئيسي اللي في المحافظة

 

 

لقيت المبنى كله رأسا على عقب

 

والورق اللي كانوا بيطلعوا عنينا عشان نعمله

 

واختمه من فلان

 

ولازم فلان يمضي علبه

 

والختم مع فلان

 

أروح أدور على فلان ألاقيه في خبر كاااااااااااااااااااان

 

زوغ كالعادة وفوت علينا بكرة

 

 

النهاردة بس عرفت مصير الدوسيه المكون من عشرطاشر ورقة وصورة

 

مصيره كان في الارض حتى مفيش سلة تلمه

 

 

والى الله المشتكى

معلش يا مستر تعيش وتاخد غيرها

والله كل مكان بالنظام ده

وعمرنا ما هنطلع خطوة لقدام بالنظام ده

والمشكلة إنه خلاص بقى لايف ستايل بالنسبة لنا إننا نستهبل على بعضنا واحنا عارفين

 

يالا بقى ربنا يرحمنا برحمته ويبقى الوضع على ما هو عليه