تعلق قلبه بها فصدمته

[zoro_hf 8]

القصة بتبدأ ...انه كان عايش فى دولة اوربيه

واهله عايشين فى دولة مسلمة عربيه

وفى يوم وهو رايح الشغل او خارج من البيت

شافها ...اعجب بها ...لالالالالا..حبها

ودلوقتى اصبح الوضع صعب

فقدامه سكتين او طريقين

يحبها وبس ..والكلام التافه ده

او يتجوزها ..

بعت جواب لابوه

قاله يابابا انا هاتجوز واحده من هنا

قاله وماله يابنى

ماعنديش مانع ....بس تدخل الاسلام الاول

راح الولد جرى واشترى مجلدات

بتشرح الاسلام من اوله لاخرة بالانجليزى

وشرحلها الموقف

قالتله ادينى اربع شهور

اقرأ الكتب وارد عليك

ومرت الشهور الاربعة

وكأنها اربع سنين

لانه بيعد كل ثانيه هو بعيد عنها

وبعد المهله ماخلصت

اتصل بيها

ها ؟

فجاء الرد

انا اسلمت

فطار فرحا

قلبه كان هايقف من الفرحه

ولكنها فرحة لم تكتمل

قالتله ..انا اسلمت

ولكنى لن اتزوجك .....

ايه ؟

مش هاتتجوزينى ليه

قالتله : لان الاسلام لو كان كما فهمته من الكتب فانت لست بمسلم

وهى دى الصدمة اللى انا اقصدها

مش صدمة الحب ....لا

صدمة الامة ..

صدمة المسلمين ..

لنعرف كم بعدنا عن الاسلام ..

لنعرف لماذا يستهزأ برسولنا عليه الصلاة والسلام ..

اسف ياجماعه ..هذا هو حال امتنا !!!!

[Shetos 2]

مش عارف أقولك إيه يا زورو ؟؟

 

بس فعلاً دى حقائق بتحصل..

 

الاوربيون عند إقتناعهم بشئ فهم أفضل من يلتزموا به..

 

قصة رائعه وموضوع غاية فى الأهمية..

 

شكراً فارسى الغالى..

[بنت مصرية 66]

موضوع غاية في الروعة يازورو

فعلا الموضوع ده بتكلم عن حاجة واقعة فعلا

وان الكثير من المسلمين علي الورق بس

لكن في الحقيقة لا

وانا كمان مش ها اقدر ارد علي رد اخويا

شيتوس اتمني من الجميع ان يتعظوا ويعيدوا

ترتيب اولوياتهم

تقبل مروري

[zoro_hf 8]

شكرا لمروكم اخواتى الكرام

[ABOTASNEEM 117]

جزاك الله خيراً

 

واسأل الله ان يستخدمنا ولا يستبدلنا

[حنان القلب 1]

فعلا اللي بيدخل الاسلام جديد

 

بيتعبد باخلاص وخشوع شديد من القلب

 

مش مسلم بالبطاقه

 

شكرا ليك زورو