ده الحب ليكى طبيعى لا هو أمر ولا تكليف

[دعوه للجنه 457]

 

الحب لبلادي مش امر ولا تكليف

 

 

مصري وطول عمري

عايشها بالصخرة ...

 

والكلمة من دمي

تتطلع بميت شخطه ..

 

وجبيني صفحة تاريخ ..

متدونه ايامه حتي ع الصخرة

اصلي البنا غيه ..

 

وانا احب ابني كتير ..

فوق المعابد سطور ..

يحكيها جيل ورا جيل ...

 

 

عصر العويل والذل

والقهر والتنكيل

وعصر كان الغنى

للحاكم المسكين

ما هو ده الي كان اصله

بياع في قصر النيل ..

 

 

ماشي بورد وفل

والسرقة طبع أصيل ..

 

وامين بيندهله

يجري ونفسه طوووويل ..

 

ولما يوم مسكه ..

قله بعلو الصوت

مبروك يا بيه يا وزير

 

 

******

 

مصري وطول عمري

 

بحب غناويا ..

يوم ما الفريق بيفوز

تطلعلي أغينة..

 

 

احفظها ارددها

واشيلها في عنيا

ويقولها كل الناس,

حتي الفواعليه .

****

 

 

مصري وطول عمري

 

أشتم بعلو الصوت

ولما كلب من البلاد يشتم

اقوله امشي يا كلب يا مسخوط ..

 

اشتم ف بلدي اه ..

لكن لغيري لأ ..

 

ده شتمتي فيها سكر ..

وشتيمتك انت زق ..

 

انا يوم ما اكون بشتم ..

بشتم بصوت الحق

وشتمتك انت يا كلب عاوزه الحرق..

 

 

****

يا مصر امتي بأه ..

امدح قصور حكمك ..

حاولت يوم انسي

وللاسف فاكرك

حتي ف بلد الغربة ..

 

 

القلب يشتاقلك

وقول ف يوم ارجع

يخدني صمت طويل ..

 

وبحرقه اندهلك ..

واشتاق لصوت المرور ..

اشتاق لمأذنتك ..

 

وصوت عيال وصريخ ..

ده الصمت حواليا ..

 

طويل وطبعه مخيف ..

نفسي ف يوم اصرخ ..

الاقيك قدامي ..

 

مش وافقه يوم ف طابور ..

بتحاربي لجل رغيف ..

يا مصر ليه تسكتي ..

ده الحب ليكي طبيعي ..

مش امر ولا تكليف..

 

 

 

[ali desoky 391]

عصر العويل والذل

والقهر والتنكيل

وعصر كان الغنى

للحاكم المسكين

ما هو ده الي كان اصله

بياع في قصر النيل ..

 

 

 

جميل جدا

بارك الله فيك يا اختاه

وجزاك كل خير

ان شاء الله