يلا يا شبـــــ معــ للحنة ــــا ــــاب

[:: نبـ القلم ــض ::]

السلام عليكم ورحمة الله وبركاته

 

الموضوع بتاعنا النهارده فريد من نوعه محتاج مننا وقفه صادقه ونيه خالصه لوجه الله

 

وهو يلا معـــــــ للجنه ـــا يا شباب

 

نفسك تعمل حاجه لربنا وتثبت عليها بس مش عارف تواظب

 

نفسك تعمل طاعه بس مش لاقى حد يساعدك ويعينك

 

حاسس انك بعدت عن ربنا قويييييييييي ونفسك تقرب

 

حاسس ان الدنيا ضاقت بيك والوقت بيجرى منك بسرعه ولسه معملتش حاجه لربنا

 

حاسس انك كل ما تيجى تدعى ربنا انك مكسوووووف منه

 

انك بتطلب بتطلب وانت اصلا مبتعملش حاجه ومقصر

 

طب ما تيجوا نتفق على عمل جماعى نعمله كل اسبوع سوا

 

أكيد هتفرق يا جماعه لما كل واحد يعمل حاجه لوحده عن وهو بيعملها مع مجموعه

 

وعشان نشجع بعض ونعين بعض على الطاعه والخير .... هنقرر نعمل العمل ده كلنا سوا

 

هنختار كل اسبوع عمل واحد يقربنا من ربنا ونعمله كلنا سوا وكل واحد يدخل ويكتب ياترى عمله فيشجعنا

 

ولا معملهوش وانه مقصر وليه معملهوش فنقف جنبه ونساعده وناخد بأيده

 

يلا بينا ؟؟؟؟ ........................................... يلا بينا

 

هنبتدى الاسبوع ده بــــــــــ ........................................

 

******النيه******

 

وهنسميه اسبوع تظبيط النيه

 

عاوزين الاسبوع ده نظبط النيه ياجماعه

 

طبعا كلنا عارفين الحديث النبوى ( انما الاعمال بالنيات وانما لكل امرئ ما نوى )

 

عشان كده عاوزين نتفق سوا اننا الاسبوع ده

 

نفتكر قبل ما نعمل اى حاجه نظبط نيتنا قبلها

 

ونسال نفسنا يا ترى احنا عملنا العمل ده لمين وليه وعشان ايه ؟؟؟؟

 

ما تتخيلوش قد ايه هتفرق معنا لو ظبطنا نفسنا عليها

 

وممكن ناخد ثواب كبيييييييييييييير على عمل صغنتوت خالص بس هننوى قبله بنيات كتيرة

 

يعنى مثلا لما نيجى ناكل ................... تيجوا ننوى قبلها

 

انا باكل ليه

 

باكل عشان ربنا يعنى على طاعته وجسمى يكون نشيط وقوى والمؤمن القوى احب عند الله من المؤمن الضعيف

 

و الرسول عليه افضل الصلاة والسلام قالنا ان لبدنك عليك حق .... وعشان اعرف اشتغل كويس فاتقن فى عملى

 

وعشان اذاكر فانجح واعلى شأن الامه وافرح ماما وبابا............ وهكذا

 

عاوزين الاسبوع ده نكون سوا تجار حسنااااااااااااااااااااااااات مع ربنا زى الصحابه رضوان الله عليهم اجمعين

 

ويوم القيامه اللى هيفرق ما بين الناس فى الاعمال النيه

 

ممكن يكون اتنين عملوا نفس العمل واحد نوى لله والاخر لم ينوى فبجد ياريت ما نضيعش ثواب اعملنا

 

ونفكر مثلا قبل ما نكتب فى المنتدى مواضيع .......... كتبنا الموضوع ده ليه لربنا ولا لغرض تانى

 

وهكذا فى كل اعملنا

 

ياترى فى حد هيكون معايا ولا الطريق ده هيكون صعب

 

انا بدات الفكرة دى مع اعز صحباتى وحبيت ما نخدش ثواب لوحدنا وكلنا نشارك فى الفكرة

 

ومش شرط هنا بس انقلوها لاصحابكم ومعارفكم عشان كلنا ناخد الثواب سوا

 

يارب كلنا نشارك .................. والاسبوع اللى جاى هنتفق على عمل جديد واللى عنده فكره او عمل جماعى نفسه نعمله سوا كلنا يقوله

 

وان شاء الله كلنا هنعمله سوا

 

خليكوا معنا اول بأول

 

تقبلوا تحياتى

 

دمتم بكل ود

[memo]

ربنا يبارك فيكم فكرة حلوة يا نبض وان شاء الله كلنا هنكون سوا فى الفكرة

ولو انى بعملها دايما مع نفسى بس هنوى نيه جديده معاكم عشان اخد ثواب جديد سوا شكرا جزيلا لكى

[bassant]

جزاكى الله عنا كل خير

اكثر فى الدعاء والصلاه على النبى تجد فيهم الراحه والسكينه

اكثر من تقوى القلوب نجدها اخت عزيزه

شكرا لكى

[شمووخ]

فكرة حلوة يا نبض والاجمل اننا كلنا هنعملها سوا عشان نشجع بعض جزاكى الله خيرا

[Shetos]

فعلا ً فكرة رائعه

 

ربنا يبارك فيكى أختى الغالية

 

والنية هى أساس التعامل بين البشر..ولابد ان تكون لوجه الله تعالى

 

موضوع رائع ومهم..

 

لكى الف تحية

[أحمد سيف]

انتي لا تستحقي كلمة رائعة فقط

 

 

ده انتي تستاهلي ان احنا كلنا ننوي ان نهدي ثواب كل نيه ننويها في الخير لكي

 

بارك الله فيكي