عشنا وشفنا (2) أكل العيش

[حيسو 0]

عشنا وشفنا (2)

أكل العيش

 

 

صباح الخبر .... كالعادة صحيت من النوم زى أي حد ..... بصيت في الساعة لقيتها11 ياااا

 

أنا اتخرت ... لقيت ماما بتنادي عليه يالا يا حسام أنت مش عندك شغل قولتها ايوة قايم أهوة

 

طلعت بره وظبط حالي رحت نازل بس قبل ما انزل ماما قالتلى جملة جميلة يالا علشان تنزل على أكل عيشك حسيت ساعتها أنى عندي 70 سنة هههه اقعد اضحك ونزلت ، قبل ما أروح الشغل قولت أعدى على واحد صاحبي فاتح محل كده على قده ببص لقيته مجاش ولسه بتحرك لقيته بينادى حسااام استني أنا جيت ، سلمت عليه ولسه بيفتح المحل واحد جاره بيقولوا يالا يا محمد افتح محل أكل عيشك ، قولت لا بقى هو في إيه قعد اضحك برده وسألت نفسي سؤال أشمعني أكل العيش

 

ليه ميكنش مثلا يجرى على أكل الجاتوه ، أكل البسبوسة ، آكل الهريسة ـ اشمعنى العيش ده حتى ارخص حاجة في مصر ومش بيتأكل كمان ... بص شكلوا عامل ازاى .. قمر والله .

 

المهم لما أنا أجرى وراء أكل عيشي وأخلى ده هدفي حبص ليه على الحاجات الغالية الكتيرة زى العربية أو الفيلا اللي في مارينا أو الفسحة اللي كل أسبوع في دبي دي عارفنها أكيد اول مرة تسمعه على الحاجات دي .... طبعا واحد كل أمنيته رغيف العيش الحلو اللي في الصورة ده ... حيحط ليه في باله حاجة تانية .... وافتكرت حاجة صح ..لما تجيب سيرة هذا الرغيف العظيم عند اى حد مش عارف ليه يقعد يتكلم عن نفسه ويجيب سيرة العيال والدروس الخصوصية ... مش عارف ليه حد يعرف .... أنا حجاوب بس مش دلوقتى ....

 

المهم أنا بعد ما قعد عند صاحبي وسمعت الجملة اللي بسمعها من اول اليوم قولت لا لازم اعرف سببها واقعد اقرأ بقى واسأل ولقيت حاجة تانية غريبة الكلمة موقفتش على أكل العيش وبجري وراء

 

وبعدين هو في حد بيجرى وراء أكل العيش .... الصح إن أحنا بنجيب العيش ونقعد نأكله مش نجرى وراء هههه .... المهم وأنا بدور على اصل الكلمة لقيت واحد ببقول لواحد دي الدنيا صعبة واكل العيش مر .... قلت في باله مر حطله سكر هههه ... قولت يا دي النهار اللي مش حيعدى هو أنا ناقص كلمه أكل العيش لما تجيلي أكل العيش مر ... قولت لا بقى ورحت سالته ليه أكل العيش مر

 

يا حاج ... قالي باينى أنت لسه صغير متعرفش حاجة ... قولته لا اعرف اعرف أ و ب و1و2و

 

A ,b وأنا في معهد خدمة كمان .... الراجل قال يا صلاة النبي .. قولت عليه الصلاة والسلام .. قالى مش قصدي كده أنا قصدي الشغل والتعب أكل العيش مر يعنى صعب مش سهل قولته إيه علاقة أكل العيش بالشغل قالى ما أحنا بنشتغل علشان نجيب عيش نأكله وقلت الحمد لله طلعت الكلمة بتلف وتدور حولين الكلمة الأصلية بتاعة بيجرى وراء أكل عيشه

 

قعد أدور تانى وأشوف لقيت إن الناس بتجرى وراء أكل عشها على أساس إنها ارخص حاجة وفى تناول الجميع والموظف الحكومي الغلبان هو السبب عايزين تعرفه ليه ؟

 

قصه حياة موظف

لسه متعين

مقتنع بشغله أوى

اول أسبوع

متردد

تانى أسبوع

متخوف

رابع أسبوع

متشكك

سادس أسبوع

مندهش

بعد شهرين

عصبي

3 شهور

بائس

6 شهور

خايب الرجا

9 شهور

متروع

بعد سنة

مثبط العزم

سنتين

مزعج

4 سنين

غبي

6 سنين

أحمق

8 سنين

تاية

10 سنين

مجنون

 

علشان كده بقى هو بيجرى وراء أكل عيشه وترى كتير من الموظفين مقتنعين جدا بالحياة البائسة دي

 

والسبب في كده انه مش حاطط هدف يوصلة خلال العشر سنين دول بدل ما باكل اول سنة عيش وتانى سنة ماشى بس مش كل السنين ممكن بعد كده يدور على حاجة أعلى ومستوى تانى بس في مصر وموظفينها أبقى قابلني .... وتلاقى كل واحد بيرمى على التانى .... اصل المدير واصل الموظف واصل الحكومة ... وأنت مالك بكل ده أنت فين من كل دول عملت إيه لنفسك غير انك بتروح تأكل عيش؟

 

 

أنا مش عارف وفى الأخر بقيت مجنون وأضفت إلى القائمة الكبيرة بتاعة المجانين مش لأنك بقى موظف ولا لأنك مش معاك فلوس بس السبب انك مش محدد هدف توصلو واكتفيت بأكل العيش ...

 

 

سلااااااااام بقى دلوقتى .... أنا اتخرت على الشغل والمدير واقف على باب المحل

 

وبيتصل بيا وبيقولى والله حرفضك من الشغل ورينه بقى حتأكل عيش منين ..... ههههههههه

 

بس أنا اكتفيت بقولى ( عشنا وشفنا )

 

 

على فكرة استونى في الحلقة الجاية لسه حكمل حكاية الموظفين دي

 

بااااااااااااااااى