مسلسلات رمضان 2010 مسلسلاتك عندنا واسأل مجرب !!!

[دعوه للجنه 457]

بسم الله الرحمن الرحيم

 

 

مسلسلاتك عندنا

مسلسلات رمضان 2010

يا ترى حتتفرج على أنهي قناة في رمضان ، وحتابع أنهي مسلسلة ، ده تقريبا مفيش نجم من النجوم إلا وعامل مسلسلة جديدة ، شكل المسلسلة الفلانية حتكسر الدنيا السنة ده ، ورمضان السنة ده حيجي في عز الصيف ، والزهق والملل حيبقى على الآخر ، وإحنا حنسلي صيامنا في إيه ؟؟ فأكيد حنشوف حاجة نكسر بيها الملل ، أظن رمضان حيبقى ليه ستايل جديد من السنة ده .

 

ده كلام غالب الناس النهاردة ، وبيني بينكم الجو العام صحيح يجيب للواحد اكتئاب ، فيعني لو فرفشنا حبتين في رمضان والموسم أجازات وصيف يبقى إيه المانع ؟

 

أنا معاكم بس رمضان ضيف غالي ، بيجي بالخير كله من عند ربنا ، لما تتخيل إنك تنجح النجاح الكبير يوم ما ربنا يعتق رقبتك من النار مش ده يستاهل منك لحظة تفكير .

 

لما تلاقي ذنوبك كلها ربنا غفرها ليك وتبدأ صفحة جديدة مع ربنا ، مش ده يحتاج منك قرار مختلف .

لما تلاقي ربنا يهديك ليلة اللي يقومها صح ، ربنا يعطيه ثواب واحد عبد ربنا أكثر من 83 سنة متواصلة ، مش محتاجة منك إنك تضحي شوية علشان الفرصة ما تضيعش منك .

 

بس إنت الشيطان بيقولك : إنت مش بتاع السكة ده ؟ وده شغل الشيطان إنه يهمدك ويحسسك بصعوبة الطريق ، وبإنك مش حتبقى مبسوط ولا سعيد ، طيب قولي ، مش السعادة ده من عند ربنا ، طيب تتصور إنه يديها لمين ، للي بيعصيه ؟؟ ولّا اللي بيطيعه ، انت مصدق(ة) نفسك إنك سعيد(ة) ، إنت مسجون(ة) ومش حاسس (ة) ، إنت " مسلسل(ة) " وإنت مش داري(ة) .

وأنا عارف إنك حتقول : وفيها إيه المسلسلات !! ده كمان حرام!!

 

 

وأنا اقولك : تصدق النبي صلى الله عليه وسلم القائل عن رمضان " ما مر بالمسلمين شهر قط خير لهم منه ، وما مر بالمنافقين شهر قط أشر لهم منه ... إن الله ليكتب أجره ونوافله ، ويكتب إصره وشقاءه من قبل أن يدخله ، وذاك لأن المؤمن يعد فيه القوة من النفقة للعبادة ، ويعد فيه المنافق ابتغاء غفلات المؤمنين وعوراتهم فهو غنم للمؤمن يغتنمه الفاجر " [ رواه أحمد في مسنده (2/524 ] قولي إنت بقى مين المنافق اللي بيبتغي غفلات المؤمنين ، قولي وانت مركز مع المسلسل في ليلة من الليالي تعتقد إنه الملك لو نزل يعطي جايزة كل ليلة من " العتق من النيران " إنك حتبقى من أهلها !!! ليه تبيع جوايز الآخرة ؟ ليه ترفض الهدية ؟ ليه متفكرش إنك تضمن أخرتك ؟؟!!

