بكل بساطة - يعنى ايه فريق عمل يا شباب - TEAM WOrk موضوع بسيط وجميل

[دعوه للجنه]

بسم الله الرحمن الرحيم

 

يعنـــــــى ايه فريــــــــــق عمل يا شباب؟؟؟

 

TEAM WORK

 

.....................................................................................

 

 

 

عدم وجوده هو السبب في كل اللي احنا فيه ... ياترى هو إيه؟؟

 

و لو قعدت فكرت فيه...

 

 

ممكن توصل إن اللي بيحصل حواليك سببه أننا بعاد جداااااااا عنه .... هو إيه؟؟!

 

 

 

سأوضح لك قصدى...

 

 

 

نحن نتكلم عن التوحد و الوحدة والعمل الجماعى

 

طيب

 

 

ما احنا على طول بنشوف وبنسمع أننا "مش بنعرف نشتغل في جماعه أصلا "

 

و أن "العرب لم يتعلموا العمل مع بعض ... "

 

 

 

و شوية كلام عن ((بيئة و شجرة العمل الجماعى اللي بتطرح بره لكن ما ينفعش تتزرع عندنا)) في بيئتنا المسلمة

 

 

 

 

 

 

 

 

...

 

...

 

...

 

 

 

 

 

فى دول عربيه بدأت مع اليابان في نفس الوقت تقريبا مرحلة البناء ...

 

 

.. و كانت الفزورة ....طيب لييييييييييه؟

 

 

 

 

ليه اليابان دولة متقدمه .. والعرب زى ما احنا شايفين ..!!!

 

 

 

 

وكانت الإجابة:

 

يابانى واحد = عمل

2 يابانيين = إنجاز

3 يابانيين = معجزة

 

 

 

عربى واحد = إجتهاد

2 عرب= جدال

3 عرب = كارثة

 

 

 

و الأمثله على نجاح الفرد و عدم نجاح الفريق مفيش أكتر منها ..

و الي يغيظك أن نفس الناس دي اللي بتردد الكلام لما تطلع بره ...

تشتغل فى فرق عمل كويس جدا !!!

 

 

 

 

كل الدنيا بتتكلم عن فوائد فريق العمل Team Work

 

و أهميته و إزاى بينجز الشغل و بيغير الدنيا

 

و بيخلى الحياه لونها بمبي و أنا جنبك و أنت جنبى ....

 

 

 

لكن احنا تقريبا بنخاف نجرب ... بنخاف النجاح يتنسب لغيرنا ... بنخاف أننا نختلف

 

 

جايز علشان ما اتعلمناش إن الاختلاف شيء طبيعى وعادي و ساعات بيكون مطلوب كمان

 

ما تفهمش المشكله فين بالظبط؟؟

 

 

 

 

 

طيب سيبنا من المشكله و خلينا عمليين

 

 

 

 

السؤال اللي محدش بيتكلم عنه كتير .... هو (إزاى ؟؟؟)

 

يعنى إزاى الناس بتشتغل فىفريق ؟؟؟

 

 

و أشمعنى احنا اللي مش بنعرف نعمله ؟؟ يعنى هو العيب في العرب؟؟؟ ...

 

 

المشكله في العربى اللي بنتكلم بيه ؟؟؟ نتكلم أنجليزى مع بعض يعنى ...

 

 

 

ما أكيد في طريقه ...

 

 

 

ولا علشان ما اتعلمناهوش ... طيب لو المسأله مسئلة تعليم ..بسيطة... نتعلمه ....

 

 

من هنا قررت أنى أتكلم و بالتفصيل هنشتغل

 

 

موضوع يجمع بين التنمية البشرية و الإدارة و الجودة

 

 

و هيكون عملي جدا و متكامل إن شاء الله

 

هنتكلم النهارده عن

 

 

 

فريق العمل ... TEAM WORK

 

 

 

يمكن ربنا يكرم واحد بس من اللي بيقرا يستفيد

 

و يوم ما يكون فرد في مجموعه يطبق و يحولها لفريق عمل ناجح نبقى كسبنا كتير .....

 

 

 

مش شرط كلامى على فريق عمل فى المنتدى

 

لأ أنا أقصد فريق العمل فى كل مكان أغلبنا فى أعمال بر وأعمال تطوعية واللى ف جمعيات وهكذا،،،،...

 

 

حتـــــــــــــى مع أصدقائك أعمل فريق عمــــــــــــــــل..

 

 

 

 

طيب قبل ما نقول سلام المرة دى

 

ايه رايك افتح المصحف كده وشوف ربنا لما بيأمرنا عز وجل بيأمرنا ازاى؟؟

 

 

 

ديمـــــــــًا أو غالبـــــــــًا هنلاقى ايــــــــــــه

 

 

وا..... وا... وا... وا..

 

ون.. ون .. ون.

