قصيدة أيوة بغير - رررررررائعه

[الحياه 20]

لشاعر رائع وهو هشام الجخ

 

 

قصيدة ايوه بغـــــــــير

 

 

 

 

 

أيوة بغير

 

 

لا انا نقصان ولا ضعفان

ولا مسطول ولا سكران

ولا زايغ من عيني الضيّ

ولا حد احسن مني في شيّ

بس بغير

 

 

واللي قالولك غيرة الراجل قِلّة ثقة او قلة فَهم

خَلْق حمير

 

 

غيرة الراجل نار في مَرَاجِل

نار بتنوّر مابتحرقش

واحنا صعايدة بنستحملش

شمسنا حامية وعِرْقنا حامي وطبعنا حامي

واللي تخلّي صعيدي يحبها

يبقى يا غُلْبها

اصلنا ناس على قد الطيبة

كلنا هيبة

والنسوان في بلادنا جواهر

طب لو عندك حتة ماس

حتخلّيها مداس للناس؟؟

ولا حتقفلي اوضة عليها بميت ترباس

يمكن حتى تأجري ليها جوزين حراس

يبقى انا لا انا جاهل ولا غافل

كل الفرق ما بيني وبينك اني صعيدي

ينعل ابو ده اليوم الاكحل

اللي لا ليه اخر ولا اول

اللي طلعت لقيتني صعيدي

 

 

لو كان بايدي

كنت اعملك هندي بريش

واقلب شعري كنيش كرابيش

والبس لك سلسلة متدلدلة خرزة وقلب

بس ازاي البس لك سلسلة ؟؟ هو انا كلب ؟؟

 

 

ثم العبرة ماهيش في اللبس

اصل المشكلة عَندك .. عٍندك ..

قلت حاسيبها وبكرة تحس

بعده تحس

بعده تحس

ده انا لو جبس كنت زعقت

ماشي صداقة وماشي زمالة

بس ماجَتْش على الرجالة

 

 

ماهي نسوان الدنيا كتير

وانا ما بقولش تخاصمي الناس

ولا تِتْحِجبي عن الرجالة

ولا تعتكفي وتسكني دير

بس يا ريت حبة تقدير

اني تعبت من التفكير

واني بغير

أتمنا أن حد ينزلها فديوا

تم تعديل May 22, 2010 بواسطه El-Saher Fantasy
تعديل عنوان الموضوع

[الجندى المجهول 37]

غيرة الراجل نار في مَرَاجِل

نار بتنوّر مابتحرقش

[دعوه للجنه 457]

جميلة

 

 

جزاكِ الله خيرا.

[Mr Hamdy Ahmad 36]

واحنا صعايدة بنستحملش

شمسنا حامية وعِرْقنا حامي وطبعنا حامي

 

 

كلام صحيح مائة بالمائة

واللي تخلّي صعيدي يحبها

يبقى يا غُلْبها

 

 

طيب ليه هتكرهوهم فينا

 

 

 

جميلة جدا أمي العزيزة

 

جعلها في ميزان حسناتك