كبر دماغك . نفض. كبر الجي و روق الدي

[lovelife302 0]

خليك كوووووول ..كبر دماغك ..فاكس ..نفض ...كبر الجي و روق الدي.....الخ الخ الخ

 

 

مفيش يوم بيعدي علينا من غير ما نسمع كلمة من الكلام اللي فوق دة..و اللي كله بيهدف إلى إنك تكون رايق و سعيد و متفكرش في أي حاجة تضايقك..أو ياريت كمان متتكلمش جد خااااااااالص..علشان يعني لو حضرتك فكرت تتكلم جد لنا سمح الله ..ممكن ..جايز تفتكر أحوال البلد فتزعل و تتضايق و تتغم..طيب ليه حضرتك تقرف نفسك..و تفتكر أحوال بلدك و تحاول تصلح .. و تكون إيجابي ...........بصراحة ملكش حق يا راجل.

 

 

و طبعا كل الشباب اللي بيتخرج و مش بيلاقي شغل يقوللك ( يا عم هو في حد بيلاقي شغل في البلد الفقر دي(

و مش الشباب بس الناس الكبيرة كمان و محدودي الدخل و العمال و الموظفين و الفلاحين ....كل النا س مش عاجبهم حال البلد .....بس ثانيه واحدة ارجع معايا شويه لورا ..رجع شريط حياتك كدة ..ممكن تقوللي لما كنت صغير كان نفسك تكون إيه لما تكبر؟يعني بالبلدي كدة في شغلانة معينة كان نفسك تشتغلها؟كان نفسك تبقي حاجة من الأخر لما كنت صغير و كبرت لقيت نفسك حاجة تانية ؟؟؟أعتقد اه ..في ناس كتير اوي كدة ..منهم اللي كان بيحلم يبقي دكتور أو طيار أو مهندس أو ..أو ..أو ..أو

بس الحكاية كان بيبقي أخرها أنه بيدخل تجارة أو زراعة أو كليه من الكليات دي يعني

طيب ليه حضرتك مبقتش الحاجة اللي كنت طول عمرك بتحلم إنك تكونها ؟؟؟

ده حضرتك بيرجع إلى إنك إما مكانش عندك هدف ..أو كان عندك هدف بس مكنتش بتسعى علشان تحققه أ, مكنتش بتبذل مجهود يمشي مع الهدف بتاعك ..يعني تكون عاوز تتدخل طب و تعيش عيشة تجارة مثلا يعني ...

 

المهم حضرتك بتكبر و مش بتحقق هدفك فبتضايق و مش بتتقن عملك ..و لو أتقنته مش هتبقي سعيد فيه ..فده هيخليك قرفان من البلد و من حياتك كلها ..و السبب الأساسي في كل ده إنك مبذلتش مجهود يمشي مع حلمك ..ليه؟ علشان حضرتك لما كنت ضعير كنت مكبر الجي و مروق الدي ..و في الأخر الغلط بيبقي علي البلد ...أنا مش بقول إن البلد مش غلطانة لأ أكيد في نسبة كبيرة من الخطأ بتقع علي الدولة ..بس ليه متبدأش بنفسك ؟؟؟

 

 

 

علي فكرة أحنا شعب أناني أوووووووووووووووي ....كل واحد فينا عاوز يكبر دماغه علشان يريح نفسه و بينسى بلده ...طيب و راحة البلد هنعمل فيها إيه هنسبها لمين ؟؟...لو الناس الكويسة اللي في البلد كبرت دماغها كين اللي هيبني البلد مين اللي هياخد بإيدها ...

 

ياريت نفكر كويس و زي ما بنحلم لنفسنا ..نحلم لبلدنا كمان ..ربنا خلقنا علشان كدة ..علشان نكون خلفاؤه في الأرض ..علشان نبني ..علشان نشارك في إحداث نهضة ...............

تم تعديل May 31, 2010 بواسطه lovelife302

[الدرة المصونة 3]

السلام عليكــم ورحمـة الله وبركاتــه

 

 

 

بجد بجد بجد .......ربنا يحفظك أخي العزيز ربنا يسعدك من غير تكبير دماغك هههههه

 

على فكرة كل كلمة صح . ...وكل عبارة صح .. ..وصح لسانك اللي نطق بهذه الحقائق

 

 

على فكرة أنا لماجيت مصر من 2006 وسمعت كتير جدا بيقول الكلمة ديه ماكنتش فهماهم يعني ايه ؟؟؟

 

بس أكتشفت انو معناها طنش ؟؟؟؟ لا تعليق

 

 

طب صدقني من غير حلفان انو قرايبنا بيعلموا ولادهم كلمة كبر بعد كلمة ماما

 

 

ليه للدرجادي هي مهمة أوي عندهم كده .... ......ياااااه

 

الحمدلله انك لو قلت لاحول ولا قوة إلا بالله ... .....بيذهب همك ؟؟....ايه بقى فايدة الكلام المجعلص ده

 

 

 

جزاك الله كل خير أخي ووفقك وأسعدك وأكرمك ورزقك الإخلاص في القول والعمل

 

 

وآسفة على الإطالة

[lovelife302 0]

شكرا لمرورك الكريم

مع تحياتى

كبر