وأنت رايح تخطب .. خد بالك أحسن لك !

[ali desoky 391]

وأنت رايح تخطب .. خد بالك أحسن لك !

 

 

عندنا شباب كتير نفسه يتجوز بس مشكلته فى الامكانيات والفلوس، وفى شباب تانى ماشية معاه .. عنده شقة وكمان شغلانة كويسة وفلوس، بس لما بيروح يخطب بيترفض، يا ترى ليه؟!

 

 

 

 

 

 

أول مشكلة قابلناها كانت مشكلة محمد أحمد إبراهيم 26- سنة موظف في أحد البنوك-

لما راح يتقدم لزميلته في الكلية، وكان فيه قصة تجمعهم، وربنا وفقه واشتغل في بنك واشترى شقة 150 متراً في المريوطية، أول ماراح يخطبهت والدها قال له أسف يا أبني غيّر مكان الشقة وتعالى لأن المريوطية دي منطقة شعبية.

 

أما عمرو محمود حسين- 28 سنة محامى-

فكل مشكلته إنه أترفض من أهل البنت اللي كان عايزها لإن شقته في مدينة 6 أكتوبر، فلما راح يخطبها و أهلها عرفوا مكان الشقة رفضوا وقالوا له 6 أكتوبر بعيده جدا ومالهاش مواصلات كتير.

 

 

لكن اللي مجنن ياسر عماد إمام- 27 سنة مهندس -

انه لما راح يخطب ،والدها قال له أنت كويس يا ابنى، بس ناقصك حاجه، أنت مش عندك عربية، وبنتي مش متعودة على ركوب المواصلات والعريس المتقدم لأختها عنده عربية ومش حابب يكون فيه فرق في مستوى معيشتهم بعد جوازهم.. أنا هوافق بس توعدني إنك تحاول تشترى عربية حتى لو صغيرة! .

 

 

أما رامي محمد أحمد- 27 سنة موظف-

فسبب رفض والد البنت اللي كان متقدم لها أنه موظف في بنك، ووالدها مش عايز يجوز بنته غير لوكيل نيابة أو ضابط أو دكتور ..

رامى بيقول: أنا اتقدمت أكثر من مرة وكل مرة أترفض طيب أعمل ايه ألبس بدلة ضابط وأروح أتقدم تاني.

 

 

لازم تكون الشقة جنبنا مش عايزه بنتى تسكن بعيد عنى،

ده السبب اللي قالته أم البنت اللي كان متقدم لها محمد خليل سمير- 25 سنة مهندس كمبيوتر-، واللي بيقول: البنت اللي كنت متقدم لخطبتها ساكنة في مدينة نصر، والشقة اللى هتجوز فيها عند دائري المعادى.

 

أما مشكلة أحمد خيري عبد الرحمن- 29 سنة محاسب-

انه حس أن أهل البنت اللي كان متقدم لها استغلاليين، فلما قعد معاهم علشان يتفقوا على التفاصيل والتزامات كل طرف من حيث الجهاز وخلافه أول حاجة قالوا له أحنا مش هنعمل خطوبة لكن هنعمل فرح كبير وتكون كل تكلفته عليك.

 

 

 

منقول

تم تعديل July 2, 2010 بواسطه ali desoky

[Mohammed Dwy 2010 35]

والله يا اخ علي

احنا الشباب احترنا :ang:

في موضوع الخطوبه والجواز

نجيلها كده تجيلنا كده

بس المهم في الاخر

كل واحد بياخد نصيبة...

وربنا يسترها معانا ومع شباب وبنات المسلمين...:ang:

[galaxy ahmed 0]

 

انت عندك حق بس مش كل الناس بتفكر كدة

فيه ناس بتفكر تستر بناتها مع راجل يصونها ويحافظ عليها ويكون راجل يراعي فيها ربنا حتي لو مستوي المعيشة متوسط بس المهم يعرف ربنا

والحمد لله ربنا أنعم عليا بأهل كويسين بيفكروا صح مش بيقطموا وسط الواد اللي كان ناوي يتجوز بنتها ويسترها

لو اهلي من اللي انت كاتبهم كنت ضمنت العنوسة انا

 

[رحمتك رجائي 1]

 

انت عندك حق بس مش كل الناس بتفكر كدة

فيه ناس بتفكر تستر بناتها مع راجل يصونها ويحافظ عليها ويكون راجل يراعي فيها ربنا حتي لو مستوي المعيشة متوسط بس المهم يعرف ربنا

والحمد لله ربنا أنعم عليا بأهل كويسين بيفكروا صح مش بيقطموا وسط الواد اللي كان ناوي يتجوز بنتها ويسترها

لو اهلي من اللي انت كاتبهم كنت ضمنت العنوسة انا

 

