فى حادثة قتل عجيبة الحمامة تقف على جثة القتيل

[بسمة الاقصى 78]

حادثة قتل عجيبة وغريبة وبشعة شاهدتها اليوم فى برنامج من الجانى

 

الجريمة غربية فى كل تفاصيلها

 

الموضوع إنه فى اخوات ليهم أخت متزوجة وحصلت مشكلة مع اختهم وأخوات زوجها

 

وراحوا أخواتها علشان يحلوا المشكلة مع أختهم واخوات زوجها وبيعاتبوهم عادى يعنى زى أى مشكلة

 

المهم أخوات الزوج ما عجبهمش كده ونووا إنهم ينتقموا من أخوات مرات أخوهم ومن واحد بعينه اسمه قبارى

 

وحدث بعد ذلك إن حماة أختهم توفت وراحوا قبارى وأخواته بكل طيب نفس يعزوا فى حماة أختهم لأنه مهما

 

كان ده عزا وموت واحنا شعب برضه بيحترم الموت وحرمته المهم وفى المقابر حدث العجب العجاب

 

وحدث ما لا يصدقه عقل كان اللى والدتهم متوفية متربصين لقبارى وأخوه وسابوا الدفنة وناس غريبة اللى

 

دفنت والدتهم وهما بقى عملوا إيه ؟؟؟بكل وحشية وهمجية انهالوا على قبارى بالسكاكين والأسلحة البيضاء

 

على قبارى وللعلم هما شغالين جزارين وجابوا كمان أصحابهم ونزلوا على المسكين ضرب وتقطيع

 

لحد ما بقاش فيه حاجة كل ده فى المقابر طبعاً مات قبارى ونفد أخوه من المجزرة

 

وشهد الكل لقبارى بحسن الخلق والطيبة, وأخوه قال إنه كان بيقبض 300 جنيه وبيطلع نصهم لله

 

ووالدته المكلومة المسكينة قالت ده كان أحسن عيالى وكان بيصرف علينا انا وأبوه المريض

 

وبنته الطفلة اللى فى سن الروضة قالت بابا كان بيحفظنى القرآن و قرأت البنت سورة الإخلاص

 

والعجيبـــــة التى حدثت كان مشهد الحمــــــامة التى كانت واقفة على الجثة بكل هدوء وسكينة

 

غير عابئة بالدوشة التى حولها كان منظر يقشعر له البدن منظر الحمامة هذا هو

 

المنظر اتعرض لأنه الجثة كانت مغطاة والأعجب اللى ذكره مقدم البرنامج إنه الحمامة برضه كانت واقفة على

 

الجثة وهى مكشوفة بس طبعاً ما عرضوش الصورة دى فى البرنامج لبشاعتها

 

واتصلوا بشيخ لتفسير منظر الحمامة هذه وقال الشيخ هذا دليل على صلاح هذا الشيخ وانه الحمامة

دى رمز للسلام وهو كان رايح ومادد إيده بالسلام وهما غدروا بيه بطريقة بشعة

 

وإنه الحمامة دى ملاك من عند ربنا لتبرئة هذا المسكين وبيان منزلته عند الله

 

ولكن لماذا هذه البشاعة والإجرام لمجرد مشكلة عادية

 

الإجابة قالها أخو القتيل إنه أخوات زوج أختهم دول ما متكبرين وما يقبلوش إن حد يكلمهم ولا يعارضهم

 

وهنا قلت صدق سيدى رسول الله لن يدخل الجنة من كان فى قلبه مثقال ذرة من كبر

 

أسألكم الدعاء لهم بالفردوس الأعلى ولأمه المحروق قلبها على فلذة كبدها بالصبر وأن يربط الله على قلبها

 

وينزل عليها السكينة

ولهؤلاء القتلة الفجرة بالانتقام العاجل

 

اللهم آميــــــــــــن

 

 

 

 

 

 

[نودي 41]

سبحان الله والحمد لله ولا اله الا الله والله اكبر

[El-Saher Fantasy 21]

بتحصل

احداث الحجيرات اللي حصلت كلها كانت بسبب ايه؟؟

سوء نية

بس

اللهم ارزقنا حسن النية والعمل

[بسمة الاقصى 78]

مش عارفة هو انا شكلى مش عرفت أوصل المعلومة ولا ايه

لأنه يا أخى مفيش أى سوء نية بالعكس الموضوع كله مع سبق الإصرار والترصد

بتحصل

احداث الحجيرات اللي حصلت كلها كانت بسبب ايه؟؟

سوء نية

بس

اللهم ارزقنا حسن النية والعمل

[El-Saher Fantasy 21]

اختي انا فهمت قصدك

وكمان انا سمعت عن القضية دي

بس انا باكلمك انهم لسبب تافهة زي المشاكل الأسرية اللي بتحصل كل يوم الصبح وساعات 3 مرات ف اليوم يعملوا كده في واحد ليهم بيه علاقة دم

ولكن لماذا هذه البشاعة والإجرام لمجرد مشكلة عادية

فأنا بأكد لحضرتك الموضوع ده بان موضوع الحجيرات اللي كانت واقفة قرى كاملة بسببه كان كله علشان ناس ظنت خطأ ان ناس تانيين جايين يقتلوهم فبادروا هم بالقتل

 

جزيتي خيرا

تم تعديل May 19, 2010 بواسطه El-Saher Fantasy