اكتشف نمطك المنتداوي

[semsem111 0]

اكتشف نمطك المنتداوي

 

 

 

كما أن لكل جانب من جوانب الإنسان لها أنماط متعددة بمعنى أن الناس عادة يقسموا أنواع مختلفة من حيث العمل أو من حيث التعامل مع الآخرين أو من حيث نظامهم التمثيلي أو من حيث ثقتهم بأنفسهم أو من حيث حكمهم على الأمور

 

كذلك هم أنواع عندما يتعاملوا مع المنتديات

 

 

· أقرا معنا واكتشف نمطك على المنتديات

 

 

· وهى أشبه ما تكون سلوكيات وتصرفات نعتادها اكثر منها نمط في الشخصية

 

· كل منا ربما تكون فيه سلوكيات اكثر من نمط لكن بنسبة

 

· مطلوب منك ان تكتشف سلوكياتك الخاطئة وتعدلها

 

· هذا ليس حصر إنما أمثلة ومن الممكن أن تكتشف مزيدا من الاتجاهات أو الأنماط للتعامل مع المنتديات

 

 

النمط الاول

 

المهيصاتى (المجامل)

 

هدفه :

انه ميزعلش حد ويطيب خاطر كل اللي بيكتب

 

طريقته فى المشاركات الجديدة

لا يشارك كثيرا بمواضيع جديدة ولو وضع موضوع جديد فهو من قبيل

الله ينور عليكم

ايه الحلاوة دى

 

 

ردوده على المواضيع

 

كلها من باب المجاملة والشكر والتشجيع المتكلف مثل

شكرا يا باشا ايه الحلاوة دى الله ينور

 

وده بسبب ومن غير سبب

 

فكره

في الغالب لا ينتهج نهج معين في التفكير أثناء وجوده على المنتديات

وهو في الغالب بيدخل علشان يكون له وجود والسلام

 

تقييمه

بعد فتره يكتشف الآخرون طريقته في الردود ولا يمثل اهتمام لديهم

بل يفقدون الثقة في آراءه وردوده التي هي غالبا من نوع الهيصة

 

نصيحة له

 

1 – أقرا أولا المشاركة بتأني قبل الرد عليها

2 – إذا لم يكن لديك تعليق عليه فلا داعي للتعليق المتكلف

3 – حاول المشاركة بمواضيع جديدة حتى لو كانت بسيطة أو من خبرتك الشخصية

3 – إذا قرأت موضوعا لا يعجبك فما المانع أن تدلو بدلوك (اعرف أن العضو كتب الموضوع أساسا لانه يحب يعرف رأى الناس في اللى كتبه ايه )

 

 

النمط الثاني

 

المعترض(المشاكس)

وهو عكس الأول

 

هدفه

 

انه يظهر انه مصحصح وواخد باله من اللى بيتكتب

وانه حر فى رأيه ويمارس الديمقراطية

 

 

طريقته فى المشاركات الجديدة

معترض على الفاضية والمليانه

لا يشارك كثيرا بمواضيع جديدة لانه مش فاضي من كتر المعارضة

أحيانا لو لم يجد من يعارضه يعارض نفسه

مواضيعه الجديدة القليلة يحاول أن تكون من النوعية التي يستفز فيها الأعضاء لفتح باب المعارضة والاختلاف في الرأي

 

 

 

ردوده على المواضيع

معترض على الفاضية والمليانه

يتفق أحيانا مع من المعارضين أمثاله

ردوده من نوع

أنا مش معاك

اختلف معاكم

 

فكره : فى الغالب هو ممارس غتت لحرية الرأي

ومتمحور حول ذاته(أى يفكر فى ذاته ومرتبط بها كثيرا) اكثر منه منفتح على الآخرين

 

تقييمه

يمل منه الأعضاء بسرعة

ويفقدون الثقة في اعتراضاته

واحيانا يفرحون فيه عندما يعترضه معارض مثله(يقعوا في بعض)

 

