قولي صحيح انت هتصوم ولا زي كل سنة؟

[ali desoky 391]

السلام عليكم ورحمة الله وبركاته

 

قولي صحيح انت هتصوم ولا زي كل سنة؟

 

 

 

ايوة قولي هتصوم والا زي كل سنة

 

اه انا صايم زي كل سنة

 

لالا ده مش هزار انا بسئلك ومش عايزك تصوم زي كل سنة

ايوة ده سؤال والمفروض تجاوب

هتصوم؟

في ناس هتقولي ايه السؤال الغريب ده هو في مسلم مابيصومش

اه فيه يلا جاوبني بقا هتصوم؟

اه هصوم

 

طيب هتصوم ازاي

 

لالالالا كتير الأسئلة دي الاول هتصوم وبعدها هتصوم ازاي

في حد ما بيعرفش يصوم

كل الناس عارفة

لا والله يا أخي ويا أختاه

في ناس كتير مش عارفة

يمكن ناس كتير عايشة بقالها 30 و35و40و20 و50 سنة

ناس كتير بقالها سنين بتصوم

بس ماتعرفش تصوم

بيصومو غلط الا من رحم ربي

 

قولي بقا انت هتصوم ازاي

قولي وخدني علي قد عقلي

 

هصوم من الفجر للمغرب

 

بس؟

 

اه صحيح من بداية اذان الفجر وحتي اذان المغرب هفطر

 

اه يعني بس؟

 

اه هو في فتوي جديدة..؟؟

 

لا ابدا مفيش ولا فتوة جديدة ولا حاجة احنا بنتناقش بندردش بمناسبة حلول شهر رمضان

يمكن انا اتعلم منك او انت تتعلم مني

طيب سؤال تاني معلش

هتصوم بايه؟

 

مش فاهم السؤال في الاول هتصوم والا زي كل سنة وبعدها هتصوم ازاي ودلوقتي هتصوم بايه لأ زودتها بقا

 

طيب معلش خليكو معايا

يعني هتصوم بمعدتك

والا هتصوم بأذنك

والا هتصوم بعينك

والا هتصوم بلسانك

والا هتصوم بقلبك

هتصوم بجميع جوارحك

هتصوم بايه قولي

ااااااااااااااااه وقفة مع النفس

يا جماعة والله مش مجرد كلام

في ناس كتير بتبتدي صيامها صح وبتفقده في اخر اليوم

بتسمع الغيبة والنميمة

بتسمع الاغاني

سلمت أذانها للمنكرات

خلاص كده فقدت شئ

ماصامتش بأذانها

طيب هتعمل ايه

هتصوم بأذنك

طب يلا اوعد كده ومد ايدك خليك راجل

خلي بالك انت لما بتوعد واحد صحبك بتكون قد الوعد

عشان الرجل ما ينفعش يرجع في كلمته

وانتي لما بتوعدي والدك او والدتك ماتقدريش ترجعي

احتراماً لوالديكي

خلي بالك قبل ما توعد

خلي بالك قبل ما توعدي

انتي وانت هتوعدو الخالق

خالقك وخالق صاحبك ووالدك

بتوعد ربنا

هاااااااااا

هتوعد ربنا..؟؟

اه هوعد

 

طيب جدع خلاص وعدنا ربنا

 

 

يارب هصوم بمعدتي وهصوم بأذني

اه بمعدتك ماانت قلت في الاول انك بتصوم بمعدتك من الفجر للمغرب

 

نيجي لتالت شئ هتصوم بعينك؟

 

ازااااااااااااااي

 

غض البصر

 

مقدرش ده بيبقا في ناس في الشارع ماينفعش اغض البصر

 

قول لنفسك انا صايم صايم صايم

صايم بمعدتي

وصايم بأذني مش هسمع منكرات خلاص

يجي صاحبك يقولك هحكيلك تقوله لأ انا صايم

ارجوك انا صايم ماتجبش في سيرة حد

تيجي بنت تعدي تفكر عينك انا صايم مش هبص

وانتي

هتغضي بصرك

 

ايه ده انا كمان...؟؟

 

ايوة يا اختي غضي بصرك

التليفزيون والنت يا جماعة

خلو بالكو

غضو من ابصاركم

خالو بالكو يا جماعة دي اكبر اختبار من ربنا التكنولوجيا الي احنا فيها اكبر ايذاء لينا لو مااستغلنهاش صح