 

 

ايه واو وألف

 

ونون وألف دى

 

 

 

الجماعة يعنى واو الجماعة

 

ربنا بيأمرنا يدما بصيغة الجمع

 

وتوبوا.. وسارعوا.. أعملوا.. استغفروا..ارهبون.. اعتصموا

 

المسلمون.. المؤمنون...

 

 

 

وكتييييييييييييييييييير أمثلة ......

 

 

 

انتظرونا هنتكلم عن فرق العمل بشكل مبسط وقد ايه حاجتنا ليها..

 

 

 

جزاكم الله خيرا ...

 

 

 

 

 

 

 

 

 

 

تم تعديل August 3, 2010 بواسطه دفءُ الأٌنْــــــــسِ

[دعوه للجنه]

هنتكلم بالترتيب كده ... يعنى من أول معنى فريق عمل ....

 

و تكوينه

 

مرورا بالخلاف و السيطره عليه...

 

لحد ما يقولوا لبعض مع السلامه و نشوفكم على خير ...

بعد ما يكونوا أنجزوا الشغل طبعا ...

 

 

 

هبدا من المشاركه الجايه

 

 

الجزء الأول

 

وهنتكلم فيه عن :

 

يعنى إيه فريق عمل؟

 

وايه المراحل اللي بيمر بيها لحد ما ينجز شغله؟؟

 

 

 

انتظرونا

 

 

 

 

 

[دعوه للجنه]

 

 

يعنى إيه فريق عمل؟

 

 

وايه المراحل اللي بيمر بيها لحد ما ينجز شغله؟؟

 

 

الأول نفرق بين حاجتين ..

 

. مجموعه و فريق عمل ...

 

 

 

المجموعه Group

 

يعنى أى عدد من الناس اتجمع بأى طريقه ...

 

لكن من غير هدف محدد بيشتغلوا كلهم علشان يحققوه ...

 

 

 

فريق العمل Team work زى ما انتوا واخدين بالكم هما كلمتين فريق + عمل... .. و التعريف في الكلمه التانيه ((العمل))

 

 

 

يعنى مجموعه لكن في مهمه محدده و هدف واحد

 

كلهم بيتعاونوا و بيكملوا بعض علشان يوصلوا للهدف ده

 

 

 

عرفنا الفرق خلاص ...

 

و حسيتوا زيى إننا للأسف بنتجمع كمجموعات مش كفرق عمل

 

طيب

 

 

 

إيه هى مراحل نمو فريق العمل ...

 

 

أكبر غلط أنك تتوقع أن من أول لحظه الفريق هيطلع نتائج

 

أو أنك تفترض ان مدام الشغل ب حسن نيةهتطلع نتائج...

 

على العكس في حاجات كتير بتتعمل بـ "حسن نيه" بتبوظ الدنيا

 

و يا سلام بقى لما يبدأ الفريق يختلف ...

 

معظم الناس بتستسلم بدرى و الراجل الكبير كلامه يمشى و خلصنا ...

 

يمكن علشان ما يعرفوش إن طبيعى أنهم يختلفوا

 

وعلشان تتأكدوا إنه الأختلاف طبيعى ...

 

تعالوا نفهم مراحل نمو فريق العمل .. بيبدأ ازاى و بيمشى ازاى

 

 

 

 

المراحل الخمسه لنمو فريق العمل

 

سنة 1965 عرف عالم أسمه بروس توكمان Bruce Tuckman

المراحل اللي بيمر بيها أى فريق في شغلهم مع بعض ... ((خصوصا لو فريق العمل ده عدده صغير)) ...

و ليه نموذج مشهور جدا بأسمه وساعات تلاقيه بأسم FSNP Pattern

 

 

 

التكوين Forming

 

التصارع Storming

 

التوافق Norming

 

الأداء Performing

 

(بعد كده-سنة 77- توكمان ضاف مرحله خامسه أسمها Adjourning

تقدر تقول أنها مرحلة أنتهاء العمل)

 

تعالى نمشى معاهم بسرعه

علشان لازم فريقك كله قبل ما يبدأ شغل يفهم الدنيا هتمشى إزاى

 

 

[mona ahmed]

واااااااااااااااااااااوو

جميل جدا طبعا

يلا مستنية التكملة

وجزاكى الله خيرا

[دعوه للجنه]

واااااااااااااااااااااوو

جميل جدا طبعا

يلا مستنية التكملة

وجزاكى الله خيرا

 

 

الأجمل مرورك حبيبتى

 

مفتفدينك جدا جدا جدا

 

 

تحيات وحبــــى

[دعوه للجنه]

 

المرحلة الأولى التكوين Forming

 

أول ما أى فريق عمل بيبدأ ...بيتعرفوا على بعض ...(أهلا فلان بيه... منور فلان بيه)

و إيه الهدف من وجودهم هنا ...

وطبيعى إن كل واحد بيحاول يستكشف حدوده إيه ؟ ...

وطبيعى إن كل واحد بيبقى لسه محتفظ بشخصيته الخاصه بيه (لسه فرد مش جزء من مجموعه)

ولو حصل خلاف يبصوا لقائد الفريق مستنين قراره...

