تحيا مصر صلاح عبدلله

[الجندى المجهول 37]

تحيا مصر

صلاح عبدلله

 

تحيا مصر وتحيا تحيا فى كل ناحيه و كلو قال

تحيا مصر فى المصانع فى المزارع فى الجبال

بس احنا نسيبها تحيا وهى تحيا وتبقى عااال

.....

تحيا مصر نقولها احنا لجل بكره يكون جميل

لجل مصر بكره خيرها يبان على وش الفقير

مش مجامله للمحافظ مش تحيه للوزير تحيا مصر

.....

تحيا مصر بجد خالص لأن حياتها حياتنا

لو يسود العدل خالص راح يعم السعد زادنا

مش باسقف للى جاى مش بولول عللى فات

تحيا مصر فى كل لحظه كل خطوه فى كل دار

تحيا مصر الخير يعم والعداله والعمار

مش بنفق الحكومه لا بحافظ على النظام

 

تحيا مصر وتحيا تحيا فى كل ناحيه و كلو قال

تحيا مصر فى المصانع فى المزارع فى الجبال

بس احنا نسيبها تحيا وهى تحيا وتبقى عااال