 

لا حول ولاقول الا بالله

للاسف الناس بعدت عن الدين واصبح ما يهمها الا الشكليات والمادة

يسرو ولا تعسرو

صاحب الدين والخلق ومستور الحمد لله يراعي بنتهم افضل من فاحش الثراء ومنحرف ونسوانجي ولا يهتم بشؤونها وباولاده

حرام علي الاهل

ربنا يهديهم

[رجل من الصحراء 36]

ربنا يهدي الاهل على الشباب

احنا في زمن المفروض الزواج يبقى ببلاش عشان الشباب تعف نفسها من الفساد اللي انتشر فيكل حتة

وربنا يسلم ان شاء لله

جزيت خيرا ياعلوة

وواحشني جدا

[الدرة المصونة 3]

بصراحة بقت حاجة لا تطاق وكإن الواد المسكين هيتزوج أسرتها كلها ..مش هية بس (حاجة تغم )

ربنا يعين الشباب ..... الشباب غلابة أوي ربنا يصبرهم

 

فأحسن لها تقعد في بيت أبوها أحسن لها إذا هي ناوية تقيم عند أهلها .... يا ساتر يارب

 

بس والله في أهالي متبعين خطا الحبيب صلى الله عليه وسلم ... زي الحمدلله أهلينا ربنا يكرمهم

 

 

وفين ناس مابيراعوش أي حاجة ؟.......... (كإنهم إتولدوا أغنياء )وبنسوا إنهم بدأو من تحت الصفر ,, فيها إيه لو ادينا فرصة للمساكين انهم يبدؤا زيكم من الصفر ياااااااااااحسرتاه

 

 

فرسالة إلى الآباء الظالمين

 

 

ساعدوا الشباب

 

استروا الفتيات

 

لا لغلاء المهور

 

ربنا يرزق الشباب زوجات صالحات يعينوهم على أمور الدين ..

 

ربنا يكرمك أخي الكريم علي ويرزقك زوجة صالحة انت وجميع شباب يللا ياشباب ....ويجزيك الجنة يارب

[حياتى من اجل ربى 22]

بصراحة بقت حاجة لا تطاق وكإن الواد المسكين هيتزوج أسرتها كلها ..مش هية بس (حاجة تغم )

 

 

 

ههههههههههههههههههههههههههههههههههه اه والله عندك حق يا دره

 

وكالعااااااااده اخى على موضوعات فى منتهى التميز

 

وبتناقش حاجات واقعيه فعلا

 

ربنا يكرمك وييسرلك الخير كله يارب

 

ويوفقك كل شباب المسلمين للخير ويرزقهم التقوى والعفاف

 

مشكله اصبحت تستحق النقاش

 

 

جزاك الله خيراااااااا

[mercy 2]

fالموضوع جيد بس كنا نحب نعرف رأيك فى المشكله دى

 

عموما المشكله مش بس فى الامكانيات المشكله فعلا

بقت اذاى الواحد يقدر يختار الاصلح ليه وسط هذا الكم من الشباب

دلوقتى اغلبيه الاهل بيساعدوا ابناءهم فى الجواز سواء اهل العريس او اهل العروسه الكل عاوز" يستر"

بس الاصلح من حيث (تدين -اخلاق-تعليم-امكانيات ) بجانب مواصفات الشخص نفسه فى شريك حياته

وهل هى متوفره كلها فى هذا الشخص ام يتنازل عن الجزء ام لاتوجد اى مواصفات فيه ويضطر الى خوض التجربه

للتخلص من لقب العنوسه سواء للبنت او الولد .

كل هذا يجعل فكرة الجواز واتخاذ قرار فيها هو " اصعب قرار ممكن الواحد يتخده فى حياته " .

جزاك الله خيرا

[نونا19 28]

المشكله اللي انت طرحتها دي مهمة جدا

الناس دي تحمد ربنا انها عندها امكانيات للجواز بس لسة نصبهم مجاش

 

لكن تعمل اية الشباب اللي مش عندها امكانيات تروح تنتحر ولا تعمل اية

ربنا يستر علشان متكونش فية عنوسة كتير في البلدبسبب عدم توفر الامكانيات

[الحياه 20]

موضوع متميز جدااااااااااا كما تعودنا منك أخي في الله علي الأهم أن المشكله أصبحت أيضا في البنات أكثر من اللأأهل لأن البنات دلوقتي من كثرة الأفلالم أصبحت لا تريد الزواج الا من الفتي الرومانسي الغني وهذا دليل علي بعدنا عن الله وعن التقافه الأسلامية وعن العفه والعفاف رزقك الله الحياء والعفه أنت وبنات وبنين المسلمين