واحيانا قليلا يحتاجونه عندما يريدون الرد على مشاركات سيئه فيهيجونه ليعارض بدلا منهم أي يحسنون توظيفه

 

 

نصيحة له

 

1 – لا بد أن يكون لك رأيك الخاص بك افضل من أن تتبنى فكرة المعارضة الدائمة

2 – ممارسة الحرية ليس معناها المعارضة ولا حتى المعارضة تصلح أن تكون هدفا في ذاتها

ليس هناك أي مانع من الاتفاق مع الآخرين إذا كان كلامهم فيه وجه أو اكثر للاتفاق مع ما تعتقد

 

 

النمط الثالث

مدعى المعرفة

أبو العريف

 

هدفه

أن يبدو انه عارف وعنده فكره عن كل حاجه وانه مثقف في شتى المجالات وانه مش محتاج حد يعرفه

 

 

طريقته فى المشاركات الجديدة

كثير المشاركات وله مشاركات مثمرة وجيدة أحيانا

 

 

طريقته في الردود على المشاركات

 

طريقة : ايوه ما أنا عارف

وتجده كثيرا يخرج عن موضوع المشاركة الأصلي ويشت بك إلى أمر ثاني من باب وأنا برضه اعرف ومثقف

وهو الأسوأ في ردوده إذ دائما تشعر بأنه رد على المشاركة ليس من باب المشاركة لكن من باب ادعاء المعرفة

 

لكن : يزعل جدا من اللى يرد أو يعترض على مشاركته لانه بيعمل أبو عريف على أبو عريف نفسه

 

 

 

 

فكره

له فكرهه واتجاهه الخاصين به بشكل معتاد

 

 

تقييمه

يبدو أحيانا في المنتدى بشكل جيد عندما يشارك بمواضيع جديدة جيدة

 

يمله الأعضاء عندما يرد على المشاركات بشكل ملفت للنظر انه أبو العريف أو يخرج عن الموضوع الأصلي للمشاركة

 

 

 

نصيحة

1 – ركز في الرد على المشاركة ولا تخرج من الموضوع

واذا لم تشعر أن لديك الجديد فلا داعي الخروج من اصل الموضوع

 

2 – لا تغضب من معارضك

فالمعرفة ليس حكرا على أحد

 

 

النمط الرابع

 

 

التافه

 

هدفه

انه يتنطط ويعبث مثل الطفل لما يروح مع ماما عند حد أو يروح محل لعب

 

 

طريقته فى المشاركات الجديدة

 

عديم المشاركات الجديدة

ولو شارك تجده يشارك من باب واحد يعاكس أو يخبط على الباب ويطلع يجرى

ممكن يشتم

ممكن يقول كلام مش مناسب

باختصار عبيط

 

 

 

ردوده على المشاركات

 

كلها من باب

ا خخخخخخخخخ

وهاهاهاه

يا ابن الايههه

 

وكلمات تشعر أنها غير مكانها

 

ومش بعيد يحرجك

 

 

فكره

هو ليس لديه فكره أو اتجاه أثناء وجوده على المنتدى

بس هو يشعر أن فكرة وجوده في منتدى وانه لو كتب حاجه تظهر والناس تقراها دى حاجة بتمثل لعبه عنده

 

مثل الطفل لما يستفرد بتليفون ويعاكس فيه ويستمتع انه استطاع ان يقلق الكبار

او مثل الطفل لما يخبط على الباب ويطلع يجرى

 

 

 

 

 

تقييمه

هو شخص حديث التعامل مع الإنترنت وقليل الخبرة بالتعامل مع الناس والمجتمع عموما وبالتالي يفتضح عندما يتعامل مع مجتمع افتراضي كالمنتدى

 

 

نصيحة

1 – بلاش تدخل منتديات افضل

2 – لو مصر اقض فترة لا تقل عن شهرين أقرا فقط ولا تشارك إلا بعد خبرة

 

 

النمط الخامس

 

 

القشاش

 

