اتحضنت كام مرة النهاردة؟

[ali desoky 391]

اتحضنت كام مرة النهاردة؟

 

 

هدى طاهر هي خبيرة في التنمية البشرية والعلاقات الاسرية ..

ولها أفكار تتركز حول اهتمام الاباء والذي أصبح ينصب بصورة كبيرة على المشاكل الحياتية من ماكل وملبس وتجارة وبناء مستقبل ..

وبالتالي أصبح الاهتمام بالابناء وبذل جهد زيادة فى تربيتهم اخر حاجة يهتم بها الاباء ..

كلام جميل وكلام معقول مقدرش اقول حاجة عنه

لكن لما الموضوع يوصل الى انها تقول

لازم الاب والام " يحضنوا " ابنائهم 8 مرات يوميا

على الأقل .. يبقى لازم نعرف منها تفاصيل أكثر .

 

 

ولذلك كلمنا الاستاذة هدى عشان نعرف منها حكاية الاحضان الأبوية ..

لكن الموضوع طلع كبير قوي لأن فيه دراسة أكدت أن الفرد يحتاج الى 4 احضان يوميا لكى يشعر بالبقاء فى الحياة و8 أحضان يوميا لكى يشعر بالانتماء بالاسرة و12 حضن يوميا لكى ينمو متزنا جسديا ونفسيا - وطبعاً بعد الكلام ده عرفت ليه أنا معقدة نفسيا - المهم اتضح ان هذه الدراسة ظهرت طبعا فى بلاد بره لانهم حسوا فى فترة ان اهتمامهم بالعمل والتقدم شغلهم عن الدفىء

الاسرى ، وطبعا الناس دى مفيش حاجة تقع منهم كده .. فبحثوا ودورا لحد ما وصلوا لهذه الدراسة اللى بتاكد ان اى فرد عنده نقص فى ارقام الاحضان دى يبقى عنده خلل نفسى على طول من غير كلام , و اى فرد عنده زيادة فى عدد الاحضان يبقى الموضوع قلب عنده لدلع ماسخ له تاثير سىء على شخصيته .

 

وأكدت الاستاذة هدى انهم وصلوا لنتائج موجودة عندنا بالفعل فى معاملاتنا الاسلامية التى حث عليها القران والسنة النبوية .. فمثلا الغرب وصلوا لما يسمى بـ" قوة الان" بمعنى ان كل فرد يدرك انه زمان كان شىء عادى لكن النهاردة هو افضل ..

يعنى لما تدخل بيتك لازم تكون افضل اب وفى شغلك انت احسن موظف او احسن مدير وحتى لوكنت عاملاً بسيطاً لازم تكون اشطر عامل ، لكن كل ده له مردود فى القران والسنة فمثلا الرسول كان يشعر كل واحد من أصحابه أنه الاحب الىه .. وكان يشعر كل زوجة له انها الاقرب اليه ، وانتقل

ذلك طبعا الى الصحابة الذين تربوا على يد الرسول الكريم ، ودراسات الغرب اكدت ايضا على اثر الكلمة على شخصية الابناء

وهنا عرفت ليه كل الافلام الاجنبى مليانة بعبارات من نوع " انا فخورة بك , انا سعيدة بكونك ابنى

" ,لكن تعالى عندنا هتلاقى عبارات من نوع

" انا مش بتاع كلام انا بتاع فعل "

وتلاقى الام لو ابن جارتها عندها وكسر طبق " فداك يا حبيبى" لكن بقى لو

ابنها اللى كسره " ده انا هطلع عينك" .

 

 

عموماً .. الموضوع ممكن يكون افتاكسة لكن منقدرش ننكر انه " ع الجرح " ..

فتعالوا تهتم شوية بعلاقاتنا الانسانية ولو 8 مرات فى اليوم بس.....

 

 

 

 

 

 

[Mohammed Dwy 2010 35]

لو افتكاسة يامستر جميل

جزاك الله خيرا

تم تعديل July 4, 2010 بواسطه الفنان2010

[رجل من الصحراء 36]