العنب ............ العنب............العنب

[:: نبـ القلم ــض ::]

السلام عليكم ورحمة الله وبركاته

 

تحياتى لكم جميعا

 

كنت عايزة اطرح عليكم ظااااااااااااااهره موجوده فى عالمنا الملبد بالغيوم ظاهره بنصتبح عليها الصبح واحنا رايحين الكليه

او الشغل وانت راكب التاكسى او الميكروباص بدل ما نقول يا فتاح يا عليم يارزاق يا كريم...

 

لالالالالالا الوقتى بنقول العنب العنب العنب انا بس عايزة اعرف احساسكم لما بتقابلكم الظاهره دى(مع العلم انى اعلم ان الاغانى حرررام لكن اريد تعليقاتكم فقط)

 

انا هبدا بنفسى اولا انا لما بسمع الاغنيه دى بتحسر جدا على نفسى وبفتكر ايام ما كنت بسمع اغانى واعقد اقول لنفسى ازاى انا...

 

كنت بسمع الاغانى دى او برددها وخلاص واستغفر وبشفق على الناس اللى ما زالوا بيسمعوا الاغانى...

 

وياريتاها كلمات عدله كل اللى فيها رذع وخبط وكل اللى هقوله...

 

الحمد لله الذى هدانا لهذا وما كنا لنهتدى لولا ان هدانا الله ربنا يهديهم

منتظره مشاركتكم

 

 

عاشقة القرأن

 

 

 

 

 

 

تم تعديل April 13, 2010 بواسطه دفءُ الأٌنْــــــــسِ

[صناع الحياه]

طلعت يا ميحلا نورها................... شمس الشموسه

يلا بينا نملا ونحلب00000000000000 لبن الجاموسه

 

يا ولاد يا ولاد اه اه اه

تعالوا معايا

ياولاد يا ولاد اه اه اه

تعالو معايا

هنشوف ونسمع ابله فضيله00000000000دي حتحكيلكم حكايه جميله

ابله 000ابله0000 فضيله

 

هي دي الاصطباحه بتاعت ايام طفولتنا ادعي معايا ترجع الايام دي تاني

[نجمة الكتب]

مش عارفة اقولك ايه يا عاشقة القرآن انتي بجد جيتي على الجرح ،

وعلي فكرة دلوقتي بقى فيه البلح مش العنب بس ...لا ومع تطور الاغنية الحديثة

هتلاقي فيه اغاني للكمترى والجوافة واي نوع فاكهة انتي تحبيه... ربنا يستر وميوصلوش

للخضار ونلاقي ناس بتغني للخيار وفي الحالة دي مش هيبقى قدامنا خيار خالص غير اننا نسمع

واحنا جعانين.. قصدي واحنا ساكتين .

انا فاكرة مرة تجرأت وتطاولت وتعديت حدودي وطلبت من سواق التاكسي انه يقلل الصوت شوية

مش يطفيه والله ،لا يقلل الصوت بس وعينيكو ما تشوف الا النور بصلي بصة احتقار واستنكار

وكأني مبفهمش في الفن الرفيع- اللي هو بيسمعه -وقالي انت مش عارفة (..........) >> اسم المطرب

اللي (معبي )الشريط وكأنه بيتكلم عن ليوناردو دافينشي وبعد ما توسلت اليه وصعبت عليه لانه

كان عندي امتحان يومها وكان باين قوي على وشي، تكرم سيادته وتفضل وتعطف على المسكينة اللي راكبة

ورا والسماعات لازقة في ودانها لما جابتلها صرع ومد ايده ناحية الكاسيت........

وقلب الشريط وتمتد وصلة اخرى من موسيقى التشنجات ما انقذنيش منها الا اننا وصلنا

الكلية، ....الحمد لله

ومن يومها بقيت اقول لماما وانا نازلة من البيت تزود علي دعواتها( ويكفيكي شر اغاني الميكروباصات والتاكسيات)

المشكلة مش في اللي بيعملوا الاغاني دي المشكلة في اللى بيسمعوها وبيبقوا فعلا منسجمين معاها جدا وبقوا كتييييييييييير

في مجتمعنا ،وده ان دل علي شيئ فانما يدل على ازمة في الذوق العام.

[احلام بلدى]

انا هقلك معلش اصل النا الموجوده فى الشارع غير الناس الموجوده فى البيوت دول ناس اتعودوا على الصوت العالى

 

من بياعين وسواقين تاكسى وانتى عارفه مصر الشارع المصرى عامل ازاى يعنى انهرده بيقولوا العنب بكره تطلع اغنيه تانيه يكرروها

 

بردو وهى حياتهم كده بس احنا بردو بندعى ونقول ربنا يتوب علينا وعليهم