رحله مع واحد مسطول

[صناع الحياه]

مساء الخييييييييييييييييييييييييييييييييييييييير

ياعم عبده

- مساء النوووووووووووووووووووور ياد يا حوده

اظن الصنف الليلادي كويس خالص يا عم عبده

- اه احسن من الصنف بتاع " نظرة عتاب" اللي جبتهولي امبارح

انا قلت كده برده الصنف ده من قوته بيسموه " سلامتها ام حسن"

- عارف ياد يا حوده انا عرفت دلوقتي ليه الفراعنه بنو الاهرمات دي من

غير ميتعبوا

ليه يا عبقرينو

- اصلهم كانو زينا كده بيرصو حجر ورا حجر

اهاااااااااااااااااااااااا عشان كده مكانوش بيحسوا بالتعب

ياكن مقولتليش هتكلمني انهارده عن ايه

- هكلمك عن العبقريه اصل انا بعد الحجر التالت دماغي بتعلي قوي

قول يا عم عبده وسمعني انا معاك ولا وني مش هفهم حاجه اصل انا سبت

دماغي مع الوليه مراتي في البيت تتخانق معاها وتسمعها موشح كل يوم

- بص يا سيدي الناس فاكره ان العبقريه واحد لابس نضاره قعر كوبايه

وماسك كتابين وماشي بيهم في الشارع وناكش شعره ولابس هدوم من ايام نجيب

الرحاني

وناس تاني فاكره ان العبقريه انك تكلم الناس بغموض عشان ميفهموش حاجه

ويقولو عليك عبقري

وناس فاهمه ان العبقريه انك تمسك انبوبه اختبار وتمشي بسحاحه وتعمل

تجارب تحت بير السلم وتخلي الناس تشم روايح وتسمع انفجارات 0

العبقريه ياد مش للعلم بس

انت مثلا لو فهلوي وتعرف تعامل كل انواع الناس وتعيش بينهم وتفهمهم

وتجاريهم تبقي عبقري

الواد ابو دم خفيف اللي يقدر يشيل جبال الهموم اللي فوق صدر الواحد

ويضحكه من قلبه بنكته بسيطه او موقف صغير يبقي اكيد عبقري

الاديب لو وصل لينا فكرته ببيت شعر او قصه قصيره وفهمناها وعرفنا عايز

يقول ايه

نقدر نقول عليه عبقري

المدرس اللي يملك طبشيره وحتت سبوره ويفهم طلبته ويوصلهم المعلومه يبقي

اكيد عبقري

اي حد فينا يوصل لهدفه ببساطه وباقرب الطرق لازم يكون عبقري

عارف ياد انا عندي العبقريه " هي فن الحصول علي الهدف باقرب وابسط

الطرق والجمع بين اكبر قدر ممكن من المتناقضات عشان تقدر تتعايش مع

نفسك"

هيه دي العبقريه

ياد يا حوده

انك تخاف من ربنا وترجوه

انك تعيش بتفاؤل وبنشاط بس تعرف ان اخرتها كوم تراب

انك تكون حازم...................... باسم

انك تكون زاهد مقبل علي الحياه

ايوه تجمع بين اكبر قدر من متناقضات جوه عقلك وبكده اقدر اقول انك

عبقري

العبقريه ياد في البساطه

فهمتني ياد

- اعدم مراتي وعيالي التلاته لو كنت فهمت حاجه

 

 

طيب رص الحجر يا خويا واسكت خللينا نكمل باقي السهره سيبك من اللي

قولتهولك وسمعني اغنية

السنجلاب السنجلاب

ولا اقولك شغل اغنية

الحب سندح في الالب لاظا الالب اندح اخر لظاظا

تم تعديل June 16, 2008 بواسطه عاشق الصداقه
تم إعادة الموضوع بعد حذفه

[نجمة الكتب]

ع ب ق ر ي ي ي ي ي ي ي ي

 

 

[AMR DAWAM]

هههههههههههههههههههه انا مش عارف اقول ايه اللى انا استفدته من الموضوع بالظبط لان كل كلمة كنت بحس ان لها فكرة تانية وبصراحة بهنيك انك استطعت انك تخلى عم عبده يقولنا معلومات مفيدة زى دى

وسامحنى انا من شدة اعجابى بفكرة الموضوع اقتبسته منك وهنظمه لتأديته فى اسكتش مسرحى بسيط

دى العبقرية بقى ازاى افرط فيها

[عاشق الصداقه]

مش عارف .. بجد مش عارف أرد أقول إيه .. وأرد على أنهى سطر فى موضوعك يا عبقرى يا إبن ال .. عبقرى

يخرب بيتك يا عرابى .. راااااااااااااااااااااائع بجد زى ما إتعودنا منك

[Shetos]

انك تخاف من ربنا وترجوه

انك تعيش بتفاؤل وبنشاط بس تعرف ان اخرتها كوم تراب

انك تكون حازم...................... باسم

انك تكون زاهد مقبل علي الحياه

 

عبقري يا عرابى..

[رجل من الصحراء]

عبقري ياعرابي

[عابدين]

عبدالله عبد المطلب أنت في ذهنى دأئما شبية بعقرب الثواني في الساعة بالرغم من قصره إلا انه سريع يأتي بدقائق الامور

[Mr.5dash]

عليا الطلاق من مراتى اللى هتجوزها كمان 10 15 سنة منا فاهم حاجة

[صناع الحياه]

كلام في سرك حتي انا مش فاهم

بس اعمل زيينا اعمل نفسك فاهم وعديها

[الرّام]