حوار بين مسلم ومذيعة "هام لينا كلنا"

[الفقيرة الى الله 77]

 

بسم الله والحمد لله والصلاة والسلام على رسول الله وآله وصحبه أجمعيــن ،،،

 

كيف تقضى رمضان؟

 

مذيعة: هااااي

مسلم : أهلاً

 

 

مذيعة: إسم حضرتك إيه ؟

مسلم : إسمي مسلم

 

 

مذيعة: هاا وإيه أخبار الحياة معاك ؟

مسلم: عادي مقضينها تمام

 

 

مذيعة: كنا بنعمل استفتاء عن (

كيفية قضاء الشباب لأوقاتهم في رمضان)

 

ممكن تشاركنا الحوار؟

 

مسلم: عادي أشارك

بصي يا ستي

 

ب

اتسحر قبل الفجر بساعة كدة ... وبعد كدة أقعد على النت شوية لحد الصبح ...

 

أدخل على منتديات ... شات ... مواقع

 

بعدها أنام ... واصحى العصر ... اتفرج على التلفزيون لحد المغرب

 

بعدها أفطر .. واكمل تلفزيون لحد بعد العشاء

وبعدها أنزل أقابل الشلة ونظبط الليل بقى حتى وقت السحور

بس هو دا

 

 

مذيعة: طيب ياترى

رمضان السنة دي هيبقى مختلف علشان هيكون في الصيف

 

مسلم: آه طبعاً هيبقى مختلف ... أظن هتبقى حاجة جديدة

الوقت هيبقى جامد جداً بالليل والخيم الرمضانية

في المصايف

 

وبالنهار

هنقضيها نوم ونت وتلفزيون علشان صيامنا مش يضيع

مذيعة: شكراً لمشاركتك معنا

مسلم: العفو

 

 

 

 

مـُـسـْـلـِـمْ

 

"مسلم"شاب مثل أي شاب مسلم

إسمه"مسلم"

 

أمه وأبيه مسلمين ... فالبتالي هو كمان مسلم مثلهم

دا نموذج من حياته في

رمضان ( طيب في غير رمضان بقى هتكون ازاي ... ربنا يستر )

المهم ... رمضان عنده عبارة عن ... نوم وتلفزيون ونت

( وركز على كلمة نت أوي ) وخروجات وشلة ( وما أدراك ما الشلة

) ،،،

وهذا حال كثير من شبابنا في رمضان ... بس أنت غيرهم طبعاً

مسلم ... هو بطل حملتنا

 

كل حلقه هنقابله في ثوب جديد ... بظروف جديدة وأحداث جديدة

هنشوف إزاي هيصحح صيامه ....

 

 

وإزاي هيبدأ يصحح حياته من الآن !!

مسلم ممكن يكون أنا أو أنت أو أنتِ

ظروفه زي ظروفنا ... وحياته شبه حياتنا

 

وزي ظروف الأخ دة ....

بالله عليك مش نفسك تصحح حياتك زي هذا الأخ ...

مش نفسك بقى تقرب منه وترجع له ...

 

 

ربك في الحديث القدسي يقول لك: " لا تباعد مني"صححه الألباني في صحيح الترغيب

 

فيا ترى هتفضل بعيــد ولا هترجعله ؟ّ

 

 

 

تم تعديل August 4, 2010 بواسطه دفءُ الأٌنْــــــــسِ

[دعوه للجنه 457]

موضوع جميل جدا حبيبتى وتم تقيمه.

 

 

عارفه ذى مين مسلم ده

ده الشاب الى ديمًا بناخده ف اى ترانجج تنمية بشرية

 

اتولد عادى ودخل المدرسة الابتدائية عادى والثانوية عادى والكلية عادى وأتجوز عادى وخلف عادى

وبررررررررررررده مااااااات عادى...

 

 

 

يارب احفظنا ..........

 

 

 

جزيت خيرا حبيبى ربنا يرضى عنا ويصلح أحوالنا ويهدى قلوبنا ويثبتنا يااااااارب...

[الفقيرة الى الله 77]

جزاكى الله الفردوس الاعلى

 

اللهم بلغنا رمضان

[ابن تيميــــة 158]

بسم الله الرحمن الرحيم

 

بجد ربنا يحفظك اختي الفقيرة الي الله

 

موضوعك غايه ف الروعه اسال الله ان

 

يجعله في ميزان حسناتك اللهم امين ومن

 

تقدم الي تقدم ومن رقي الي رقي ان شاء الله.

تم تعديل August 6, 2010 بواسطه عيسي

[الفقيرة الى الله 77]

جزاك الله خيرا اخى عيسى

 

اللهم بلغنا رمضان

[الدرة المصونة 3]

جزاكي الله خيرا يا حبيبتي ياغالية

 

وان شاء الله نكون رمضان ده أحسن من أي رمضان فات بكثرت الطاعات

 

ربنا يكرمك حبيبتي ويتقبل منا ومنكم سائر الطاعات إنه ولي ذلك والقادر عليه

[الفقيرة الى الله 77]

 

يادرة يا حبيبت قلبى

 

ورمضان مبارك

[بنت مصرية 66]

جميل جدا جد الحوار ده يافقيرة الي الله

اتمني انك تكملي السلسلة

نقل موفق

جعلها الله في ميزان حسناتك

اللهم لاتجعلنا كمسلم هذا

ولكن كمن اردت ان نكون فعلا

خير امة اخرجت للناس

ربنا يبارك فيك ويسعدك

تقبلي مروري