موال فصة كفاح

[نونا19]

موال قصة كفاح

 

 

للشاعر أ. هشام فتحي

 

مــــرت سنــــيـــــن

 

وأنا لسه في الحلمِ الدفينْ

 

أنا من بلاد الشوق

 

ومن دنيا الحنينْ

 

أنا صاحب الصورة الحزينة

 

بكل لمحه من عذابْ

 

ومصيري هو اللي أتحكى

 

أيوه أنا

 

شَعْري اللي شابْ

 

وفضلتْ ماسك باليقينْ

 

كان بين وفاتي وبين حياتي خطوتين

 

كان بين زناد الخوف وبيني لحظتين

 

كان بين عيون الناس وعيني دمعتين

 

وحاجات بتبكي ف السما

 

عمري اللي راحْ

 

كان همي طارح ثمرته

 

بين الجراحْ

 

ما لها الحياة؟

 

عنوانها كان قصة كفاحْ

 

مش باقي مني غير جراحْ

 

مش باقي مني غير أنينْ

 

أنا لسه ساكنْ في قلوبْ المحرومين

 

وما بين دروبِ "اسطال" وناسها الطيبين

 

كان حملي أتقل من جبالْ

 

كل الحكايا ف قصتي

 

واللهِ أغرب مِ الخيالْ

 

كانت طويلة غُربتي

 

لا عَمّ يمشي في دنيتي

 

ولا حتى خالْ

 

كان نفسي أشوف ف الحلم

 

صورتك يا وطن فوق التلالْ

 

ليه يا وطنْ

 

خلتني أعيش بين الجبالْ

 

خلتني أجهز من زمان

 

نعش وكفنْ

 

وأحفر قبور بين الرمالْ

 

ليه يا وطنْ

 

دانا كنت بَرْسِمْالكْ شراعْ

 

طول عمرنا

 

في المدرسة نِحيِّ العلم

 

نرسمْ هلالْ

 

بيني وبينك يا وطنْ

 

همسة عتاب

 

نفسي ف سؤالْ

 

مش قادر أسال

 

مين يجاوب.....؟

 

أنت أكبر م السؤالْ

 

أنت اللي صورتك فوقْ

 

فوقْ هناك عند القنالْ

 

عجبي عليك يا وطنْ

 

لو كنت أنا طبالْ

 

لو كنت صاحب كاسْ

 

وبين الناسْ

 

برقص على الموالْ

 

ليه يا وطنْ

 

أمشي بسواد الليلْ

 

والهم هد الحيلْ

 

اسألْ عليّا استطال

 

اسأل عليّا سليمْ

 

وحسن وعبد العالْ

 

حلوه الحياة بالشقى

 

بالفاس يشق المدى

 

فلاح هنا وعتَّالْ

 

كان نفسي زي الناسْ

 

أشوف يا ناسْ

 

بنت الحلالْ

 

كان نفسي أعيشْ

 

بين الصحابْ

 

حمدان وحامد

 

مصطفى وجمالْ

 

نتمشى ف ترابِ الوطنْ

 

ع النيلْ

 

ونسمة مسربلة بالشالْ

 

حلمِي الجميل يا وطن

 

شفتُه ف منامْ

 

وحياتي ليه كانت تمنْ

 

كان مية في الغربالْ

 

أنا كيف أنامْ

 

وأنا ف انتظاري

 

كل يوم إعدامْ

 

خلص الكلامْ

 

وصدق اللي قال

 

ما ينام ساعات اللي

 

غير أبو قلب خال

[الجندى المجهول]

:wink: :cry: :wink: :wink: :wink: :wink:

 

رائعه

كلمات جميله جدا

ربنا يكرمك والجنه يوعدك

جعل الله كل ماتكتبى فى ميزان حسناتك

جزاك اله عنا خيرا

[El-Saher Fantasy]

أنا كيف أنامْ

 

وأنا ف انتظاري

 

كل يوم إعدامْ

 

ماشاء الله

الكاتب رائع

والناشر أكثر من رائع في الاختيار

جزاك الله خيرا اختنا

واكرمك لمشاركاتك الممتعة

تقبلي تحياتي

[نونا19]

اخي الجندي المجهول اشكرك كتييييييييير

اولا لانك بتقأري مواضيعي

ثانيا علي كلامك الرائع والجميل اللي بتقولهولي

شكرا

[نونا19]

اخي الساهر اني سعيدة جدا انك قرأت

موضويعي ورديت علي بهذا الرد الرائع

وان شاء الله مواضيعي القادمة تنال حسنك

وحسن باقي اعضاء منتدي يلا يا شباب

[عاشقة الفردوس]

القصيدة ممتازة ومعبرة جدا وما مسني بالذات هذا المقطع

 

كان نفسي أشوف ف الحلم

 

صورتك يا وطن فوق التلالْ

 

ليه يا وطنْ

 

جازاك الله خيرا يا بنتي

[mercy]

:wink:

 

اختى الجميله والغاليه نونا

 

القصيده جميله وكلامها رائع

 

بجد اختيار جميل

 

جزاك الله خيرا

 

بجد مكنتش اعرف ان الشعر ضمن موهبك

 

تسلم ايدك

[نونا19]

اختي hayet

احب اشكرك وعلي وجدوك وقرأتك لمواضيعي