ممكن تكون داخل تعمل خير تلاقي نفسك خوضت في اشياء تانية

تفسد عملك و تهلك الخير الي عملته

ها هتحطي صور نساء

وانت هتنظر الي النساء

وانت هتحط صور رجال تفتن بيها النساء

وانتي هتنظري الي رجل ليس من محارمك

هااااااااااااااااا يا جماعة

وعد تالت

مين هيمد ايده لربنا ويوعد؟؟

لالالا استني

اصل انا اوقات ببقا ماشي في الشارع وبشوف بنات غصب عني

يعني ابقا انا كده فطرت والا ايه...؟؟

لا يا اخي غض البصر

والنظرة الاولي مش هتتحاسب عليها

بس انت غض البصر وما تبصش تاني

جاهد نفسك

 

بجد يعني انا كده في السليم

 

اه في السليم مدام غصب عنك

هاااااااااااااااا هتوعد..؟؟

اه اوعد طبعا

 

بس خلي بالك

 

عارف عارف

انا مش بوعدك انت والا بوعد واحد صحبي والا اهلي

انا بوعد ربنا

يارب

انا صايم

صايم بمعدتي وصايم بأذني وصايم بعيني

يارب اوعدك هصوم

 

هتصوم ازاي؟

 

هصوم صح

 

خلي بالكو يا جماعة كتير منننا بيوعد وبيلتزم اول ايام شهر رمضان وبعدها بينسي

ااااااااااااااااااه

بينسي

قولي بقا صحيح انت هتنسي؟

 

لا مش هنسي انا وعدت وعدت ربنا

 

 

انا بشوف ناس في الشارع يا جماعة وفي رمضان وناس للأسف صايمين

بس صايمين صيام بطون بس

واحد ماشي بعربيته خبط في التاني

وكل منهم الاخر ينسي انه صايم وينسي ان ده مسلم

ويشتم ويضرب

ويقولك لازم اخد حقي

 

لا يا اخي انت كده مااخدت حقك

انت كده ظلمت نفسك

بس انا مابقدرش اتحكم في اعصابي

الي قدامي بيشتمني غصب عني انا راجل دمي بيغلي

لو مشيت من قدامه هيفتكرني ضعيف

هقوله الله يسامحك كده وامشي لالا ماقدرش مابعرفش

 

 

يااااااااااااااااااااااه انت جاهل وغلبان اوي

انت فاكر كده

اه اومال ايه

 

لا يا أخي جهلت فأخطأت

((والكاظمين الغيظ والعافين عن الناس والله يحب المحسنين))

 

 

لالا صدقني مش بقدر اعفيني من لساني مش بقدر اسكت

 

 

ماينفعش يا اخي تقول اعفيني

((أتؤمنون ببعض الكتاب وتكفرون ببعض))

 

خايف خايف

خايف ماقدرش اكظم غيظي واخلف وعد ربنا

وده مش اي وعد

طيب درب قلبك

 

ادرب قلبي والا لساني؟

 

 

 

*يتبع*

انتظرونا

.....

............

[ali desoky 391]

 

الاتنين يا اخي

 

العضلة الي في قلبك قابلة للتمرين والتدريب

درب عضلات قلبك علي كثرة التسامح والتنازل عن الحقوق

درب قلبك يا اخي دربي قلبك يا اختاه

جرب ان تملأ قلبك بالمحبة

فلو استطعت ان تحب المسلمين جميعاً فلن تشعر ان صدرك ضاق بهم بل ستشعر انه يتسع كلما وفد عليه ضيف جديد

فمرن قلبك علي التسامح كل ليلة قبل ان تذهب للنوم وتغمض عنيك

سامح كل الي اخطأو في حقك

وكل الي ظالموك وكل الي حاربوك

وكل الي قصرو في حقك ونسو جميلك وقللو من شئنك واكثر من ذلك

 

سامح يا اخي

سامحي يا اختي

 

ادعيلهم ان يهتدو وان يغفر لهم هتلاقي نفسك انت الرابح

يااااااااااااه

يغلط في حقي وادعيله

اه ادعيله

هتيجي علي نفسك

اه وحقي هيضيع

 

لا والله يا اخي ده انت بكده اخدت اجر كبير وحقك عند ربنا

 

عن ابي هريرة رضي الله عنه قال

:قال رسول الله صلي الله عليع وسلم

((إِنَّ اللَّهَ لاَ يَنْظُرُ إِلَى صُوَرِكُمْ وَأَمْوَالِكُمْ وَلَكِنْ يَنْظُرُ إِلَى قُلُوبِكُمْ وَأَعْمَالِكُم))

أخرجه مسلمْ

 

 

 

وسع صدرك عشان ربنا يعينك علي العفو والتسامح

 

قال بعض الحكماء

أحسن الكارم عفو المقتدر وجود المفتقر)

فاذا قدر الانسان علي ان ينتقم من خصمه غفر له وسامحه.

