قصيدة البتاع - أحمد فؤاد نجم

[El-Saher Fantasy 21]

بسم الله الرحمن الرحيم

البتاع

أحمد فؤاد نجم

 

 

يا للي فتحت البتاع

فتحك على مقفول

لأن أصل البتاع

واصل على موصول

فأى شئ في البتاع

الناس تشوف على طول

والناس تموت في البتاع

فيبقي مين مسؤول ؟

وإزاي حتفتح بتاع

في وسط ناس بتقول

بأن هذا البتاع

جاب الخراب مشمول

لأنه حتة بتاع

جاهل غبي مخبول

أمر بفتح البتاع

لأنه كان مسطول !

وبعد فتح البتاع

جابوا الهواالمنقول

نكش عشوش البتاع

وهد كل أصول

وفات في غيط البتاع

قام سمم المحصول

وخلا لون البتاع

أصفرحزين مهزول

وساد قانون البتاع

ولا عله ولا معلول

فالقاضي بتع البتاع

فالحق ع المقتول

والجهل زاد في البتاع

ولا مقري ولا منقول

والخوف سرح في البتاع

خلا الديابه تصول

ويبقي البتاع في البتاع

والناس صايبها ذهول

وأن حد قال دا البتاع

يقولوا له مش معقول

وناس تعيش بالبتاع

وناس تموت بالفول

وناس تنام ع البتاع

وناس تنام كشكول

آدي اللي جابه البتاع

جاب الخراب بالطول

لأنه حتة بتاع

مخلب لراس الغول

باع البتاع بالبتاع

وعشان يعيش على طول

عين حرس بالبتاع

وبرضه مات مقتول

حد عرف ايه البتاع؟

----------------

 

قصيده البتاع - قصيدة - قصيدة البتاع - أحمد فؤاد نجم - قصيدة أحمد فؤاد نجم - قصائد احمد فؤاد نجم

تم تعديل May 30, 2010 بواسطه El-Saher Fantasy

[«۞۩ أبو سليمان ۩۞» 179]

شكلنا هنروح البتاع على يدك ياعم الساهر

 

ربنا يستر

[El-Saher Fantasy 21]

ليه يا دكتور بس؟؟

 

ده حتى البتاع مش فاضي اليومين دول

عندهم بتاع

والباشا بتاع البتاع هو اللي لازم يفوز

اطمن