هدفه

انه يبقى صاحب اكبر مشاركات على المنتدى

انه اسمه كل يوم يتردد من خلال انه صاحب مشاركات جديدة

انه يبقى نجم المنتدى وواكل الجو

 

 

طريقته في المشاركات

غزير المشاركات

 

طريقته

طرقة قص ولزق

ينقل كل ما يقع تحت يده

مش مهم هو نقل ايه واللي نقله ده طويل وممل أو لا

المهم انه يحطم الرقم القياسي في المشاركات

 

 

ردوده

قليل الردود لانه مش فاضي المهم عنده انه يضع مشاركات جديده

 

لو رد ممكن يرد بموضوع طويل برضه بيكون من نوع قص ولصق

 

 

 

تقييمه

 

أحيانا تكون مشاركته ممتعه واحيانا لا قيمة لها على حسب المكان اللي نقل عنه

 

بعد فترة لو مبطلش، الأعضاء لا يلتفتوا إلى مشركاته باهتمام لاتهم يعرفوا انه هيكتب في الأخر الكلمة المحفوظ (منقول)

 

نصيحة

1 - عمر ما كان الأحسن هو اللى يكتب اكتر

والجودة خاصة على المنتدى في الكيف لا الكم

صفحات الإنترنت مكدسة بالمعلومات والمقالات أما المنتدى مكان للمشاركة والتفاعل وتبادر الاراء وليس موقعا لنشر المقالات والمعلومات فى المقام الأول

2 – إذا كنت عاوز تكون نجم المنتدى اهتم اكثر بالمواضيع التي تمس اهتمام الأعضاء أو اجتهد في الرد على الأعضاء بشكل نافع ومفيد

 

 

النمط السادس

 

 

 

البستاني أو صائد اللؤلؤ

 

هدفه

ان يثري المنتدى بخلاصة ما عثر عليه من مواضيع وبرامج ومواقع وخبرات

وهو نوع نادر من الأعضاء ومفيد جدا

 

طريقته في المشاركات الجديدة

 

متوسط المشاركات

في الغالب هو شخص يتنقل فى المنتديات والمواقع ويعثر على الدرر وينثرها ويهديها لأعضاء المنتدى

 

 

ردوده على المشاركات

معتدلة وعادية

 

 

تقييمه

يعتبر فاكهة المنتدى وغالبا ينظرون له كأنه المنقذ

خاصة عنما يعلن انه على استعداد لمساعدة الأعضاء وتلبية احتياجاتهم

ويضع مشاركة( اللي عوز كذا يكتب وأنا ألبي طلبه ) مثل أفلام مواقع برامج حلول ومشكلات للكمبيوتر وهكذا

 

 

نصيحة 1 – روح يا شيخ ربنا يكتر من أمثالك

 

 

النمط السابع

 

 

 

الأب اوالاخ الكبير

 

هدفه

أن يعيش دور المشرف والراعى وصاحب الخبرة

 

 

طريقته في المشاركات الجديدة

متوسطة ومنه ما هو جيد

 

ردوده

لا يترك شاردة ولا واردة إلا ورد عليها

يرد من قبيل الأب اللى بيوجه ابنه

مثل

أهلا بك معانا

ايوه كده شد حيلك

كويس يا بنى بس شويه تعديلات

اقعد يا ابني اقعد على رأى الفنان عماد حمدي

 

 

 

تقييمه

 

أحيانا يبدو انه يقوم بدور الأخ الكبير والموجه وهو دور يصلح مع البعض ولا يصلح مع الاخرين

واحيانا يبدو كأنه صائد الأخطاء وهو دور يحتاج الى حكمة ولا يصلح مع كل عضو مع كل مشاركة

 

 

نصيحة

1 – لا مانع أن تقوم بدور الأخ الأكبر

2 – لكن المبالغة في هذا الدور يصيب النفس بالسامة

3 – كن حكيما في التعامل مع الأعضاء

4 – كلما تخلصت من هذا الدور كلما كان افضل

 

 

النمط الثامن

 

التايه

 

هدفه

هو معندوش هدف

هم قالوله في منتدى راح دخل وسجل عضوية

 