 

قال تعالي

وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ))

وقال صلي الله عليه وسلم لقريش:

مَا تَرَوْنَ أَنِّى صَانِعٌ بِكُمْ؟" قَالُوا : خَيْرًا! أَخٌ كَرِيمٌ.. وَابْنُ أَخٍ كَرِيمٍ. قَالَ: "اذْهَبُوا فَأَنْتُمُ الطُّلَقَاءُ"

 

 

 

 

ياه يارسول الله بعد الايذاء الي اتأذيته من قريش

كل ده عفو

انت فين بقا؟

انت فين من العفو؟

عود نفسك

درب نفسك

 

 

درب نفسك لو قابلتك الشتيمة اسفر وجهك و قابلها بابتسامه ودعاء

شايف شايف ربنا وصانا بالعفو والتسامح ازاي

شايف الرسول كان بيعمل ايه

 

 

هاا قولي هتعمل ايه

استني هقولك الاول ثوابك

 

 

 

عن سهل بن معاذ عن أبيه أن رسول الله صلي الله عليه وسلم قال:

من كظم غيظاً وهو قادر علي أن ينفذه-دعاه الله عز وجل علي رؤوس الخلائق يوم القيامة-حتي يخيره الله من الحور ما شاء)

 

 

يااااااااااااااااه هو كظم الغيظ ثوابه كبير كده

 

 

 

مش قلتلك جهلت فأخطأت

 

 

 

قال بعض الحكماء:

احتمال السفيه خير من التحلي بصورته,والإغضاء عن الجاهل خير من مشاكلته)

 

 

 

قال سبحانه وتعالي لنبيه محمد صلي الله عليه وسلم:

 

فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غلِِيظ الْقَلْبِ لَانْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ

وَشَاوِرْهُمْ فِي الْأَمْر)

 

لا تكن فظاً غليظ القلب

لا تجتمعو علي الشدة والعنف

واجتمعو علي الرحمة والود

 

قال أبو الدرداء رضي الله عنه لرجل شتمه:

يَا هَذَا لا تُغْرِقَنَّ فِي سَبِّنَا وَدَعْ لِلصُّلْحِ مَوْضِعًا فَإِنَّا

لا نُكَافِئُ مَنْ عَصَى اللَّهَ فِينَا بِأَكْثَرَ مِنْ أَنْ نُطِيعَ اللَّهَ عَزَّ وَجَلَّ فِيهِ )

 

 

وَشَتَمَ رَجُلٌ الشَّعْبِيَّ فَقَالَ له الشَّعْبِيُّ:

 

"إنْ كُنْتُ كمَا قُلْتَ فَغَفَرَ اللَّهُ لِي وَإِنْ لَمْ أَكُنْ كَمَاقُلْتَ فَغَفَرَ اللَّهُ لَكَ"

 

ولهذا كان الشافعي - رحمه الله- يقول:

إِنَّ الْحُرَّ مَنْ رَاعَى وِدَادَ لَحْظَةٍ وَانْتَمَى لِمَنْ أَفَادَ لَفْظَة

 

 

 

 

 

هاااااااااااااااااا

قولي هتعمل ايه

هتقول تاني مش قادر

اعصابي بتفلت مني

 

 

لالالالا خلاص انا عرفت

هدرب قلبي

هوعد ربنا

هصوم بمعدتي وأذني وعيني وقلبي ولساني

هصوم بكل جوارحي

انا جيتلك يارب بوعدك

هصوم وهسلم ليك

هتوب وهدرب نفسي

مش هعصاك تاني يارب

 

 

 

 

عرفت الصوم؟

هتصوم والا زي كل سنة؟

 

 

 

 

 

يتبع

 

تم تعديل August 11, 2010 بواسطه ali desoky

[ali desoky 391]

الصوم ليس مجرد امتناع عن الطعام والشراب، بل هو أيضًا امتناع عن معصية الله

 

 

 

قال الرسول صلى الله عليه وسلم:

"من لم يدع قول الزور والعمل به فليس لله حاجة أنيدع طعامه وشرابه"،

 

أي من لم يترك قول الكذب والعمل به فلا فائدة من صيامه.

 

ويقول كذلك:

"كم من صائم ليس له من صيامه إلا الجوع والعطش"،

فالصيام ينقّي القلب وعلى المسلم أن يلتزم بالأخلاق الطيبة والسلوك القويم في رمضان.

