خطوات الإرتباط بين المعقول والامعقول

[zoro_hf 8]

هل متردد في اختيار شريك حياتك ومش عارف هو مناسب ولاّ لأ؟؟؟

هل مشاكلك زادت مع زوجتك وبتحاول تصلح العلاقة؟؟

هل حاسس إن فيه شروخ في علاقتك مع حبيبك؟؟

هل بتحس ساعات إنه مش فاهمك وإنت مش فاهمة؟؟

الحب.. أقوى عاطفة إنسانية على الإطلاق.. مافيش حد يقدر ينكر طبعا..

 

بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب..!!!!!!!!!!!!!

 

 

سؤال:هل الكلام ده صح؟؟

الإجابة هي: طبعا لأ..

الكلام هذا مش صح..

فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ليس لدينا أي فكرة عنها.

 

الدنيا ربيع والجو بديع!!

 

 

 

 

 

 

فيه حكمة أمريكية شهيرة بتقول:

مافيش أي شيء مؤكد في حياتنا غير: الموت والضرائب!!

وأضاف د." فيل":............. والإحباط!

كتاب: (Relationships Rescue)

الإحباط فعلا شيء مؤكد في حياتنا كلها ولازم نتعامل معاه...

هتحبط في العمل مثلا.. في الدراسة.. في البيت.. في الشارع..

وأكيد أكيد.. هتلاقي إحباط.. في الحب!!

 

لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالةهذه بتستمر؟؟

طيب.. عشان نعرف ما هو الموضوع لازم نتكلم عن مراحل الحب:

المرحلة الأولى: مرحلة الانبهار

في المرحلة هذه بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم.

تتميز المرحلة هذه بالتالي:

بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه .. باختصار: بتحس إنه (كامل)..

 

والمرحلة هذه هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية..

 

شيء مهم جدا: احذر الارتباط في المرحلة هذه!

 

المرحلة الثانية: الاكتشاف

هي مرحلة إنكم تعرفوا بعض أكتر..

بمرور الوقت هتكتشف إن الشخص اللي بتحبه مش كامل زي ما كنت بتتخيل.. هتكتشف فيه عيوب وحاجات لم تكن تعرفها.. بل وحاجات بتضايقك كمان.

سؤال:

هل هذا طبيعي؟؟

الاجابة: طبيعي تماما.. ولما تلاقي هذا بيحدث اعرف إنك ماشي صح..

في المرحلة هذه بتختفي الصورة المزيفة الي كنت شايفها في مرحلة الانبهار.. هتشوف الشخص هذا على طبيعته وفي الوقت هذا تقدر تقرر.

 

كيف نتعامل مع هذه الاختلافات؟؟

فيه جملة مشهورة جدا بيقولها المحبين في المرحلة هذه:

احنا عشان بنحب بعض.. هنتغير احنا الاتنين..

سؤال:

 

هل هذا صح؟

الإجابة: الباحثين بيقولوا: غلط طبعا!!

لنجاح أي علاقة، لازم تحترم اختلاف الآخر وماتحاولش تغيره مطلقا..

باأكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. لكن......

في المرحلةهذه تأكد من إنك عرفت الاختلافات اللي في الشخص هذا كويس..

واسأل نفسك:

 

هل لسه بحبه رغم الاختلافات هذه

هل هاقدر أتعايش مع الاختلافات هذه؟؟

هل هيحصل صدام بسبب الاختلافات هذه؟؟

هل الصفة هذه جزء من هويته وتكوينه؟

طبعا فيه تضحيات في الحب.. لكن ما حدود التضحية؟؟

 

The identity

كل واحد فينا عنده هوية شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته..

إنت بتنظر لنفسك كيف؟؟

إنت مين؟

إيه صفاتك؟

 

كل واحد فينا عنده ثوابته ومبادئه أيا كانت... دينية، اجتماعية، ثقافية..

حاجات ماينفعش تتغير فيه..

مثال:

واحد ملتزم (هويته): القرب من الله هو طريق السعادة.

واحد متحرر (هويته): لا زم أنبسط قدر الإمكان.. بكره الزعل..

واحد مصلح (هويته): هدفي أصلح البلد..

وهكذا...

كل واحد له هويته اللي بتحدد نمط حياته..

زي ما قلنا: الاختلاف طبيعي بين أي اتنين بينهم علاقة.. بس أهم حاجة:

الهوية هذه لا تكون متضاربة..

يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل..

 

مثال لهويات متضاربة:

مثال:

واحد متشدد - راقصة باليه!!!

عربي مخلص - إسرائيلية بتكره العرب

واحد يريد ان يصلح المجتمع - واحدة تريد ان تعيش حياتها بحرية دون قيود!!

كده يعني..

فهمتم قصدي ايش؟

أي خلافات تانية ممكن تتحل..

يعني مثلا:

 

مثال:واحد بيحب الكورة - هي بتحب الموسيقى..

هو بيحب القراءة قبل النوم - هي بتحب الفرجة على التليفزيون..

هو بيحب المحشي - هي بتحب الريجيم..

 

وهكذا ......

هذه حاجات مش في صميم الهوية الشخصية للواحد منهم.. كلها حاجات ممكن يوجد لها حل وسط..

لكن ماتحاولش أبدا تغير الشخص التاني زي ما قلنا.. ماتجبرهاش تحب الكورة مثلا.. ماتجبريهوش يبطل قراءة ويتفرج على التليفزيون..

أي حلول وسط زي:

إنتِ تتفرجي على التليفزيون وهو قاعد جنبك يقرا!!

نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه the unconditional love أو الحب غيرالمشروط.

أي خلاف بينك وبين حبيبك لو كان فيه أي حاجة (أيا كانت) ممكن تتعايش معاه.. إلا لو اختلاف في (الهوية)!!

ما أهم قيمة في حياتك؟؟

 

جميل.. لا تتنازل عنها إذن!!

 

حافظ على هويتك وماتضحيش فيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟

لو إجابتك هي: نعم..

يبقى ألف مبروك مقدما..

وابقوا اعزمونا على الفرح....

 

ويارب تستفيدوا منه علشان بصراحة نفسي حدا يعزمني على عرسه

[EL3aref 5]

والله كلام مظبوط يا زورو .. وموضوع اجمل

[zoro_hf 8]

شكرا لمرورك عارف والاجمل ردك يا غالى