عشنا وشفنا (1) الزمن الجميل

[حيسو 0]

عشنا وشفنا (1)

الزمن الجميل

فى يوم من الأيام استيقظت فى ساعة مبكرة على غير عادتى ، فدائما اصحاب النفوس الرفيعة و الشخصيات الباهرة امثالى يقومون من النوم متأخر ههههههههههه .

 

 

المهم إنى طلبت من والدتى أن تحضر لى الطعام حتى أفطر واذهب الى العمل ، وكانت مفاجأة بالنسبة إلى والدتى فمن فترة طويلة لم أطلب منها ذلك الطلب وفعلا خلال بضع دقائق قامت والدتى باحضار الطعام ولكن طلبت منى أن أُحضر طاولة الطعام التى أضع عليها الطعام وفعلا ذهبت واحضرتها ووضع على الطاولة بعض ورق الجرائد القديم حتى اسمع كلام أمى وعلشان ما أضربش وأخد العلقة بتاعة كل يوم بس كانت حتكون بدرى اوى ههههههه.

 

 

المهم جلست لتناول الطعام وفجأة رايت خبر عجيب فى هذه الجريدة كان الخبر عبارة عن اعلان فى الجريدة عن كتاب بعنوان ( خطة اغتيال عبد الناصر – قرن من الجاسوسية البريطانية ) فتعجبت ونظرت إلى تاريخ الجريدة فإذا هو بالقريب وليس بالبعيد فكان فى جريدة الشروق بتاريخ 27 / 11 /2009 واخذت أقرا التفاصيل التى وضعها الصحفى الذى نشر هذا الاعلان فكتب فيه (هذا هو الموضوع الذى تصدر العدد الجديد من مجلة وجهات نظر الشعرية .

 

الموضوع تناوله الكاتب فى جريدة الاندبندنت البريطانية ( سايمون أوزوبورن ) متتبعا المحاولات الاستخبارية البريطانية العديدة لاغتيال عبد الناصر وهو الامر الذى بدا الاعداد له منذ قام ناصر بتأميم قناة السويس ، يقول اوزبورن : فى الخمسينات عندما قام الرئيس المصرى بتأميم قناة السويس قال احد قدامى جواسيس m16 ،m15 ، فى ذلك الوقت ( ديك وايت ) انظر ايها الولد الكبير ، سيتوجب علينا فعلا القيام بشئ تجاه عبد الناصر هذا ، ربما سنضطر الى التخلص منه )

 

 

 

وهكذا توالت المحاولات والاقتراحات مرة بضخ غاز الاعصاب فى جهاز التكيف الخاص بناصر ومرة بعلبة سجائر ذات سهم مسموم ومرة اخرى بالشيكولاته التى يحبها الرئيس ، وغيرها من المحاولات التى اكتشفها اوزبورن ، مقاله ترجمة للعربية عادل فتحى )

 

وكان عجبى واستغرابى لم يكن عن فعلا هل هذه القصص التى يضمنها الكتاب حقيقية ام لا ولكن الذى دار فى بالى وبعدين ؟ اخرت كل ده ايه ؟ هل سوف يرجع الرئيس عبد الناصر ؟ اكيد لا . طيب هل سوف يتم القبض على القاتل ؟ برده لا .

 

طيب لحد امتى حنفضل نتكلم على اللى فات ......

 

 

وتذكرت الحوار الذى تم بين الصحفى المذيع خيرى رمضان فى برنامج البيت بيتك مع الشاب احمد العسيلى وتكلم احمد العسيلى عن هذه النقطة فدار الحوار بالطريقة التالية :

 

 

العسيلى : ده احنا فى القرن ال 21 ده كلام بعيد قوى خلاص العالم اصبح صغير فعلا

 

( ويشير بيديه على شكل دائرة )

المذيع : ده الكلام ده معناه إننا كده بره العالم ؟

 

العسيلى : يضحك ويقول : لسه لينا طريقتنا كده اللى هى سواء تاريخيا اننا نحب نمشى على مهلنا ودايما الحاجات تحصل واحنا لسه بحلل فيها يمكن علشان احنا مغرمين بالتحليل وكثير من شغل المحللين والرواد مشغول جدا ان يعرف الحقيقة غير ان فطرة الانسان عايزة تعرف الحقيقة وتفكر تبحث ومثلا : الثورة عمرها كام سنه كل عيد ثورة فى الجورنال سر من اسرار ثورة يوليو ، هو فيه ايه ؟ هى الاسرار دى مبتخلص ! وفى حرب أكتوبر ، وسر اغتيال فلان وفلان هو فيه ايه ؟

 

هو احنا مش حنمشى بقى ولا ايه! هو قدام ده بتاع مين .

 

المذيع : وهو ده كانت نقطة تعليقك على كلمة زمن الفن الجميل ؟

 

العسيلى : حبيت اكدها علشان مش فاهم ايه حكاية الزمن الجميل هو مكنش فيه موهوبين غير زمان ولا ايه ، لو كنتوا شايفونه زمن جميل ، اصنعوه ...............

 

 

 

 

فعلا لو كنا شايفين إن زمان كله جميل ، يبقى ممكن نصنعه ، وصدق احد اصدقائى الاعزاء عندما قال لى : طالما اى حد وصل الى اى شى يبقى ممكن ننفذه تانى .

 

 

المهم إنى بعد كل ذلك مفكرتش غير فى كل ده وسيبت الاكل لحد ما برد الفول وبرد الشاى وصراحة اتحرجت اكلم أمى واقولها ياماما : الاكل برد سخنيه تانى هههههه.

 

 

وخلال عدة دقايق من هذه اللحظة دخل علي والدى وفى يده جريدة المصرى اليوم لهذا اليوم فخطفتها كالعادة من يده وفتحتها وياريتنى ما فتحتها ليه بقى ؟

 

علشان فتحت صفحة عنوانها الرئيسى :

 

...... دكتور هيكل يكشف اسرار وفاة الرئيس الراحل جمال عبد الناصر .........

 

 

وطبعا رميت الجورنال وطلعت اجرى وقلت كفاية ... كفاية ... كفاية

 

بس طبعا مصرختش جامد علشان الحيطان لها ودان حد يفتكرنى من اعضاء منظمة كفاية ولا حاجة ابقى وراء الشمس على طول ... هههههه ........

 

 

والصراحة كنت اتمنى من هؤلاء عظماء بلدنا تعليمنا كيفية اصول الحياة والتخطيط لليحاة والنجاح احسن من ذلك الماضى المرير كثيرا السعيد قليلا .

 

 

وطبعا اكتفيت بقولى ( عشنا وشفنا )