ومن المهم أن نتذكر أنه على المسلم أن يتصف بالأخلاق الحميدة دائمًا وأن يستغل شهر رمضان لتدريب النفس على هذه الأخلاق

 

ايوة خلاص انا عرفت هدرب نفسي

 

من امتي؟

 

من دلوقتي

 

نستعد من دلوقتي

ناخد اجرين لو ربنا مكتبلناش نعيش لحد رمضان

يبقا اخدنا اجر النية

نصوم

اه نصوم بكل جوارحنا

نصوم اتنين وخميس

ونصوم ال3 ايام القمرية في الشهر العربي 13و14و15

 

بس كده خلاص وعدنا ربنا وهنصوم

لأ استني

احنا امتنعنا وصومنا عن الاخطاء

فين العبادة بقا

ماهي الامتناع عن الاخطاء دي عبادة

 

ايوة مقلناش حاجة بس مش صيام وبس

صلي

ااااااااااااااااااااه

بتصلي؟

اه بصلي

 

بتصلي ايه؟

 

بصراحة يعني بصلي بس اوقات بيروح عليا الفجر واوقات المغرب

لكن بصلي العشاء والتراويح الحمدلله

ليه بيروح عليك

قول ماتتكسفش

اصل يعني بكون سهران مع اصحابي علي القهوة والقاعدة بتكون حلوة مش بقدر اسيبها

لكن خلاص خلاص

انا صايم

صايم بكل جوارحي

الفجر يأذن هقوم للصلاة

 

خلاص اتفقنا

والمغرب ليه بيروح عليك؟

قول ماتتكسفش

اصل بصراحة بعد ما بفطر بيكون شغال مسلسل حلو اوي بحب اسمعه وبتابعه في رمضان

بعقد اتفرج عليه ببص الاقي العشاء اذنت بنسي نفسي

وراح المغرب

ياخي هذه فتنة

 

لا منا خلاص خلاص هجاهد نفسي

وهصوم بكل جوارحي

مش هعصي ربنا تاني

الله اعظم من كل شئ

اعوذ بالله من شهواتي

الله اكبر الله اكبر الله اكبر يا اخي

الله اعز من خلقه جميعا

الله اعز مما اخاف واحذر

الحمدلله الممسك السماء ان تقع علي الارض الي باذنه

من شر عبده ابليس وجنوده واتباعه من الجن والانس

اللهم كن لي جارا من شرهم

جل ثناؤك وعز جارك ولا اله غيرك

........

اخي الفاضل اختي الفاضلة

ووعدنا الله وتسابقنا في الوعد

فهل سنتسابق في التفيذ؟

لا لا لا مفهاش تراجع

ده احنا لما بنكتب شيك لحد ونمضي عليه لازم ننفذ خوف من الحبس

لكن احنا ماضينا معاهدة مع ربنا

مفهاش تهريج لازم ننفذ

هنصلي ونصوم ونقيم الليل وندعي

هنصوم من دلوقتي

 

اه هنصوم من دلوقتي

 

ونقيم الليل

ونختم القرآن

هتختم القرآن؟

اه هختم القرآن خلاص بقا مااحنا اتفقنا مع ربنا هنتوب ونصلي ونصوم ونسلم لله

هنعود نفسنا علي العبادة

وجاتلنا فرصة جميلة

فرصة رمضان

مفيش شياطين في رمضان

لو اصابتك معصية فهي من شر نفسك

وعشان ننقي قلوبنا هندربها

وهنستعد من دلوقتي

هتستعد؟

اه هستعد

هتعمل ايه

مااحنا خلاص اتفقنا هنصوم ازاي

ده درس كامل في الاخلاق خلاص هدرب نفسي

وهصلي خلاص منا امتنعت بقا عندي وقت وعقل وقلب صافي لله عز وجل

ومعاهده متنساش مش هعصاك تاني يارب

وهدعي في السجود وهختم القرآن قبل رمضان استعداد لرمضان

وبعد رمضان استعداد لدنيا وحياة طاهرة مليئة بالايمان.

 

هااااااااااااااا

 

هتعمل ايه تاني

وهنفطر صائم وهنصل الارحام

خلاص بقا مااحنا عارفين

طيب قولي انا مش عارف

قولولي يا جماعة

عايزين تعملو ايه تاني

عشان نفيد بعض

عشان نعين بعض قولولي

خلي بالك انا وانا بنصحك

بفتكر حاجات معاك وبنصح نفسي بيها

اصلا ما ينفعش اقول اني راضي عن نفسي في العبادات

لازم كل مرة اعبد ربنا اكتر واكتر

واذكر نفسي

المؤمن الذي يري ذنوبه مثل الجبال

والكافر الي يقولك لا ياعم منا كويس كده

صليت الضهر امبارح في ناس مش بتصلي خالص

هاااااااااااااا يا جماعة قولولي

انصحوني وناقشوني

مش هنصوم زي كل سنة هنضاعف العبادات هنكثر الذكاه

هنعبد ربنا كما لم نعبده من قبل

عايزين نعمل ايه تاني في رمضان

عشان ندرب نفسنا في رمضان ونستمر بعد رمضان