semsem111 0 قام بنشر April 4, 2008 (تعديل) ...................................................قانون البقرة.......................................... هل سمعت عن هذا القانون من قبل اذا كنت من الكثيرين الذين لم يحالفهم الحظ للتعرف على معلومات حول هذا القانون العبقري فاكيد انت من الكثيرين جدا الذين حالفهم الحظ وتم استخدامه معهم خلفية تاريخية ------------------- هو القانون العبقري او قل النظرية الرائعة التى تستخدمها معنا الحكومة المصرية منذ السيد الرئيس الراحل بيبي الاول فى عصر الاسرات المتاخرة وحتى حفيده السيد الرئيس حمادة حسنين امبارك ومتوقع ان يستمر هذال القانون حتى السيد الرئيس على زكى جمعة جمال حمادة حسنين امبارك ما هو قانون البقرة ------------------- قانون البقرة باختصار شديد هو تطبيق او محاكاة لهذه القصة التى ساذكرها حالا يروى ان حمدان فلاح بسيط من كفر الغلابة - قرية المطحونين - مركز شد حيلك - باحدى محافظات مصر يحتكم حمدان العلبان على ييجي نص فدان ورثهم عن ابوه الحاج متولى الله يرحمه تعب فيهم ورعاهم لغاية ما وصلهم لفدانين ونص (بسم الله ما شاء الله ) ومعاهم فضلة خيرك بقرة ( لا مؤاخذة ) فضل العمدة وشيخ الغفر يضايقوا فى عيشته وعيشة ناسه زيه زى باقية اهل البلد ويفرضوا عليه الاتاوة ورا الاتاوه وهو يصبر ويقول (يمكن ربنا يعدلها - بكرة تفرج - اهو عمدتنا برضه وهو اولى من الغريب ) لغاية ما الظلم عمى عنيهم وطمعوا فى فدانين الارض اللى معاه واخذوهم منه غصب واقتدار ومع كده صبر وقال (يا واد مصير الحق يرجع لاصحابه - يمكن ربنا يعدلها - بكرة تفرج - اهو عمدتنا برضه وهو اولى من الغريب ) وبعد يومين خبطوا عليه اتنين غفر فى ليلة سووخة وقالولو بكرة الصبح تلملم كراكيبك تغور وتنكشح من هنا لان العمدة عاجبه موقع دوارك وناوىياخده حمدان = يا ناس دوارى وبيتى حرام عليكم الغفر = بتقول ايه يا وله انت فاكر ان العمدة محتاجلك واللا فاكره محتاج لك .. يا حمار العمدة عاةز مصلحتك ومصلحة البلد العمدة هيعمل مشروعات وطنية وقومية فى البلد حمدان == هيعمل ايه يعنى الغفر = كافى شوب وانترنت كافيه وترابيزة بلياردو على اتنين بلايستيشن ووصلة دش علشان يخدم اهل البلد ويساعد فى القضاء على البطالة ويدخل البلد عصر التكنولوجيا والفضائيات والنت خبط حمدان ايد على التانيه وقال حكمتك يا رب حسبنا الله ونعم الوكيل خرج قبل الفجر ومعاه كراكيبه وبقرته وكانت كل اللى فاضله من الدنيا مشى حمدان حزين وهيموت حسرة من الظلم العمدة شخط فى شيخ الغفر وقاللو = عملتوا ايه فى الواد حمدان شيخ الغفر = غار من البيت وخد كراكيبه وبقرته معاه انفجر العمدة فيه غاضبا يا ابن الفرطوسة ولما انت عارف ان معاه بقرة يا بقرة مخدتهاش منه ليه انت مش عارف ان احنا عاوزين بقرة تحلب لبن علشات الكابتشينوا اللى هنعملوا فى المشروع القومى للقرية الذكيه بتاعتنا شيخ الغفر = راحت على يا كبير معلش انا جاموسة انا بقرة العمدة = فز غور اتصرف خدها منه بعت شيخ الغفر اتنين من مطاريد الجبل يقطعوا الطريق على حمدان بص حمدان لقى اتنين ماسكين بنادق طلعولو من نص الطريق قالو له = انت رايح فين حمدان = غاير .. ماشي هاجج ... سايب البلد باللى فيها قالولو - انت مش عارف ان بتعمل ايه حمدان -- باعمل ايه يعنى .. مطرود ومظلوم قالولو - انت مش عارف ان اللى يعدى من الطريق ده فى الساعة دى ومعاه بقرة او حمار يحصل ايه حمدان = يحصل ايه يعنى قالولو = يتقتل فى الحال ويتاخد حماره او بقرته نظر حمدان باستغراب وقال == فى شرع مين ده قالولو = القانون يا محترم القانون انت متعرفش القانون ولا ايه حمدان مستغيثا = يا نااااااس ..