سيبينى يا أمى [عيد الام 2008]

[عاشق الصداقه 525]

طبعا مستغربين من عنوان الموضوع ..
هتفهموا دلوقتى .. بصراحه انا المشكله اللى بتواجهنى فى عيد الام احياناً .. انى ببقى مفلس ..انفض لأمى !!
لا طبعاً .. بس بضحك عليها بضحك على امى بكلمتين شعر اكتبهملها وطبعاً على قلبها زى العسل ..
يمكن قريتوا الشعر اللى كتبتهولها السنه اللى فاتت فى المنتدى هنا فى الموضوع ده : أمـــــــــــــــــــــــــــــــــى

.. لكن المشكله اللى واجهتنى المره دى ..
انى بجد معرفتش اكتب ايه !!!!!!!!
بدأت وكتبت بيتين كده عربيه فصحه وكلام جامد فكتبت :

 

دعينى كى اقبلكى دعينى أقطف الأزهار
دعى قلمى ليشكركى !!!!!!!!!! هنا ووقفت ؟؟؟ ليييييييييييييييييييه !!!


 

أولاً لأن لو والدى قرا الكلام ده لقدر الله .. هيطردنى بره البيت
ثانياً فعلاً حسيت انى ههيص .... قلت يا واد مبدهاش .. النبى عربى .. رحت جبت كرت موسيقى وكتبتلها فيه الكلمات دى ...

سيبينى يا ماما اكتبلك بقلمى وعقلى ولسانى
حاولت اكتب واعبرلك رميت كشكولى وقلامى
كلام ايه ده اللى ينفعلك !! لا شعرى ولّا الحانى
سيبينى اترمى فى حضنك ده حضنك هو عنوانى



سيبينى واسألى قلبك   وحسى باللى جوايا
وحسى بفرحى وهنايا   سعادتى وانتى ويايا
اكيد قلبى اللى هيقوللك   ماهى كلماتى مش جايه
سيبينى حبيبتى مش هكتب   بدايه لشعرى ونهايه

 

طبعاً اى هبل فى الجبل .. واى كلام فى قفا علام
لكن اللى طلع ساعتها .. لأنى بجد مكنتش عارف اكتب خالص .. اكيد لو فى حال افضل من كده كنت كتبت احسن
لكن انا دايماً بحب اشارككم كل لحظاتى وكتاباتى بالذات .. علشان كده كتبت الموضوع ده

سلام بقى

اه صحيح .. حقوق الكتابه محفوظه لــ عاشق الصداقه

[elmansy designe 1]

كرينكل والله كلام زى العسل كفايه انك حاسه وبتقوله من جوه قلبك وهو ده المطلوب

 

 

بجد يا كرنكول تحفة يابنى وربنا يخليك ليها ..........:: امك يعنى

 

وكل سنة وامهات المسلمين كلهم طيبين

[EL3aref 5]

يا سلام يا كرينكل .. انا كنت فاكر المشكله دى بتقابلنى انا بس ..

 

انا جبتلها وردة .. علشان المنظر العام .. وهى كالعادة فرحت جداً

 

شكراً على القصيدة ..

[بنت مصرية 66]

موضوع رهييييييييب اوي ياعاشق الصداقة

صحيح مافيش احسن من الكلام اللي بيطلع من القلب

الكلام عجبني اوي

يلا ياباشا مش بس مشرف المنتديات لا ومشروع شاعر كمان

هههههههههههههههههههه

[عاشق الصداقه 525]

كرينكل والله كلام زى العسل كفايه انك حاسه وبتقوله من جوه قلبك وهو ده المطلوب

بجد يا كرنكول تحفة يابنى وربنا يخليك ليها ..........:: امك يعنى

وكل سنة وامهات المسلمين كلهم طيبين

 

ربنا يخليك يا حبيب قلبى يا رب

ربنا يعلم فرحت قد ايه لما لقيتك رادد عليا .. واول واحد كمان

يا رب اشوف ردودك دايماً منوره المنتدى يا غالى .. وكل سنه ومامتك كمان طيبه

 

بس على فكره انا شايف ان اللى كتبته السنه اللى فاتت فى عيد الأم اجمل .. اللى فى الموضوع اللى حاططله رابط ده بعنوان (امى)

 

يا سلام يا كرينكل .. انا كنت فاكر المشكله دى بتقابلنى انا بس ..

 

انا جبتلها وردة .. علشان المنظر العام .. وهى كالعادة فرحت جداً

 

شكراً على القصيدة ..

 

شكراً حبيب قلبى يا عارف ..

المشكله فى حوار جبتلها ايه دى ..

ده انت جبت ورده .. اتفضل اقرا الموضوع ده شوف انا جبتلها ايه : جبتوا ايه لماما فى عيد الأم

 

موضوع رهييييييييب اوي ياعاشق الصداقة

صحيح مافيش احسن من الكلام اللي بيطلع من القلب

الكلام عجبني اوي

يلا ياباشا مش بس مشرف المنتديات لا ومشروع شاعر كمان

هههههههههههههههههههه

 

ربنا يخليكى يا رب يا بنت مصريه

بس خدى هنا .. ايه اللى مشروع شاعر ده .. وايه اللى مشرف منتديات بس !!!

مممممممممم .. علشان انتى دخلتى المنتدى متأخر بس متعرفيش انى متعدد المواهب

ادخلى قسم الشعر شوفى كتاباتى .. كلها بتبتدى بـ (مما كتبت) .. وانتى تعرفى مواهبى

 

شكراً لمرورك .. ومرور الجميييييييييييييييييييييع

[حنان القلب 1]

كرينكل اساسا مش مشروع وبس دا و في حد ذاته اكبر مشروع استثماري مصري ههههههههههههههههههههه

دا ولا مشروع توشكى

بس فعلا يا كرينكل الام مش مهم تقرا الكلام المهم تحس بيه وعموما لينا كلنا اكبر هديه لامنا اننا ننجح ومنزعلهاش ابدا علينا او مننا

[عاشق الصداقه 525]

كرينكل اساسا مش مشروع وبس دا و في حد ذاته اكبر مشروع استثماري مصري ههههههههههههههههههههه

دا ولا مشروع توشكى

بس فعلا يا كرينكل الام مش مهم تقرا الكلام المهم تحس بيه وعموما لينا كلنا اكبر هديه لامنا اننا ننجح ومنزعلهاش ابدا علينا او مننا

بعد شهوووووووور إكتشفت انى مشفتش الرد ده

 

واسف جداً للتأخر الشديد فى الرد ، انا اخدت بالى وانا بقرأ الشعر لأنه وحشنى

 

شكراً لمرورك اختنا الغاليه حنان .. وبارك الله فيكى انك شبهتينى بتوشكى .. بس انا مش عاوز ابقى مشروع لـ ...