توك توك 5 قام بنشر July 28, 2010 السلام عليكم كيفكم يا شباب خلاص ...... هانت ..... كلها ايام .... و رمضان حيجي ايه ؟؟ رمضان .... ايوه رمضان هل حيكون رمضان السنة دي زي اي سنة يبقي الصيام عن الطعام و الشراب بس ؟؟؟ و لا احنا لازم نطور .... ايوه طبعا لازم نطور نفسنا و نزود علمنا عشان يبقي رمضان السنة دي حاجة تانية خاااااالص لازم يكون الاستقبال السنة دي حاجة مختلفة تماما عشان كده قلت اننا ندرش مع بعض شوية في الصيام و فقه الصيام " الكلام ملخص من كتاب الفقه الميسر " حقوق الملكية الفكرية بقي :D المهم النهارده عشان اول يوم نتكلم حندردش مع بعض في حاجات بسيطة خالص هو الاول يعني ايه صيااام؟؟؟؟ ما حكمه ؟؟؟ طب سيبك .... قولي ما هي مبطلات الصوم ؟؟ ما هي مستحبات الصوم ؟؟ ما هي فروض الصيام ؟؟؟ اااااااااااه في ناس كتيييييير مش عارفه معني الحاجات ده فاحنا حنتكلم فيها مع بعض عشان لو حد كان بيعمل حاجة غلط يصححها .... اول حاجة الصيام : في اللغة ---- الامساك عن الشئ في الشرع -- الامساك عن شهوتي البطن و الفرج من طلوع الفجر حتي غروب الشمس مع تبيت النية جميل كده ...... طب قوموا ريحوا شوية و تعالوا نكمل مع بعض ها ... قومتوا انت ليه لسه قاعد ؟!!! قوم و تعال كمان شوية الكلام مش حيطير !!! .......................... يلا كفاية كده نكمل بقي تاني حاجة حكم الصيام : هو من اركان الاسلام الخمسة ثبتت فرضته بالكتاب و السنة و باجماع السلف الصالح 1- القران : " فمن شهد منكم الشهر فليصمه " 2- السنة : حديث اركان الاسلام و ذكر منها " صوم رمضان " 3- الاجماع : اجمع جميع الصحابة والتابعين علي وجوب الصيام علي كل فرد مسلم بالغ عاقل قادر كمان مرة علي كل فرد 1- مسلم .... فلا يجب علي الكافر الاصلي 2- بالغ .... لا يجب علي الصبي و لكن يؤجر اذا صام 3- عاقل .... فلا يجب علي المجنون لقول الرسول " رفع القلم عن ثلاثة : عن النائم حتي يستيقظ و عن الصبي حتي يحلم و عن المجنون حتي يعقل " 4- قادر .... فقد قال تعالي " فمن كان منكم مريضا او علي سفر فعده من ايام اخر " جميل كده .......... اخر حاجة عشان انا طولت عليكوا فروض الصيام : 1- النية ... محلها القلب و لا يجوز التلفظ بها و تجب لكل ليلة و يجزا عنها السحور لانه مظنة الصوم لقول النبي " من لم يجمع الصوم قبل الفجر فلا صيام له " 2و 3- الامتناع عن اي شئ يدخل الي الجوف سواء كان مطعوما او غير مطعوم من طلوع الفجر الي غروب الشمس سواء كان دواء او غذاء فيشمل جوف الراس و الاذن 4- الامتناع عن الاستمناء او الجماع و غيرها لقول الله تعالي " فالئن باشروهن وابتغوا ما كتب الله لكم و كلوا و اشربوا حتي يتبين لكم الخيط الابيض من الخيط الاسود من الفجر " ........ طبعا من اكل او شرب او جامع ناسيا فليس عليه شئ 5- الامساك عن تعمد القئ فان القئ لم يفطر لقوله صلي الله عليه و سلم " من ذرعه القئ - غلبه - وهو صائمفليس عليه قضاء و من استقاء فليقض " شارك هذه المشاركه رابط المشاركه شار ك علي موقع اخر
دعوه للجنه 457 قام بنشر August 3, 2010 جزاك الله خيرا توك توك.. متجدد لميزان حسانتك باذن الله.. شارك هذه المشاركه رابط المشاركه شار ك علي موقع اخر