ما بيفكروش يتناقشوا مع بعض

كل واحد حاسس إنه هو و القائد بس اللي قاعدين

مش عارف يتواصل مع اللى حواليه

 

وظيفة القائد هنا ...

 

توضيح المهمه .... والتوجيه مش القرارات

 

تعريف الناس ببعض

 

وليه اختاروا كل واحد منهم

 

الأفضل كمان إنه يشرح لهم المراحل اللي بنشرحها دى علشان يفهمهم هما كمان هيمشوا إزاى

 

 

 

المرحلة الثانية التصارع Storming

 

دى أصعب مرحلة ... علشان الناس بتختلف مع بعض لكنها مرحلة أساسيه علشان الفريق يكمل و يوصل لنتائج

–لكن اللي احنا متعودين عليه إننا بنقف هنا - طالما فى خلاف - و القائد اللي ماسك الموضوع يأخذ قراره

بعد ما كل اللي قاعدين يكونوا خلصوا الشاي بتاعهم-

لكن لازم الناس تفهم إن الاختلاف ده طبيعى وعادى و ساعات بيكون مطلوب كمان

 

الطبيعى أن المرحلة دى بتبدا لما كل واحد بيفهم حجم المطلوب ..

ويحس إن الموضوع كبير مش بسيط ..

ويبدأ يطرح وجهة نظره

ولأنهم عايزين الفريق ينجح - بس من غير خبره – تبدأ الأعراض العجيبه تظهر ...

كل واحد متمسك برأيه اللي وصل له من خبراته قبل كده ...

بغض النظر عن إى حد تانى معاه ...

و طبعا بيعتبر إن أى إنتقاد لرأيه = إعتداء على شخصيته

كده أكيد هما بيتناطحوا مش بيشتغلوا ...

 

هنا بقى بيحصل تضييع الوقت و التجريح في بعض و تضييع مجهود الفريق ...

و تبدأ الناس تحمل مسئولية المشكله اللي بيناقشوها على أى حد من غير أى دليل ...

 

المفترض هنا القائد يوجه فريقه و يشجعه جدااااا إنه يشارك و يكمل مع بعضه ...

ويفهمهم إن الخلاف ده طبيعى

علشان يخلى الصراع ده يعلى بالفريق لهدفه ما يعطلوش ..

ولازم يكون القائد صبوووووور

و يتجنب إنه يصدر أحكام علشان الناس ما تتكسفش تتكلم

و بنحاول في المرحله دى – بمجموعه من أدوات الجودة هنقولها في وقتها-

نخلى كل واحد يطلع اللي جواه ... كل الافكار- من غير ما نحجر على رأى حد-

و نخليهم يقللوا اللوم العشوائى و يركزوا على الحلول

 

 

الدخول للمرحله الجايه- من عدمه- مترتب على هل أنت مشيت في المرحلة دي صح ؟؟؟

هل قدرت تسمع كل فكره من كل واحد ؟...

و تحسس كل واحد بأهمية رايه؟...

و تحسسهم إن صوت الفريق فوق صوت الفرد؟...

و تشجعهم و تهتم بتشجيع أقل واحد فيهم بيتكلم؟...

 

لو قدرت تنفذ كل اللى فات ... هنا تبدأ

 

 

المرحلة الثالثة مرحلة التوافق Norming..

 

 

فى المرحله دى بتبدأ الثقه المتبادله ...

الناس بتسمع بعض أكتر..

بيركزوا على الهدف

و بيبقوا أكتر أستعداد للتفاهم ...

و يقبلوا أدوارهم ... و قواعد عمل الفريق

وهنا يبدأ تحليل كل الأسباب علشان توصل للأسباب الرئيسية

– ودى ليها مجموعه تانيه من الأدوات ليها وقتها-

 

 

دور القائد هنا بتبقى قبادة متفاعله ...

بتشجع و بتشارك و تسمع و تسيب الاعضاء ياخدوا قراراتهم كمان

 

نوصل لمسك الختام ...

 

المرحلة الرابعة مرحلة الأداء ..Performing

 

بعد كده و مع استمرار الفريق ... يبدأوا يوصلوا للتناغم و النتائج تطلع ...

و شغلهم يكمل بعضه و يحبوا الشغل

و يدوب الفرد فى الفريق

و الأداء – أخيرا- يزيد و الخلاف يقل ...

وحتى لو ظهر يعرفوا يتغلبوا عليه

 

 

نقطة مهمه

 

مفيش حدود بين المراحل ...

 

تقدر تقول إنها دائره بتكمل بعضها

 

وارد جدا إن الفريق يرجع تانى للمرحلة التانيه بعد ما وصل للرابعه ...

 

لكن طول ما انتوا مسيطرين على الوضع ... الشغل بيكمل ...وساعاتها لما يكملوا يسموها إعادة التوافق Renorming