بنت مصرية 65 قام بنشر August 10, 2010 أهلا بيكم في الموضوع الثالث من دورة ياللا نتغير إيه الأخبار؟؟ يارب تكون المقدمة عجبتكم وتفسير الحملة أثناء رمضان واضح بإذن الله الحلقة اللي فاتت وعدتكم إن فيه حاجة لازم نعملها قبل ما ندخل علي موضوع التخطيط بتاعنا ده يا تري هي إيه حاجة مهمة جدا وهي القياس القبلي نعم هو إيه ده ؟؟ ده يا جماعة اختبار هنعمله قبل مانبتدي نمشي في دروس الدورة علشان نقيس معلوماتكم في حجات معينة ليها علاقة باللي هنتعلمه سوا ان شاء الله طيب ممكن نفهم برضوا ايه فايدته؟؟ بصوا ياجماعة احنا اغلبنا سمع كتير عن برامج وحملات لمواضيع مختلفة وخصوصا كمان في شهر رمضان بتتنفذ الحملات دي كلام جميل ومحفز اللي إحنا بنقراه فيها لكن علشان نعرف إحنا استفادتنا اد إيه من الموضوع لازم نعرف إحنا كنا فين الأول ونعرف إحنا فين في الطريق أثناء الرحلة وفي الأخر نعرف إحنا وصلنا لأيه علشان نقدر نقوم سلوكنا ونعدل أي اعوجاج أو أي كسر بسيط ممكن يحصل ويبوظ الدنيا معني الكلام إن إحنا هنعمل القياس القبلي ده وهناخد حاجة نتابع بيها شغلنا طول الشهر ان شاء الله وهنعمل القياس البعدي باذن الله اخر شهر رمضان قبل >>>> أثناء >>>> بعد ازاي هنعمل القياس ؟؟ بسيطة جدا انتواه تحملوا ملف word من المرفقات وهتلاقوا القياس اعملوه وشوفوا درجاتكم كام وبعدين كل واحد هيبعتلي الدرجة بتاعته اللي اخدها في القياس علي الايميل ده د bentmasrea@yallagroup.net تسهيلا للأمور وحماية للسرية وإذا أحيانا الله هنعمله تاني اخر الشهر وخدوا بالكم القياس ده بتاعكم كونوا صادقين وانتوا بتعملوه لانه في الاول وفي الآخر انتوا اللي هتستفادوا منه علشان تعرفوا فعلا انتوا عندكم نقص في معلومات معينة وهل بعد متابعة الدورة اتغير ده ولا لا؟؟ ممكن سؤال طيب وانتي هتعملي ايه بدرجاتنا دي؟؟ عادي جدا دي مفجاة نخليها لآخر الشهر ان شاء الله تابعوا الحلقة الجاية قريبا جدا... انتظر تفاعل المشاركين ... ملحوظة لطريقة حساب الدرجات في القياس السؤال مكون من 4 أجابات نعم =4 غالبا=3 احيانا=2 لا=1 ثم تجمع الدرجات وفيه 3 مجموعات من الدرجات وطبعا مابينهم من ارقام ونشوف احنا جبنا كام وفي انهي مجموعة بس اتمني ان تكون الطريقة واضحة القياس.doc لمتابعة باقي الدورة اضغط هنا اقتباس شارك هذه المشاركه رابط المشاركه شار ك علي موقع اخر
بنت مصرية 65 قام بنشر August 12, 2010 ايه ياجماعة هو المشتركين في الدورة راحوا فين اقتباس شارك هذه المشاركه رابط المشاركه شار ك علي موقع اخر
ايهاب عمر 0 قام بنشر August 13, 2010 جزاكم الله خيرا اسلوبك رائع فى الشرح والتوضيح بالنسبة للقياس ارجو المعذرة موضوع حساب الدرجات غير واضح هل يتم اعطاء الاجابة رقم من 1 او 2 او 3 او 4 طبقا لترتيبها ثم يتم جمع هذة الدرجات لحميع الاسئلة ومقارنتها بالمكتوب لمعرفة هل هى داخل نطاق 1 مثلا اللى هو من 48-64 هل هى كذلك؟ جزاكم الله خيرا اقتباس شارك هذه المشاركه رابط المشاركه شار ك علي موقع اخر
بنت مصرية 65 قام بنشر August 14, 2010 اولا مرحبا بك اخي ايهاب في الدورة اسال الله ان ينفعنا بم فيها ان شاء الله ثانيا اعتذر عن عدم وضوح هه النقطة هو طبعا السؤال مكون من 4 أجابات نعم =4 غالبا=3 احيانا=2 لا=1 ثم تجمع الدرجات وحسب الفئة اللي انت من ضمنها وهي 3 مجموعات من الدرجات وطبعا مابينهم من ارقام اتمني ان تكون الطريقة واضحة وجزاك الله كل خير اقتباس شارك هذه المشاركه رابط المشاركه شار ك علي موقع اخر
