الحلم المقتول دكتور صبرى اسماعيل

[الجندى المجهول 37]

الحلم المقتول

*****

الدكتور صبرى إسماعيل

 

دارفور دارفور بِنلفّ ندوور----مين اللى هييجى عليه الدور؟

معتوه بيخبّط فى المعتووه--------الأخ نازل تقتيل فى أخووه

وعدوّى بكل القسوة نسووه

وان قلنا حرام ماتت الاحلام---------فين الإيمان وإله تخافوه

خليتوا أميركا وأذنابها-------------ترميكوا بنارها وبغرابها

ومحاكم تدعم عدوانهم--------------خدّام صهيونهم وكلابها

والفارس يبقى ف يوم مطلوب-----يابشيرها وحارس أعتابها

****

وصومال بتهدّ ف أوصالنا------------وسنين بنقتّل أيه جالنا

والدم على الطرقات بيسيل----------والحقد يهدّ جميع الجيل

والقلب اتنرفز ينادينا-------------{جبتم أعادينا ف وسطينا}

والخوف اترشق ف صدورنا--------وصراع البحر مع المينا

القاتل والمقتول فينا-------------وقراصنة اتزرعت وسطينا

شوّهوا فى صورتنا ومعانينا---وخراب بيحوم على صومالينا

***

وتشاد نترجى وفيها رجاء-------رصاصات بتِهدّ بلا استثناء

والمغرب مع لغز الصحراء-----وعيال عاشقين السلطة وداء

هايمين فى الدم سنين الهمّ----------وسفاين هزّتها الأنواء

ليه التفتيت-ماتلمّوا البيت-------دا الفرقة وَهَن والقتل وباء

***

وجزايركانت ضد الظلم------------أبطال بتشدّ الناس وتِلمّ

وباريس صرخت وجّت هربت--جالنا الأشرار عاشقين الدم

القاتل والمقتول إخوان-----------والدابح والمدبوح إنسان

ليه الأحزان؟-------------------ليه الإرهاب هو السجّان؟

والدمعة بتجرى فى عين الأمّ-----بترشّ هموم الناس بالغمّ

****

حتى الإرهاب مارحم صنعاء----ويهود تشعلها بدون إبطاء

وارض الحرمين-------------------بيفجّر فيه كل الجبناء

حتى البحرين ودهب وجنين--وف شارم الإرهاب ليها أساء

والأردن ودمشق الحرة---------وخناجر فى صدور الأبناء

****

وعراق الصبر عليه بتحووم----غربان العالم شايلة سموم

وفرات متألم بيشارك-------------دجلة المتسبّح فيه البوم

وعيال تتألم بجدارة--------------والبنت الحلوة المحتارة

وتاريخ متستف بحضارة----------والدمّ مغرّق فى الحارة

وحريق تفجير وصراخ وعويل---وبكل الأمن اتهنّى روبيل

تفجير فى مساجد وف طوابير-والشهدا ما ليها فى عير ونفير

وضحايا تخلّى العقل يطير-------احمد ومحمد وابنه سمير

والجانى بيرطن بلسانى------------عربى فارسى امريكانى

والبصرة بتصرخ آه يانى--------من دمّى الخاين والجانى

وبدل ما ينشّن ع المحتل---------------بيقتّل فيّه وأخوانى

فينك ياحسين ويا آل البيت---------الباغى بتفجيره آذانى

****

أمّا تركيا اللى مجلجل----------------------فيها آذانى

بيخرّب ليه؟-------------------حزب العمال كردستانى

ومصممّ على شقّ صفوفى---دا المولى بوحدتى أوصانى

ألفين تفجير------------------وانباء بتلف الدنيا تطير

أحزان وشرور وآلام ونذير---رصاصاته بتطلع عدوانى

حتى ف لبنان العقل يقول-------------------أنا لبنانى

وف نهر البارد كام شرّير------بيفجّر وبيعمل أعاصير

واحزاب لله--------------همّ التانين كانوا شيطانى؟!!

فى ساعات الشرّ الحق يبان------------ييجى العدوان

أرجوك ماتخرّب ف بلادى----دا انا مِنّك مِنها ولبنانى

*****

حتّى الأبطال اللى اجتازوا---------------كل الأزمات

وفصائل حاربت وبهمة------------------وبكلّ ثبات

وحماس مع فتح -----------اللى بطلهم ياسرعرفات

فجأة الإبليس بيفّرقّهم------------- دخلوا فى شتات

إتلمّوا ارجوكم وبسرعة----------خلّوا الرصاصات

لصدور الجانى وتتحرر----------- أرض البطولات

******

يا اهل باكستان وافغانستان-وفرّوا رصاصاتكم للعدوان

وبلاش تفجير------------فى مساجد يُرفع فيها آذان

وبلاش تفجير---------------------- ف اهل الإيمان

دوستم بيهاجم ربانى-------وال حكمتيار يقتل طالبان

والشيعة تقتّل فى السنّة-وشارون وباراك عايشين بأمان

دا الوضع خطير وصايبكوا جِنان

يا اهل المتمكن منّيكم اكبر شيطان

نازلين تقتيل وف أهاليكم--ورضيتوا ب قدس بجد تُهان

حد يفكرنى لو ناسى-------كم دانة انطلقت ع العدوان؟

حد يفكرنى جايز ناسى------مين فيكم فجّر فى السجّان؟

******

مين فيكم دافع عن غزة؟

مين فيكم قتّل فى يهودى-------أو هزّ جنودهم لو هزّة

مين فيكم فكّر فى فلسطين-------ويفزّ عشانها ولو فزّة

مين فيكم حرر أراضينا---------وترفرف أعلامها بِِعزّة

مين فيكم سددّ صواريخه-------ويفرّح قلبك يا الأقصى

مين فيكم خلّى الدمّ يسيل---فى شوارع صهيون النجسة

ويبطّل قتل فى أهالينا----------يرحمنا ومن ذلّ النكسة

يرحمنا ومن ذلّ النكسة

يرحمنا ومن ذلّ النكسة

[نونا19 28]

حلو اوي الموضوع اخى الجندي المجهول

موضوعاتك كلها جميلة وهدافة