طريقته فى المشاركات الجديدة

تقريبا هو موضوع وحيد أول واخير

وهو الموضوع الأول اللي في الغالب كلنا بنكتبه عقب تسجيلنا عضوية وهو التهنئة بالمنتدى او يعلن انه عضو جديد

 

 

ردوره

تقريبا منعدمة

 

تقييمه

هو يحب أن يقوم بدور المتفرج

 

نصيحة

1 - ركز شويه يا عمنا

المنتدى معمول علشان تستفيد وتفيد لو مش عاز متضيعش وقتك

 

2 - لو ملكش شفى الكتابة لا تحرم المنتدى ولو بنصيحة أو تعليق ظريف أو موضوع منقول أعجبك ولو على فترات متباعدة

 

والبقية تأتى لا حقا إن شاء الله

 

مع تحياتي

[عاشق الصداقه 525]

موضوع جميل جداً بجد ..

ومتقلقش مش بقوللك كده فى مواضيعك علشان اعمل فيها واد نمط سابع

 

انا نادر انى اقرأ موضوع طويل زى كده بالكامل .. وده بسبب شغلى .. بس بجد لفتت نظرى مواضيعك فى المنتدى وان كلها هادفه .. حتى الطريف منها

 

ودى سمة عظماء المنتدى دلوقتى .. اللى انا متأكد انك هتكون واحد منهم ان شاء الله

 

 

 

متفق معاك فى موضوعك كله تقريباً .. وورد عليا كتييييييييييييييييييييييييير من الانماط دى .. (ووحياتك فى انماط جديده نزلت السوق كمان مكتبتش عنها فى موضوعك) والحمد لله .. اهى ماشيه

 

 

 

النمط السادس

 

 

 

البستاني أو صائد اللؤلؤ

 

هدفه

ان يثري المنتدى بخلاصة ما عثر عليه من مواضيع وبرامج ومواقع وخبرات

وهو نوع نادر من الأعضاء ومفيد جدا

 

طريقته في المشاركات الجديدة

 

متوسط المشاركات

في الغالب هو شخص يتنقل فى المنتديات والمواقع ويعثر على الدرر وينثرها ويهديها لأعضاء المنتدى

 

 

ردوده على المشاركات

معتدلة وعادية

 

 

تقييمه

يعتبر فاكهة المنتدى وغالبا ينظرون له كأنه المنقذ

خاصة عنما يعلن انه على استعداد لمساعدة الأعضاء وتلبية احتياجاتهم

ويضع مشاركة( اللي عوز كذا يكتب وأنا ألبي طلبه ) مثل أفلام مواقع برامج حلول ومشكلات للكمبيوتر وهكذا

 

 

نصيحة 1 – روح يا شيخ ربنا يكتر من أمثالك

 

ربنا يكتر منهم فعلاً .. واحنا كلنا بنسعى اننا نكون النمط ده .. وان شاء الله كل اعضاء منتديات ياللا يا شباب نمط سادس ..

 

(الاقى عندك نمط سادس لو سمحت !!! )

[bassant 2]

اولا مرحبا بك بين اخوانك واخواتك

 

فعلا موضوع مهم بس طويل شويه

فشكرا لك

[semsem111 0]

تصدف بالله

انت عضو عسل

انت ادتنى امل فى الحياة

 

اعتقد انك نمط سابع

نمط جبر الخواطر على الله

[BLACKDREAM 5]

 

 

 

 

 

 

 

بطاقه شكر للاخ سمسم الرائع

 

 

 

 

 

لا اعلم كيف اقول لك بانه حقا موضوع رائع و جميل

 

 

 

 

و نرجو امتاعنا بالمزيد من مواضيعك الجميله

 

 

 

 

تقبل تحياتي اخي العزيز و اهلا بك معنا )

 

 

 

 

ابس برضو يا سمسم مش كل صوابعك زي بعض و لولا التنوع ماكان

 

لذه للشيء الجميل و لا كان اتمييز العضو الفعال من العضو النائم