انسحبوا هشام الجخ

[الجندى المجهول]

انسحبوا

هشام الجخ

انسحبوا

كان الاسلكى بعيد والعسكرى مسمعش

انسحبوا

شوفوا العجب يا ولاد العسكرى مرجعش

انسحبوا

اطرش دا ولا صنم

ارجع يا جندى بياده

دخل العدوا العريش ارجع خلاص بزياده

العسكرى سامع

لكنه واد مجدع

شال اربجيهه وضحك اشمعنا انا اللى ارجع

وقف الزمن مذهول ساعتين بيشاهد

الجندى قام كبر المدفع اتشاهد

الدبابات ظهرت

ارجع يا جندى نظام

دا كان كلام القياده

ودا برضوا وقت كلام

وقف الولد ددبان

ياساده يا سمعين

صادهم كما الدبان

محروس يا واد من العين

الدبابات صفين

اتفاجؤا وافترقوا

على كتفه كان مدفع

وعلى الجبين عرقه

غطاء العفار النار

ولا حد عاد شايف

والدبابات بتهل

ودا برضوا مش خايف

الضحكه على وشه متقولش بيصيف

ولسه الزمن واقف

مبسوط ومتكيف

الدبابات كترت

والكتره غلابه

والقلب لو مؤمن ولا الف دبابه

هتقولوا مات الولد

انا قولكم لاعاش

ما الجنه ولا فيها موت

ولا تدخل ببلاش

[الفقيرة الى الله]

مشاء الله اخى الكريم شعر هشام ممتاز جااااااااااااااااااااااااااااااااااااااااااا

 

 

ورائع وكمان هو كان امبارح على قناة دريم 2 وسمعته هو بيلقى شعر بس حاجه ايه !!!

 

 

الله اكبر ممتازة والله

 

 

 

جزاك الله خيرا اخى الكريم

[ohabo raby]

عندك حق بصراحة شعر من الاخر

 

وانا كمان شفته امبارح

 

وايه بقي اول مشفته قلت لازم اكتبله قصائد هنا في المنتدى

 

وتفاجئت باسمه "هشام الجخ "

 

قلت ده المنتدى كله عارفه

 

انا شفتله قصائد كتير هنا

 

و انا عارفة اسمه بتكرر كتييييييير في المنتدى

 

قلت يا خسارة كان نفسي اجيبلكم حاجه محصلتش

 

جزاك الله خيرا اخى الكريم " الجندى المجهول "

 

وان شاء الله هتابع قصائده

[عاشق الصداقه]

يا خبر أبيض

 

الواد ده بيستهبل

 

ما شاء الله ولا قوة الا بالله

 

بطلنا نكتب شعر خلاااااااااااااااااص ،، بجد بجد أنا جسمى قشعر وأنا بقراه

[نونا19]

بجد اختياراتك رائعة

بارك الله فيك يا شاعر المنتدي

:

:

[ممدوح]

بجد مش عـــــــــــــارف أقولك ايه

جامده جامده جامده يعنى

بارك الله فيك اخى

وياريت تستمر ف اشعار هشام الجخ

لانى بعشق اشعاره جدا

[ali desoky]

القصيده جميله جدا جدا جدا

انا اول ما قريتها قلت لازم اسمعها وعلشان كده نزلت الفيديو بتاعها كمان

 

http://forums.yallagroup.net/42266

 

 

بارك الله فيك يا حبيبي