حلم ليلة صيف شديدة الحرارة

[حفيدأمل دنقل 0]

حلم ليلة صيف شديدة الحرارة/حفيد أمل دنقل

ولسه يدوب هقرا المكتوب وأغزل اول خيط ف التوب

لجل عنيكى يا ست الكل يا ساكنة قلوب

فتحت كتاب الحلم لقيتو مقلوب

ولسه بحاول اتهجى حروفك ملقتكيش فحزنت بجد بجد حزنت

اتارى الشمس مكتبتكيش يا اجمل بنت

كنت راح ابكى تحت لحافى

ولسه حينزل دمعى الدافى

جانى هاتف صحانى وهدانى طبطب على كتافى وهمس ف ودانى

قالى متبكيش ف سكت

صبرت سمعت أذان

رحت أتوضى وأصلى الفجر

عشمان أشوفك ليلة قدر

لقيتنى رجعت من الجامع

لا انا شايف قدامى ولا أنا سامع

وصلت لدارى ولا أنا دارى

لقحت جتتى على دكتى

ومن بعد م غطتنى جدتى

نمت حلمت بسيدنا الخضر

جانى وقالى عشان أشوفك يا حبيبتى يا وش البدر لازم لاول اوفى الندر

وأغزلك توب أخضر ف أخضر بالليل ف الغيط

أنا هعمل أيه ؟

رحت الغيط

ولسه راح ألضم طرف الخيط

هلت شمسى سرقت حلمى صحت رمشى

مسكت ريشة كتبت أسمك (مصر) ونسيت أسمى

جفت أخر نقطة دم ف جسمى

وأخر نقطة حبر ف قلمى

تم تعديل June 22, 2010 بواسطه حفيدأمل دنقل

[الدرة المصونة 3]

جميييييل .....لأة .........بل روعة روعة روعة

 

ماشاء الله لاقوة إلا بالله

 

 

جزاك الله خيرا

[دندونة 0]

ماشاء الله جزاك الله كل خير فعلا جميل اووووى