الست المصراوية .. قوية ومفترية وعالمية!

[ali desoky]

الست المصراوية .. قوية ومفترية وعالمية!

 

 

 

 

تمكنت المرأة المصرية وبنجاح منقطع النظير أن تسطر إسمها في قوائم المتميزات وأن تحتل صدارة من نوع خاص جدا .. بل وإستطاعت أن تزيح الأمريكيات وتبهدل البريطانيات وتهلهل الهنديات لأنهن المصريات ..

والمصرى طول عمره معروف بقوته وجبروته أمال إنتوا فاكرين إيه؟

 

 

 

الموضوع وما فيه إن فى دراسة عالمية كشفت أن سيدات مصر المحروسة أصبحن أصحاب الرقم القايسى فى ضرب الأزواج وبكل فخر سيداتنا المبجلات قدروا يكسبوا الأمريكيات أصحاب المرتبة الثانية والبريطانيات إللى فى المرتبة الثالثة

والهنديات إللى يا عينى فى المرتبة الأخيرة وبنسبة 11% بس يا حرام.

 

 

ضرورى أننا نواكب التقدم والتغير الإجتماعى زى ما دول العالم الأول بتعمل بالضبط, زمن أمينة خلاص راح، وسى السيد إللى كانت كحته بتهز البيت تعيش إنت, أمينة خلاص تحولت لدراكولا ودور المسكنة و الغلب إللى كانت بتعيشه إنتهى،

فالحاج سى السيد بقى إسمه "سى سوسو" بعد ما بقى لا مؤاخذة يعنى هو و"الشبشب" أصحاب.

وأعتقد أن الرجل فى حد ذاته أصبح مهدداً بالإنقراض بعد ما زادت نسبة الستات فى الدنيا،

 

كمان أوائل الثانوية العامة أغلبيتهم بنات، ومدرج الجامعة بقى 99% منه بنات ..

 

حتى الجزارة إللى كانت مهنة الرجالة بس بقي فيها سيدات وأصبحت عندنا سواقة وقاضية ومأذونة كمان!

 

 

فنداء إلى كل "سى سوسو"

إوعى تزعل أو تتضايق، أنظر إلى الجزء المملوء من الكوب ..

إحنا نطول أننا نتفوق على أمريكا !

فمش مهم بقى أنك أصبحت خرونج والمرأة المصرية هى اللى كينج كونج ! .

[mona ahmed]

وبيقولوا مصرمالهاش تصنيف عالمى

ماهى ما شاء الله اتصنفت اهى

ومن مين من الستات

فعلا ما يجبهاش الا ستاتها

[بسمة الاقصى]

 

 

 

 

 

 

 

 

 

 

ده احنا غلبانين خااااااااالص يا عينى علينا

 

 

عموماً الخبر ده يهم كل العزاب اللى مش عاجبه يبقى بلاش أحسن أما اللى اتدبسوا

اللــــــه يكون فى عونهم

[romia said]

هههههههههه الله يكون فى عون الست بقى على كده

 

خلاص بقت مشغولة وأخدت منصب كبيييييييييييييييير

 

أوعى تسمع كلام سوسو

[ام آدم]

يا تري ايه اللي وصل السيدات في مصر لكده؟