 

 

ده فعلا مسلسلات بتقيد الواحد ، بتكتف الواحد ، بتعيش الواحد من غفلة لغفلة ، إنت مش حتعيش صح وانت بعيد عنه ، ليه بتهرب منه ، ليه مش عايزه ، ليه بترفض طريقه ، تعرف إن ربنا بيبسط لك يده كل ليلة وفي كل نهار علشان تتوب ، إنت ممكن ترد يده ؟؟؟

 

تعرف إن ربنا بينزل كل ليلة علشان يتوب عليك ويغفر لك ويستجيب دعاءك ، ليه لأ ؟؟ ليه سايب نفسك للدنيا تلعب بيك ؟ الحياة معاه هي الحياة ، سيبك من العيشة اللي انت عايشها ، ما سمعتش عن " رامي الشمال " نجم ستار أكاديمي اللي كان بيشوف في المنام إنه ماشي في طريق ضلمة ، وكان عنده 22 سنة ، واتقلبت عربيته ومات في لمح البصر ، مش ده النجم !! تحب تعيش وتموت زيه ؟؟

 

وقولي : لأ ليه ؟؟ ليه ما يحصلش ، ما هي نفس العيشة ، ونفس الحياة ، تحب تقابل ربنا إزاي ؟

رمضان بيهتف فيك " يا باغي الخير أقبل " تعال ، حط إيدك في إيدي ، فكر السنة ده ، حتصلي القيام فين ؟ وحتقرأ قرآن أد إيه ، حتعمل خير أد إيه ؟؟ حتحاول تكفر عن ذنوب السنين إزاي ؟ حتجري لربنا ، وتقوله : أنا جايلك يا سيدي ويا حبيبي ويا مولاي ، أنا مش حسيب سكتك تاني ، يا رب لو حارجع للي أنا فيه : اقبضني في رمضان غير مفتون بعد ما تتوب عليَّ .

 

 

يلا بينا كلنا نقول : "إني ذاهب إلى ربي سيهدين " كلنا حنجدد توبتنا ، حنقاطع كل اللي بيسلسلنا ، أنا عايز قلب جديد ، أنا عايز أبقى إنسان اتولد من جديد ، وولادته في رمضان السنة ده .

 

فوازير- مسلسلات رمضان2010 -شاشة رمضان - دراما فى رمضان 2010-جديد المسلسلات فى رمضان

 

 

 

 

تم تعديل July 20, 2010 بواسطه سجده

[عاشق الصداقه 525]

جزاكِ الله كل الخير أختى وجعل هذا الموضوع فى ميزان حسناتك

 

مسلسلات رمضان - رمضان - مسلسلات رمضان 2010 - مسلسلات - شاشة رمضان - فوازير رمضان

[دعوه للجنه 457]

جزيت خيرا أخويا الفاضل..

 

 

 

 

تم التعديل ووضع الروابط فى الموضوع الأصلى ايضا.

[الجندى المجهول 37]

ربنا لا تجعل مصيبتنا فى ديننا ولا تجعل الدنيا اكبر همنا

اللهم بلغنا رمضان

جعل الله رمضان شاهدا لكى لا عليكى اختى الكريمه

جعلكى من معتوقين الشهر الكريم

[Mohammed Dwy 2010 35]

ربنا لا تجعل مصيبتنا فى ديننا ولا تجعل الدنيا اكبر همنا

اللهم بلغنا رمضان

جعل الله رمضان شاهدا لكى لا عليكى اختى الكريمه

جعلكى من معتوقين الشهر الكري

[ali desoky 391]

يلا بينا كلنا نقول : "إني ذاهب إلى ربي سيهدين " كلنا حنجدد توبتنا ، حنقاطع كل اللي بيسلسلنا ، أنا عايز قلب جديد ، أنا عايز أبقى إنسان اتولد من جديد ، وولادته في رمضان السنة ده .

 

 

 

موضوع اكثر من رائع

بارك الله فيك دفء الانس

وجعله في ميزان حسناتك ان شاء الله

[Mr Hamdy Ahmad 36]

إني ذاهب إلى ربي سيهدين " كلنا حنجدد توبتنا ، حنقاطع كل اللي بيسلسلنا ، أنا عايز قلب جديد ، أنا عايز أبقى إنسان اتولد من جديد ، وولادته في رمضان السنة ده .

 

 

شكرا موضوع رائع

[دعوه للجنه 457]

جزاكم الله خيرا اخوتى

 

 

كل عام أنتم الى الله أقرب جميعا...

 

 

تحياتى واحترامى.

تم تعديل July 20, 2010 بواسطه دفءُ الأٌنْــــــــسِ