يا هووووو .. حرام عليكوو المطاريد = مفيش فايده اتشهد على روحك ومرة واحدة ظهر شيخ البلد = فيه ايه يا ولا منك له حمدان - الحقنى يا شيخ البلد الحقنى هيموتوتنى .. هيقتلووونىىى شيخ البلد == فيه ايه يا رجاله وحكو له الموضوع وقف شيخ البلد مبرما لشنبه والله يا اخونا طالما ان ده قانون يبقى القانون لازم يحترم لكن انا شايف ان احنا نحاكمه ونعمل له محكمة سريعة ( تيك اوى) علشان ظروفه حمدان = ايوه يا شيخ البلد محاكمة قلهم شيخ البلد = وانا اللى هدافع عنه بنفسى انبسطت اسارير حمدان وتنفس الصعداء وقال = ينصر دينك يا شيخ البلد .. ربنا يكرمك يا شيخ البلد .. ربنا يخليك لينا يا شيخ البلد .. قام شيخ البلد نافخا صدره == يا سيادة المطاريد بما ان الواد حمدان حمار وعبيط وميعرفش فى القانون وبما انه اول مره يعمل كده انا شايف ان احنا نخفف له الحكم شوية والتمس من عدالتكم ان حمدان يغور لسبيل حالة وكفايه انكم تاخدوا البقرة نظر المطاريد كل واحد للتانى وقالو حكمت المحكمة حضوريا على حمدان العبيط الغلبان ان احنا كفاية ناخد بقرته ويروح هو لحال سبيله نط حمدان فرحان يحى العدل يحي العدل يحي العدل الله اكبر الحمد لله يا رب ومشى حمدان فرحان وكل ما يقابل واحد يزغرد ويقول له انا براءه براءه ربنا يخلى العمدة ربنا يكرمك يا شيخ الغفر كنت هروح فى شربة ميه لولا حكومتنا الله يديها الصحة انتهت ومن يومها تحكم مصر والمصريون بنظرية البقرة نسبة للبقرة بتاعة الواد حمدان حد فهم حاجه اللى فهم يقول علشان انا مش فاهم حاجة -------------------- تم تعديل April 4, 2008 بواسطه semsem111 اقتباس شارك هذه المشاركه رابط المشاركه شار ك علي موقع اخر
mahmoued 0 قام بنشر April 4, 2008 (تعديل) الحمد لله زينا زى حمدان والبقرة سبناها من بدرى وربنا يخالينا العمدة الكبير الى خربها محمود تم تعديل April 4, 2008 بواسطه mahmoued اقتباس شارك هذه المشاركه رابط المشاركه شار ك علي موقع اخر
bassant 2 قام بنشر April 4, 2008 والله باين عليكوا مش حتهدوا الا لما يجوا يقفلوا المنتدى ويفرضوا حظر الكتابه والكلام علينا بس اعبال ما يحصل ده خلينى اقول رأى بصراحه انا بأول التعلب فات فات وفى ايده بقرة حمدان حمدان كان نفسه يشرب من البير وفى الاخر وئع فى البير يعنى الى يعرف يستخبى والى مش فاهم احسن ياعنى احنا الى فهمين حاجه وربنا يخللنا ابو العيال وامهم الى كتبونا وعلمونا وخلونا نطلع من هدونا اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر April 5, 2008 الحمد لله أنى داخل بإسم مستعار اقتباس شارك هذه المشاركه رابط المشاركه شار ك علي موقع اخر
EL3aref 5 قام بنشر April 5, 2008 تحيا العدل .. تحيا العدل .. تحيا العدل .. تحيا العدل .. تحيا العدل .. اقتباس شارك هذه المشاركه رابط المشاركه شار ك علي موقع اخر
BLACKDREAM 5 قام بنشر April 5, 2008 انا مش انا و ماليش علاقه انا مين انا فين الله انا تايه يا اهل الخير ودوني لاهلي الله يخليكم اقتباس شارك هذه المشاركه رابط المشاركه شار ك علي موقع اخر
NADA 34 قام بنشر December 9, 2008 تشيكى ده يا عمدة؟...؟؟ عامة خييير إن شاء الله اقتباس شارك هذه المشاركه رابط المشاركه شار ك علي موقع اخر
abdallh_hazaa 0 قام بنشر December 10, 2008 العمده اللي بنتكلم عليه حامي البلد واهم حاجة عنده مصلحة المستثمرين لان هو دايما بيحب ينصر الاقلية اللي موجوده في الشعب اللي هما في الاصل شوية حرامية عرفين الفتوة بتاع زمان هو موجود دلوقتي في صورة العمدة هو اللي عارف مصلحتنا فين احنا موجودين علشان نعكنن علي العمده الله يعينه علينا الراجل غلبان هياكلها ولا هيحل مشاكلنا والله حرام اقتباس شارك هذه المشاركه رابط المشاركه شار ك علي موقع اخر
Ehabs03 0 قام بنشر March 22, 2010 بس الظلم حرام والقانون قانون طبعا الكل عارف انو الحكومة اخبر بالقاونين يعني ياناس ارحمو الحكومة مش كفاية انها بتتعب وتعمل قوانين صحيح الحكومة بس هي الي تقدر تفهم هذه القوانين وطبعا القوانين تطبق على الغلابة وطبعاالقوانين ملهش لزمة ولا عوزة بس ربنا يخلي الحكومة الي فكرت وتعبت عشان تعمل قوانين والعمدة بتعنا برضو اخوكم عبدو الدهل اقتباس شارك هذه المشاركه رابط المشاركه شار ك علي موقع اخر
دعوه للجنه 457 قام بنشر March 22, 2010 قانون البقرة للاسف القانون ساد حياتنا كلها مش من الحكومة بس تتصور حتى فى العلاقات العامة مع الناس اللى مش يترحم.... ربنا ما يوقعنا ابدا فى موقف ممكن يتكم علينا بقانون البقرة ولا نحكم على غيرنا باستخدمنا ده قانون...... حسبى الله ونعم الوكيل رغم انه الموضوع واخد الطابع الفكاهى لكن كلماته عباره عن جمر يهد القلب عن قرائته.... جزاك الله خيرا اخويا ... اقتباس شارك هذه المشاركه رابط المشاركه شار ك علي موقع اخر
