الضريبه .....على سلامه

[الجندى المجهول 37]

الضَرَيبة

 

على سلامه

 

 

 

 

مش غريبة ..

ندفع الأوجاع ضريبة ..

قَسَّمى الأحزان شرايح ..

عبَّى دمعى ف الصفايح ..

واسألى عمرى اللى رايح ..

المصيبة

لسة شايلك فى العيون أجمل حبيبة ..

قولى كذبة ..

حُبى ليكى يبقى حسبة ..

والأمانى والهوا ..

والشوق بنسبة ..

وإنتى عزبة ..

للى مالُه فيكى حِسبة ..

المُصيبة ..

لِسة شايلك فى العيون ..

أجمل حبيبة ..

مين اللى قرر ..

يقتل الحلم .. فى عيون كُل الطيور ..

ليه تسلَّمينى ..

من طابور .. تانى لطابور ..

قَيَدّى البخور ..

بركات جراحنا المزمنة ..

كل الأمانى الممكنة ..

تبقى يادوبك دمعتين ..

فوق صورة باهتة ملونة ..

سايبة الجراح ليه تهدنى ..

إيه فيكى تانى يشدنى ..

ده أنا اللى حُبى عززك ..

وإنتى اللى عشقك ذلَّنى ..

لسه ياهبلة بتسألى ..

بتحبنى ..

نفسى اشترى ..

شبرين فى حضنك وارتوى ..

فكرك مسافر أغتنى ..

خدى اللى حيلتى ..

الهدمتين والقرشينات ..

بس استُرى عرض البنات ..

لو حسينا على دمنا ..فى قلوبنا مات ..

لو بكرة فات ..

وإحنا بياكلنا السُكات ..

كُل الأمانى الممكنة ..

تبقى يادوبك دمعتين ..

فوق صورة باهتة ملونة ..

[ali desoky 391]

نفسى اشترى ..

شبرين فى حضنك وارتوى ..

فكرك مسافر أغتنى ..

خدى اللى حيلتى ..

الهدمتين والقرشينات ..

بس استُرى عرض البنات ..

لو حسينا على دمنا ..فى قلوبنا مات ..

لو بكرة فات ..

وإحنا بياكلنا السُكات ..

كُل الأمانى الممكنة ..

تبقى يادوبك دمعتين ..

فوق صورة باهتة ملونة ..

 

 

ماشاء الله

ايه النشاط ده كله يا حبيبي

ربنا يزيدك ويكرمك ان شاء الله