بنت مصرية 66 قام بنشر August 12, 2010 مرحبا علي الخير مرة أخري... خلاص إحنا عرفنا إن هدف الدورة دي في شهر رمضان المبارك ان إحنا ان شاء الله هنكتسب عادة التخطيط ها ياللا بقي مش هنخطط ولا ايه لا لسه شوية علشان نخطط لازم نمر بكذا خطوة الأول بس ما تخافوش انا مش هطول عليكم إحنا هنعرف أزاي نعمل التخطيط الشخصي وبعدين هنفذ خطتنا وبعد كدا هنتعلم اكتر عن فايدة التخطيط بغرض استحضار الهمة والعزيمة والنية علي متابعة الخطة ان شاء الله كويس كدا ياشباب بعد ما غشينا كام معلومة عن الموضوعات الجاية في الدورة ان شاء الله يبقي نبتدي علي بركة الله... أول حاجة لازم نعرف إجابة سؤال مهم جدا وهو ما هو التخطيط وماذا نعني بالخطة ؟؟ ببساطة أكثر... كيف نخطط ؟؟ "1" "2" ده ياجماعة اسمه مربع وهو تحليل نقاط القوة والضعف والفرص والتهديدات والمعروف باسم SWOT اختصاراً لكلمات Strengths , Weaknesses, Opportunities and Threats وهو أحد أشهر أدوات التخطيط يقوم بتحليل اوضاعك القائمة تلك الأداة تصنف تلك العوامل إلى عوامل سلبية أو إيجابية. إن كانت سلبية عالجتها وإن كانت إيجابية استغلتها.الحروف الاربعة رمز لبداية الكلمات السابقة باللغة الانجليزية نقاط القوة والضعف ببساطة هي العوامل الداخلية اللي تقدر تسيطر عليها انت . نقاط القوة هي العوامل الداخلية التي تؤثر إيجابياً مثل:سريع الهدوء نقاط الضعف هي العوامل الداخلية التي تؤثر سلبياً مثل : سرعة الغضب أما بالنسبة للفرص والتهديدات فهي العوامل الخارجية ليس لديك قدرة علي السيطرة عليها الفرص هي العوامل الخارجية التي تصب في مصلحتك مثل :اصدقاء صالحين التهديدات هي العوامل الخارجية التي تؤثر بصورة سلبية مثل: المحبطون من حولك المطلوب انك تحدد الحجات دي كلها وتكتبها في المربع الفارغ اللي تحت ده وقت التنفيذ.. بعد ما عرفنا الخطوات الأولي للتخطيط لازم نترجم ده لواقع ونعمله طيب إيه المطلوب في الخطة دي؟ لازم تحدد هدفك كويس جدا أنت عايز إيه في رمضان وتعرف أنت فين علشان تبتدي صح بعد الكلام ده إيه الخطوة الجاية ؟؟ عايزين بس ننتبه لحاجة مهمة جدا الإنسان بطبيعته ياجماعة في علم التنمية البشرية بعد أبحاث ودراسات تم التوصل ان الإنسان علشان يتطور ويبقي أفضل وأحسن لازم يطور نفسه في 4 جوانب رئيسية بتشكل شخصيته الإنسانية وهي: 1- الجانب الروحانى : يهتم بعلاقة الإنسان بالله سبحان وتعالى وكيفية توطيد هذه العلاقة والعمل على زيادة التقرب لله سبحانه وتعالى 2- الجانب الجسمى : وهو الجانب المادى او الفيزيائى للإنسان أى وجوده ، والمقصود به الإهتمام بجسم الإنسان ولياقته البدنية والتى تمد الإنسان بالطاقة التى تلزمه للمثابرة والإستمرار فى التقدم نحو بلوغ أهدافه 3- الجانب العقلى : وذلك يخص الحالة العامة لعقل الانسان ومدى ثقافته العامة والتى تساعد الإنسان على التحدث فى جميع المجالات التى تطرح على الساحة من حوله وذلك يجعله أكثر قدرة على التحدث مع الأخرين فى ما يخص إهتماماتهم 4- الجانب العاطفى : وهو يمثل الجانب الإجتماعى للفرد والذى يتمثل فى علاقاته مع من حوله من أفراد سواء كانوا أقارب أو أصدقاء أو أى من الأفراد التى نلتقى بهم فى حياتنا اليومية