زجل نفسى فيكى يا بلدنا, أشوف واحد منمش مظلوم

[دعوه للجنه 457]

 

زجل نفسى فيكى يا بلدنا, أشوف واحد منمش مظلوم

 

 

 

نفسى فيكى يا بلدنا اشوف واحد ما نمش مظلوم

 

 

غير طبعا اسيادنا اللى حكمنا ما دول مش زى شعبك المحروم

 

 

دول ناس اصلهم من طينه تانيه طينه بتاعه بياعين الهموم

 

 

يشتروا بدمنا عربيه و فيلا وشاليه وسيمون فيميه على حبه هدوم

 

 

ما احنا اكيد اتخلقنا عشان غلبنا نشقا لجل عز اهلهم ما يدوم

 

 

وانت يا عز يا وز يا ملك التصريحات يابتاع الحديد و الشوم

 

 

بطرس يا غالى ها ندعى عليك لغايه القيامه ما تقوم

 

 

تنام يوماتى من غير عشى من غير ما تقبض المعلوم

 

 

ما وركش غير الفقير اللى بسببكم صبح فقير معدوم

 

 

طب خد شويه من زمايلك او حتى من صحبك شالوم

 

 

وزاره كلها تجار و مخاويه رجال اعمال و الشعب صبح مفروم

 

 

لا لاقى ياكل و لا يتعالج يدوب عليه قميص و بنطلون مخروم

 

 

بيقولوا للظلم اخر و اخره الظالم يموت و فقبره يترمى مهموم

 

 

لا مال ينفعه ولا وزاره و يدعوا عليه انه من رحمه ربنا يكون محروم

 

 

لكن يا اهلى و حبابيى لازم عدل و كرم ربنا ليكم يكون معلوم

 

 

عمره يوم لخسيس ما يحوجكم ده عرشه فسما بيتهزمن دعوه المظلوم

 

 

و سلملى على الضرايب و فلوس التأمينات و التعلب اللى فات و رمضان و

الفوازير وعمنا الوزير انس الخطير اللى ها يخلى ثواب رمضان ها يطير مع

العصافير الظاهر حد قالوا ان الجنه بقيت كومبيليه ما تبعتوش حد خلاص جبرنا

 

 

 

 

تم تعديل July 8, 2010 بواسطه دفءُ الأٌنْــــــــسِ

[ali desoky 391]

و سلملى على الضرايب و فلوس التأمينات و التعلب اللى فات و رمضان و

الفوازير وعمنا الوزير انس الخطير اللى ها يخلى ثواب رمضان ها يطير مع

العصافير الظاهر حد قالوا ان الجنه بقيت كومبيليه ما تبعتوش حد خلاص جبرنا

 

 

كلمات جميله ومعبره

بارك الله فيك دفء الانس

وجزاك كل خير

ان شاء الله