زوجة لطيفة جداااااااااااااااااااااااااااااااااااااااا

[zoro_hf 8]

*******

هو: حبيبتي أنا حأطلب بيتزا، عايزة حاجة؟

هي: لا ياحبيبي

هو: اوكي

هي: ولاّ اقولك

هو: ها، أطلبلك كمان؟

هي: مش عارفة

هو: مش عارفة اذا كنتي عايزة؟

هي: لا

هو: انتي جعانة؟

هي: يعني

هو: يعني إيه يعني؟

هي: يعني مش متأكدة اذا كنت جعانة ولا لأ

هو: الواحد لما بيكون جعان بيعرف

هي: لأ بس يمكن اجوع بعدين

هو: يعني اطلب لك بيتزا؟

هي: طيب واذا ما كنتش جعانة وقتها؟

هو: ما تاكليش

هي: بس ده كدة يبقى تبذير

هو: خلاص، تبقي تاكليها بكرة

هي: واذا ما كانش لي نفس آكل بيتزا بكرة؟

هو: مش محتاجة نفس ، الواحد عادي ممكن ياكل بيتزا كل يوم

هي: انا لا.. أنا مش باكل بيتزا الا لما يكون عندي نفس للبيتزا

هو: طيب بلاش، أطلب لك حاجة تانية؟

هي: بس أنا مش عايزة حاجة تانية

هو: يعني عايزة بيتزا؟

هي: لا

هو: يعني مش عايزة حاجة؟

هي: لأ برضه

هو: جننتيني، طب أعمل إيه؟

هي: اطلب انت لنفسك

هو: الحمد لله، اخيرا.. ماشي

هي: بس اطلب بيتزا بالتونة

هو: نعم؟ انا مش بحب البيتزا التونة

هي: بس انا بحبها

هو: وانتي مالك؟ هو انا حاطلب ليا ولا ليكي

هي: ليك طبعا

هو: طيب أطلبها ليه بقى بالتونة؟

هي: يمكن اجوع لما يوصل الاكل

هو: وبعدين؟

هي: ياسلام، يعني تفتكر آكل حاجة مش عاجباني؟

هو: ليه هو انتي.. أصلاً.. عايزة تاكلي؟

هي: ليه لأ؟

هو: يامثبت العقل.. هو أنا حاطلب بيتزا لي, عشان احتمال انتي تاكليها اذا كنتي جعانة؟؟

هي: بالضبط

هو: وأنا بلاش آكل؟

هي: يمكن وقتها أكون مش جعانة

*******

ملاحظة

محكمة الجنايات قررت تبرئة الزوج من تهمة: قتل الزوجة مع سبق الإصرار والترصد.. وتحويل التهمة إلى: قتل الزوجة دفاعاً عن.. العقل

*******

[Shetos 2]

هههههههههههههههههههههههههه

 

أصحاب العقول فى راحه

 

واعتقد انى حكم المحكمة كان عادل جداً

تم تعديل March 10, 2008 بواسطه Shetos

[EL3aref 5]

ههههههههههههههههههههههههههههههههههههه

 

استرها معايه يا رب .. بس انا بحب كل انواع البيتزا

[NADA 34]

هههههههههههههه

 

يا عينى ع الدماغ

 

الله يكون ف عون البيتزا

 

بجد هى هتقطع لهم نفسها

[بنت مصرية 66]

جميل الموضوع ده

والله هو دلع ملوش لازمة ولا غلاسة ولا ايه

بصراحة ربنا يكون في عون الزوج والزوجة كمان

وبرغم انه دفاع عن العقل

بس تم نقله للمكان الصحيح

تقبل مروري