وهو طبعا فيه جوانب تانية متفرعة ولكن التركيز علي دي ان شاء الله في شهر رمضان ولنا تكملة ما بعد ذلك باذن الله . وعلي فكرة يا جماعة ناس كتير بتفتكر ان شهر رمضان هو شهر للعبادة فقط العبادات الشخصية والمعروفة الدعاء الصلاة الصوم والصدقة وغيرها وده مش صح ومش كفاية سمعت أبا هريرة رضي الله عنه يقول : قيل لرسول الله صلى الله عليه و سلم : إن فلانة تصلي الليل و تصوم النهار و في لسانها شيء يؤذي جيرانها سليطة قال : لا خير فيها هي في النار و قيل له : إن فلانة تصلي المكتوبة و تصوم رمضان و تتصدق بالأثوار و ليس لها شيء غيره و لا تؤذي أحدا قال : هي في الجنة. تخيلوا أهمية الإحساس بالغير والتعايش مع الناس بما يرضي الله ورسوله وده الأصل في رمضان وعملك علي الجوانب المتعددة من شخصيتك وعقد النية علي ان يكون كل ماتفعله لله يقربك لله اكثر ويكسبك حسن الخلق باذنه . مع ان احنا لو بصينا كويس هنلاقي كل حاجة ممكن نعملها هي في الاصل عبادة وديننا الحنيف بيحثنا عليها وهقلكم علي سر .. رمضان فرصة كبيرة لتتغير علشان احنا في الوقت ده الحالة الإيمانية بتبقي عالية والقرب من الله سبحانه وتعالي واستعداد الإنسان انه يسابق غيره في الطاعة ويأمل الفوز بالجنة والعتق من النار ومغفرة الذنوب يبقي الصح ان احنا ننتهز الفرصة العظيمة دي ونحط ايدينا علي بداية طريق التغيير الله عز وجل بيقول في كتابه العزيز لا يكلف (الله نفسا الا وسعها ) وايه آخري(لايكلف الله نفسا الا ما اتاها) يعني زي ما قلنا قبل كدا ما تعملش نفسك فارس بني همام وتعد تحط لنفسك أهداف كتير وغير محددة هتلاقي نفسك في الآخر ماعملتش حاجة وخصوصا الناس اللي مااستعدتش لرمضان في شعبان ورجب او حتي من قبل كدا .. اعتقد النية لانها اهم شيء وتيقن ان الله هو المعين وانك لايمكن تقدر علي حاجة الا بيه ولاتغفل عن المعبود بالعبادة هو ازاي الواحد ممكن يغفل بالعبادة عن المعبود؟؟ ايوة ياجماعة يعني نهتم ان احنا نعمل العبادة دون التفكر فيها نسبح ونذكر دون الامعان فيما نقول الامعان ده بيخلينا نتقرب اكثر لله ونحس بلذه العبادة وبعدين حط شعارك في رمضان وخليه شعار واقعي كلنا عارفين الشعار الشهير لن يسبقي الي الله احد هو شعار جميل جدا وربنا يبلغنا المرتبة دي ولكن ماهو فيه ناس بتسبق واحد بيختم القراءن اكتر من 20 مرة او بيعمل حجات لله مش محسوبة وكتير وانت فين من ده كله يبقي خليك في شعار تقدر تجاريه مثلا سأعبدك ربي كما لم أعبدك من قبل هتدخل في مسابقة مع نفسك مش كدا واقعي شوية وخلي بالك ان تأتي متأخر افضل من لا تأتي ابدا طيب عملت كل ده فاضل ايه تاني... استنوني الحلقة الجاية لمتابعة باقي الدورة اضغط هنا شارك هذه المشاركه رابط المشاركه شار ك علي موقع اخر
ايهاب عمر 0 قام بنشر August 13, 2010 السلام عليكم ورحمه الله وبركاتة جميع الصور غير ظاهرة لا اعرف لماذا مع ان سرعه النت عندى كويسة جدا يرجى اعادة ارفاقها او وضعها كمرفقات خارجية فى ملف winrar شارك هذه المشاركه رابط المشاركه شار ك علي موقع اخر
ايهاب عمر 0 قام بنشر August 13, 2010 جزاكم الله خيرا الصور ظهرت بعد ما حطيت الرد شكرا شارك هذه المشاركه رابط المشاركه شار ك علي موقع اخر
