بين السطور .... اسامه عبد الصبور

[الجندى المجهول]

بين السطور

 

 

اسامه عبد الصبور

 

 

 

بين السطور

بين السطور مش أي عين ممكن تشوف

بين السطور محتاج عيون الفيلسوف

عشان يبان بين الحروف

إللي إستخبى ورا الحروف

الخوف أمان والأمن خوف

والنور ضلام والضلمة نور

كل الأمور غير الأمور بين السطور

بين السطور ممكن يبان أصل الحقايق

بين السطور تلقى الجنان للعقل لايق

وحاجات كتير بين السطور ممكن تدايق

لكن حاجات أكتر بتملاني بسرور بين السطور

بين السطور فهمت قصدك

رغم إنك مش صريح

لكن إذا نزف الجريح

بين السطور بيكون فصيح

واقف كما الطير الدبيح لكن فخور

وبدم طاهر لو يسيح بريحه أجمل م العطور

يملى الصدور ويشع نور بين السطور

بين السطور أسرار كتير متكتمة

بين السطور أفواه كتير متكممة

وألف مليون مظلمة تهمس بصوت الهمهمة

وعيون بتنظر للسما رغم الحقيقة المعتمة

وقلوب حزينة إنما مليانة بالنور والحنان

وبالأمل والمُر دايماً محتمل ويّا الإيمان

وإن كنت في وقت الأدان بره القبور

أصبر تلاقي الفجر بان بين السطور

كل إللي شوفته ف الحياة له وجه أخر مختفي

تايه كما طوق النجاه نادر كما الخِل الوفي

لكن إذا قلبك لقاه وأخدته بالحضن العفي

قول لجناحاتك رفرفي زي الطيور

وإطلع من السجن الحزين

تغرف من الكنز الدفين بين السطور

[دندونة]

جزاك الله كل خير رائع فعلا

[حياتى من اجل ربى]

ن السطور مش أي عين ممكن تشوف

بين السطور محتاج عيون الفيلسوف

 

 

اللى هو انا يعنى

خريجه فلسفه بقى

 

 

 

كل الأمور غير الأمور بين السطور

 

 

 

 

 

أصبر تلاقي الفجر بان بين السطور

كل إللي شوفته ف الحياة له وجه أخر مختفي

تايه كما طوق النجاه نادر كما الخِل الوفي

لكن إذا قلبك لقاه وأخدته بالحضن العفي

 

 

بالفعل لكلمات فى منتهى الروووووووعه

 

تسلم ايدك شاعر المنتدى

 

ربنا يجعل كل ما تكتبه وتنقله لنا فى ميزان حسناتك

 

ويهديك الى كل خير

 

ويحقق لك كل ما تتمنى

 

 

ياااااااااااااااااااااااااااااااااااااااارب

[الجندى المجهول]

جزاك الله خيرا اختى الكريمه دندونه

 

ربنا يسعدك والجنه يوعدك

ردك عطر الموضوع بعطر التميز

 

 

 

 

 

 

 

تاجره السعاده

ولا فيلسوفه المنتدى انت ايه رايك

امين يارب

جزاكى الله خيرا

يارب يسعدك بجوار الحبيب

ويرزقك الخير فى كل حين

ويجعل حياتك بين السعاده والنعيم