نكت روشه

[:: عاشقة الرحمن :: 2]

سكران راح المقابر سأل مجنون: هو الميت بيشتغل إية؟ قال يحفرقبور, السكران: سبحان الله من حفر حفرة لأخية وقع فيها

 

بنت متحررة (فري يعني) أول ما تقوم من النوم ترجع البيت !!!

 

بخيل كتب علي باب بيته: مترنوش الجرس, انا كل 5 دقائق هطل من الباب

 

صعيدي مراتة جابت توئم, حلف علي الدكتور لاياخد واحد

 

غبي فتح جراج ومنجحش, لييييية؟ علشان عملة في الدور التاني

 

محشش وسكران, المحشش سايق والسكران قاعد جنبة فعملوا حادثة, السكران للمحشش: انت خبطت لية هو انت مش شايف؟؟؟ قال المحشش: يا أخي دا أنا فاكرك أنت اللي سايق

 

محشش خبط أتنين, الأول مات والتاني كان بينازع, قال المحشش: خليك شاطر زي أخوك, مات و منطقش بأي كلمة

 

صعيدي شاف يافطة مكتوب عليها ممنوع الوقوف, قام نام علي الرصيف

 

صعيدي بيلف مفتاح بأذنة, دماغة إشتغلت

 

مجموعة صعايدة حاطين البيتزا أمامهم ومش راضيين ياكلوا, لية؟؟؟ مستنيين العيش

 

محشش خبط شرطي بعربيتة ومات, قام مكلم 122 وقالهم أحب أبلغكم انكم بقيتوا 121

 

المدرس يسأل التلميذ: انت اتأخت لية؟؟؟ التلميذ: علشان بابا كان بيضرب أخويا, المدرس: وما علاقة هذا بك؟؟؟التلميذ: لأنة كان بيضربة بحزائي

 

 

 

محشش سألوة إية أقدم حيوان, رد: الحمار الوحشي لأنة أبيض وأسود

 

 

 

محشش ماشي جة البوكس ياخدة تحري, قالهم: شكراً انا بيتي قريب

صعيدي ربح مليون خافوا يبلغوه يموت مصدوم. قال العمده: أنا أقوله. قال يا محمدين لو كسبت مليون حتعمل بيهم إيه؟ قال: أديك نصهم. مات العمدة مصدوم!!

 

>------------ --------- --------- --------- -------

 

> محشش لقي كنز قال: كويس فاضل الخريطة !!

 

>------------ --------- --------- --------- -------

 

> ولد بيسأل أبوه: هي الحمير بتتجوز؟؟ قاله: يا بني مبيتجوزش أصلاً غير الحمير .

 

>------------ --------- --------- --------- -------

 

> واحدة سودة قوي ركبها عفريت حاولوا يطلعوه قالهم: نفسي أطلع بس مش شايف .

 

>------------ --------- --------- --------- -------

 

> واحدة بتقول لجوزها اطرد السواق ده كان حيموتني مرتين في حادثة قال لها: خلينا نديه فرصة ثالثة ...

 

>------------ --------- --------- --------- -------

 

> صعيدي قال لأبوه: رخصة السواجة خلصت يابوي قاله: من لفك في الشوارع طول النهار يابن الدزمة .

 

>------------ --------- --------- --------- -------

 

> مسطول صدم شرطي وموته راح متصل بـ122 وقالهم: أحب أبلغكم إنكم بقيتوا 121.

 

>------------ --------- --------- --------- -------

 

> محشش بيسأل محشش التعلب بيولد ولا بيبيض قاله التعلب مكار توقع منه أي حاجة.

 

م ن ق و ل

[نورين عبد السلام 1]

ههههههههههههههههههه

بس على فكرة انا صعيدية ليا اهل ابويا من اسوان

[:: عاشقة الرحمن :: 2]

لالالا احنا مش قد زعل الصعايده لحسن كل اللي في المنتدي هزعلوا منا عموما ده هزار عادي يعني مش قصدني زعلكوا وانا اصلا ليا قرايب في الصعيد كمان

 

وشكرا لمشاركتك معانا

[s0nA 0]

و الله موضوع مش عارف اقول فيه ايه غير ان نكته احده اللي عجبتني

 

محشش لقي كنز قال: كويس فاضل الخريطة !!

[عاشق الصداقه 525]

والله نكت ملهاش حل .. بجد يا عاشقة الرحمن انتى خطيره فى كل حاجه

 

أكتر نكت عجبتنى الأخيره

 

> واحدة سودة قوي ركبها عفريت حاولوا يطلعوه قالهم: نفسي أطلع بس مش شايف .

>------------ --------- --------- --------- -------

> واحدة بتقول لجوزها اطرد السواق ده كان حيموتني مرتين في حادثة قال لها: خلينا نديه فرصة ثالثة ...

>------------ --------- --------- --------- -------

> صعيدي قال لأبوه: رخصة السواجة خلصت يابوي قاله: من لفك في الشوارع طول النهار يابن الدزمة .

>------------ --------- --------- --------- -------

> مسطول صدم شرطي وموته راح متصل بـ122 وقالهم: أحب أبلغكم إنكم بقيتوا 121.

>------------ --------- --------- --------- -------

> محشش بيسأل محشش التعلب بيولد ولا بيبيض قاله التعلب مكار توقع منه أي حاجة.

بس بجد الموضوع كله خطييييييييييييييييييير ... أنا ضحكت كتيير جداً

 

أمتعينا يا عاشقة الرحمن بالمزيد

 

بس متنسيش انى صعيدى .. ده أختى نورين زعلت لأن أهل أبوها من الصعيد ... توقعى انا ممكن أعمل ايه

 

بس أنا عارف انك بتهزرى .. ومتخافيش لأن نص المنتدى صعايده قولى اللى عاوزاه ..

 

الصعايده اللى فى المنتدى كلهم متفاهمين ومحدش شايل البندق .. وعلى مسئوليتى !!!

[einour 3]

هههههههههههههههههه

و الله ضحكت من قلبي و على فكره انا اول مره اسمع نكت بالمصري بس روعه

[:: عاشقة الرحمن :: 2]

شكرا ليك انا شددتني كلمة نكت من مصر اكتب نكت من بلدك وقول منين انت يلا تبادل نكت

[طائر السكون 2]

الظاهر ان الصعايده مش زى ما التليفزيون بيقول

نكته كده على السريع

ليه الصعايده رموا الشريط فى البحر

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

من كتر النكت اللى طلعت عليهم

[MOSTAFA_SHA3RAWY 0]

ايه ده كله يخرب بيت جمال النكت دي دي روعه اوي